სტაჟირების პროგრამა
სამოქალაქო საზოგადოების ინსტიტუტი (CSI) აცხადებს ონლაინ სასწავლო პლატფორმის (www.e-learning.ge) სერთიფიცირებული სტუდენტებისთვის ანაზღაურებადი სტაჟირების პროგრამას.
პროგრამის მიზანია ახალგაზრდა პროფესიონალების განვითარების და დასაქმების ხელშეწყობა, ასევე საზოგადოებრივი ორგანიზაციების მხარდაჭერა.
სტაჟირების პროგრამა მესამედ ცხადდება ევროკავშირის მიერ დაფინანსებული პროექტის  „საზოგადოებრივი ორგანიზაციების გაძლიერება საჯარო სექტორის მონიტორინგსა და პოლიტიკის დიალოგში გასააქტიურებლად” ფარგლებში.
სტაჟირების პროგრამა შესაძლებლობას აძლევს სტუდენტებს პრაქტიკაში გამოიყენონ ონლაინ კურსებიდან მიღებული ცოდნა, განავითარონ პროფესიული უნარები და შეიძინონ ახალი გამოცდილება, რაც ხელს შეუწყობს მათ სამომავლო დასაქმებას. კონკურსში გამარჯვების შემთხვევაში სტუდენტს შესაძლებლობა აქვს გაიაროს 6 თვიანი სტაჟირების პროგრამა საზოგადოებრივ ორგანიზაციაში და მოიპოვოს სამოქალაქო საზოგადოების ინსტიტუტის (CSI) სტიპენდია (70-75 ევროს ექვივალენტი ყოველთვიურად).
საზოგადოებრივ ორგანიზაციას კი საშუალებას აძლევს 6 თვით აიყვანოს www.e-learning.ge სერთიფიცირებული მონაწილე, რომელსაც, კონკურსში გამარჯვების შემთხვევაში, სამოქალაქო საზოგადოების ინსტიტუტის (CSI) სტიპენდიას გადაუხდის.
სამოქალაქო საზოგადოების ინსტიტუტი (CSI) ხელს შეუწყობს სტუდენტის და მასპინძელი ორგანიზაციის ერთმანეთთან დაკავშირებას. მას შემდეგ რაც შეავსებთ კითხვარს, სტუდენტები მიიღებენ ორგანიზაციების ბაზას, ხოლო ორგანიზაციები – სტუდენტების ბაზას, რის შემდგომაც სტუდენტი და ორგანიზაცია უკავშირდებიან ერთმანეთს სტაჟირების პირობებისა და სამუშაო მოვალეობებზე შესათანხმებლად.
შესაძლოა სტუდენტის სამუშაო განაკვეთი იყოს სრული, ან ნახევარი, ეს ყოველივე სტუდენტის და მასპინძელი ორგანიზაციის მოლაპარაკების საგანია.
თუ გაქვთ სურვილი ჩაერთოთ სტაჟირების პროგრამაში შეავსეთ კითხვარი. კითხვარის შევსების ბოლო ვადა არის 12 ნოემბერი.
კითხვარი, რომელსაც ავსებენ სტუდენტები:
https://goo.gl/forms
კითხვარი, რომელსაც ავსებენ საზოგადოებრივი ორგანიზაციები:
https://goo.gl/forms
კითხვების შემთხვევაში დაგვიკავშირდით: 236-36-00
საკონტაქტო პირი: თათა ბოჭორიშვილი

გამომცხადებელი
სამოქალაქო საზოგადოების ინსტიტუტი (CSI)

გამოცხადების თარიღი
09.11.2018

განაცხადის ბოლო ვადა
12.11.2018

 
 
Close
 
  • მოგწონთ თუ არა საიტი?
  • რას შეცვლიდით ან დაამატებდით საიტზე?
  • ვის წარმოადგენთ?

 

FB like button
 
თბილისი 0171 / 26 მაისის მოედანი 2 / V სართული
ტელ (995 32) 2 365 675 / ფაქსი (995 32) 2 363 600
ელ. ფოსტა info@csogeorgia.org