თბილისი. კავშირი „საფარი" აქვეყნებს ბლოგპოსტს, რომლის თანახმადაც პარლამენტის ადამიანის უფლებათა დაცვისა და სამოქალაქო ინტეგრაციის კომიტეტმა ერთხმად მიიღო განსახილველად პეტიცია სექსუალური შევიწროების აკრძალვის მოთხოვნით. „ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, სოფიო კილაძემ კოლეგებს გააცნო პეტიციის არსი, რომელიც ითვალისწინებს მოთხოვნას პარლამენტმა მიიღოს საკანონმდებლო ცვლილებები შრომის კოდექსში და ადმინისტრაციულ სამართალდარღვევათა კოდექსში, რათა სექსუალური შევიწროვება აიკრძალოს, როგორც დასაქმების ადგილზე, ისე საჯარო სივრცეში და მსგავსი ქმედება გახდეს დასჯადი”, ნათქვამია ორგანიზაციის ვებგვერდზე. სრულად... წყარო: parliament.ge

აჭარა. 1 ნოემბერს „თავისუფალ ჟურნალისტთა სახლის" ორგანიზებით, სოფელ დანდალოს საჯარო სკოლაში სტუდენტური დისკუსია ჩატარდა. „დისკუსიის თემა იყო „ქალთა მიმართ ძალადობა". შეხვედრის პროცესში მონაწილეებმა განიხილეს თემის ირგვლივ არსებული პრობლემები და ნახეს მოკლემეტრაჟიანი ფილმები, რომლებიც ასახავდა ქალთა მიმართ ძალადობის ფაქტებს. დისკუსიათა ციკლი იმართება „სიტყვის თავისუფლების მხარდაჭერის" პროგრამის ფარგლებში, ფონდ ნედის (NED) მხარდაჭერით", ნათქვამია თავისუფალ ჟურნალისტთა სახლის ვებგვერდზე სოციალურ ქსელში. სრულად... წყარო: ორგანიზაციის ვებგვერდი

თბილისი. 2 ნოემბერს სამოქალაქო პლატფომა "არა ფობიას” წევრმა ორგანიზაციებმა - მედიის განვითარების ფონდმა, თანასწორობის მოძრაობამ, ტოლერანტობის და მრავალფეროვნების ინსტიტუტიმა საქართველოს დემოკრატიულმა ინიციატივამ, შავი და ბალტიის ზღვის ალიანსმა - ტელეკომპანია "მაესტროს” თვითრეგულირების ორგანოს საჩივრით მიმართეს. საჩივრის საფუძველი "მაესტროს” 27 ოქტომბრის საინფორმაციო გამოშვების წამყვანის მაგდა ანიკაშვილის ჰომოფობიის წამახალისებელი კომენტარები გახდა, რომელიც მან ფეხბურთის ფედერაციის ვიცე პრეზიდენტ ნიკა ჯღარკავასთან ინტერვიუს დროს შეკითხვების დასმისას გააკეთა. სრულად წყარო: „მედიის განვითარების ფონდის" ვებგვერდი

იმერეთი. PHR-ის იურისტებმა ქალთა მიმართ ძალადობის შესახებ მორიგი სამუშაო შეხვედრა ზესტაფონის მუნიციპალიტეტში გამართეს. შეხვედრის მიზანს წარმოადგენდა სამედიცინო დაწესებულებებში დასაქმებული ექიმებისა და ექთნების ცნობიერების ამაღლება და მათი ინფორმირებულობის გაზრდა ადგილობრივ თემში. სხვა საკითხებთან ერთად, შეხვედრაზე განიხილეს ექიმის როლი მტკიცებულებების შეგროვების პროცესში და სამართალდამცავი ორგანოებისათვის ინფორმაციის მიწოდების საკითხი. შეხვედრას ინტერაქციული ხასიათი ჰქონდა. სრულად  წყარო: ორგანიზაციის ვებგვერდი

აჭარა. 28 ოქტომბერს, საზოგადოებრივი განვითარების აკადემიისა და ბათუმის ამერიკული კუთხის პარტნიორობით, დემოკრატიის და ლიდერობის სკოლის ფარგლებში ჩატარდა ლექცია „ფემინიზმი, ფემინიზმის ისტორია და ფემინიზმი, როგორც პოლიტიკური იდეოლოგია". საჯარო ლექციის ფარგლებში სპიკერმა განიხილა ფემინიზმის წარმოშობის ისტორია - ფემინიზმი, როგორც პოლიტიკური იდეოლოგია, ფემინიზმი და მის გარშემო არსებული განსხვავებული და ურთიერთსაპირისპირო პოზიციები და სხვა. დემოკრატიის და ლიდერობის სკოლის მიზანია სტუდენტებმა და სკოლის მოსწავლეებმა მიიღონ ინფორმაცია დემოკრატიის და დემოკრატიული ღირებულებების შესახებ. სრულად... წყარო: ორგანიზაციის ვებგვერდი სოციალურ ქსელში

თბილისი. გენდერული საინფორმაციო პორტალი აქვეყნებს ბლოგპოსტს, სადაც ვკითხულობთ, რომ ქალთა უფლებების მასშტაბური კვლევის მიხედვით საქართველოს 53-ე ადგილზეა. „საქართველოში, ყველა კომპონენტების დაჯამებით, ქალთა უფლებების კუთხით საშუალო მდგომარეობაა. თუმცა ქვეყანა ტოპ 10 ქვეყანაშია, სადაც ბიჭ შვილებს ანიჭებენ უპირატესობას და 100 ახალშობილ გოგოზე 111 ახალშობილი ბიჭი მოდის. საქართველოს ამ კუთხით ინდოეთის მსგავსი მაჩვენებელი აქვს", ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

სამცხე-ჯავახეთი. ძალადობის მსხვერპლი ლოლა ზ.ს და მისი შვილების, როგორც ძალადობის მოწმე ბავშვების, უფლებების დაცვის მიზნით ახალციხის რაიონულმა სასამართლომ 2017 წლის 24 ოქტომბერს მოძალადისაგან დამცავი ორდერი გამოსცა. დაზარალებულების ინტერესებს სასამართლოში „საქართველოს დემოკრატიული ინიციატივა" (GDI) წარმოადგენდა. ორგანიზაცია ლოლა ზ.-ს ინტერესებს იცავს პროექტის „სამართალწარმოება თანასწორობისთვის" ფარგლებში, რომელიც ხორციელდება East-West Management Institute, PROLoG, USAID – ის ფინანსური მხარდაჭერით და მიზნად ისახავს საქართველოში მცხოვრები რელიგიური და ეთნიკური უმცირესობების სამართლებრივი სტატუსის გაუმჯობესებას. სრულად  წყარო: ორგანიზაციის ვებგვერდი

თბილისი. 25 ოქტომბერს, პარლამენტის გენდერული თანასწორობის საბჭოს სხდომა გაიმართა. „სხდომაზე წარმოდგენილი იყო სამაგიდო კვლევა – გენდერული თანასწორობა საქართველოში: ბარიერები და რეკომენდაციები. კვლევაში იდენტიფიცირებულია ხარვეზები მთელ რიგ სფეროებში, როგორიცაა: პოლიტიკური მონაწილეობა, ეკონომიკური გაძლიერება, ქალთა მიმართ ძალადობა, შრომითი ურთიერთობები, ჯანმრთელობა, განათლება, მშვიდობა და უსაფრთხოება, სპორტი და კულტურა", ნათქვამია გენდერული საინფორმაციო პორტალის ვებგვერდზე. სრულად... წყარო: ginsc.net

თბილისი. გენდერული საინფორმაციო პორტალის ინფორმაციით, ქალთა მოძრაობამ საქართველოს პარლამენტში, თავმჯდომარის სახელზე 1000 ხელმოწერა შეიტანა. „პეტიციის ხელმომწერნი მოითხოვენ, პარლამენტმა დაუყოვნებლივ მიიღოს საკანონმდებლო ცვლილებები შრომის კოდექსში და ადმინისტრაციულ სამართალდარღვევათა კოდექსში, რათა სექსუალური შევიწროება აიკრძალოს როგორც დასაქმების ადგილზე, ისე საჯარო სივრცეში", ნათქვამია გენდერული საინფორმაციო პორტალის ვებგვერდზე. სრულად... წყარო: ginsc.net

თბილისი. #მეც, #Metoo კამპანიას სექსუალური შევიწროების წინააღმდეგ უკვე უამრავი ქალი შეუერთდა. „ქალთა ფონდი საქართველოში" გთავაზობთ რამდენიმე პოსტერს შარშანდელი კამპანიიდან, თუ რა არის სექსუალური შევიწროება და რით განსხვავდება ის კომპლიმენტისგან. სრულად... წყარო: ორგანიზაციის ვებგვერდი სოციალურ ქსელში

აჭარა. ტოლერანტობის და მრავალფეროვნების ინსტიტუტმა (TDI), ბათუმის სახელმწიფო უნივერსიტეტში, ჩაატარა კვლევის „სტუდენტების განწყობა უმცირესობებისადმი და მედიის როლი" პრეზენტაცია. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 13 ოქტომბერს „კეთილდღეობის და განვითარების ცენტრ"-თან არსებული სამოქალაქო აქტივიზმის ცენტრის მოხალისეებისა და მცირე საოჯახო ტიპის აღსაზრდელებისათვის გაიმართა სემინარი „ადრეული ქორცინება და ოჯახში ძალადობა". "შეხვედრის ძირითადი მიზანი იყო ადრეულ ქორწინებასთან დაკავშირებით ცნობიერების ამაღლება, პროკურორმა ადრეული ქორწინების და ოჯახში ძალადობის სამართლებრივ ასპექტებზე ისაუბრა. საუბრის შემდეგ გაიმკართა დისკუსია და ახალგაზრდებმა საკუთარი აზრი და შეხედულებები წარმოთქვეს ამ საკითხის მიმართ”, ნათქვამია ორგანიზაციის ვებ-გვერდზე სოციალურ ქსელში სრულად... წყარო: ორგანიზაციის ვებგვერდი სოციალურ ქსელში

თბილისი. კავშირი „საფარი" შშმ ქალთა მიმართ ძალადობის თემაზე ესმა გუმბერიძის ბლოგპოსტს აქვეყნებს. „რადგანაც ჩვენს კულტურაში გამჯდარია შშმ პირის ინფანტილიზაცია, ანუ მისი მუდმივ ბავშვად, არასრულწლოვნად აღქმა, შესაბამისად, მასზე ოჯახში ძალადობა, როგორც ბავშვზე, „აღზრდის", დასჯის, კონტროლისა და იძულების მიზნით, ზრდასრულობის პერიოდშიც ხშირად გრძელდება ხოლმე", ნათქვამია ბლოპოსტში. სრულად... წყარო: sapari.ge

თბილისი. პროექტის „ადრეული ქორწინების პრევენცია ქვემო ქართლში" ფარგლებში, რომელიც ქვემო ქართლის აზერბაიჯანულ თემში ადრეული ქორწინების წინააღმდეგ კამპანიასაც მოიცავს, „საფარმა" მხატვარ ანუკ ბელუგას ავტორობით შექმნილი კომიქსი გამოსცა, სახელწოდებით „გიუნაის ხალიჩა". „კომიქსი 9 ათასიანი ტირაჟით დაიბეჭდა, აზერბაიჯანულ ენაზე და იგი დარიგდება იმ 90 სკოლაში, სადაც „საფარის" მიერ დატრეინინგებული ახალგაზრდები მოსწავლეებთან ადრეული ქორწინების პრევენციის შესახებ შეხვედრებს გამართავენ. „გიუნაის ხალიჩა" საქართველოში ნიდერლანდების საელჩოს მხარდაჭერით დაიბეჭდა, თავად პროექტი „ადრეული ქორწინების პრევენცია ქვემო ქართლში" კი, პრეზიდენტის სარეზერვო ფონდისა და გაეროს მოსახლეობის ფონდის ფინანსური მხარდაჭერით ხორციელდება", ნათქვამია ორგანიზაციის ვებ-გვერდზე. სრულად... წყარო: sapari.ge

თბილისი. 11 ოქტომბერს ორგანიზაციის „პარტნიორობა ადამიანის უფლებებისთვის" იურისტმა „ამერიკის კუთხე – რუსთავისა" და „ახალგაზრდა ინიციატორების" ორგანიზაციაში გაწევრიანებული ქალებისთვის ქალთა უფლებების შესახებ საინფორმაციო შეხვედრა გამართა. „მარიამმა შეხვედრაზე ქალთა ემანსიპაციის შესახებ ისაუბრა როგორც მსოფლიოს, ასევე საქართველოს მაგალითზე. მონაწილეებს საქართველოს კონსტიტუციითა და კანონმდებლობით განსაზღვრული უფლებები გააცნო, ყურადღება გაამახვილა ქალთა მიმართ ძალადობაზე, შრომით ურთიერთობებსა და გენდერული ნიშნით ჩადენილ დანაშაულებზე. მარიამმა შეხვედრის მონაწილეებს, ასევე, გააცნო სტამბოლის კონვენციის საფუძველზე განხორციელებულ საკანონმდებლო ცვლილები", ნათქვამია ორგანიზაციის ვებ-გვერდზე. სრულად... წყარო: phrgeorgia.wordpress.com

იმერეთი. გოგონათა საერთაშორისო დღესთან დაკავშირებით, ქუთაისის ახალგაზრდული ცენტრის წევრება ქუთაისის 32-ე საჯარო სკოლაში ჩაატარეს თანატოლთა განათლების ტრენინგი გენდერული თანასწორობის თემაზე. „ტრენინგის მიზანს წარმოადგენდა ქალთა უფლებების და გენდერული თანასწორობის შესახებ ცოდნისა და უნარ–ჩვევების განვითარება მოსწავლეებისათვის. 11 ოქტომბერი გოგონათა საერთაშორისო დღეა. ამ დღის აღნიშვნა მიზნად ისახავს გოგონათა უფლებების აღიარებასა და დაცვას, განათლების ხელშეწყობას, მათი შესაძლებლობების გაზრდას. ასევე, საზოგადოებრივი ცნობიერების ამაღლებას სხვადასხვა ტიპის ჩაგვრასა და დისკრიმინაციაზე, რომელსაც გოგონები ყოველდღიურად აწყდებიან მსოფლიოს სხვადასხვა ქვეყანაში, მათ შორის საქართველოშიც”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. კავკასიის კვლევითი რესურსების ცენტრი (CRRC) გილოცავთ გოგონათა საერთაშორისო დღეს. „საქართველოში მცხოვრებთა დიდი უმრავლესობა (82%) ამბობს, რომ ქალებს ისევე კარგად შეუძლიათ გადაწყვეტილების მიღება, როგორც კაცებს. იმედია, ეს განცხადება პრაქტიკაშიც გადაინაცვლებს და ქალებიც ექნებათ გადაწყვეტილების მიღების ისეთივე შანსი/პოზიცია, როგორც კაცებს", ნათქვამია ორგანიზაციის ვებ-გვერდზე. სრულად... წყარო: caucasusbarometer.org

თბილისი. პარტნიორობა ადამიანის უფლებებისთვის (PHR) აქვეყნებს ბროშურას ძალადობაგამოვლილი ქალების მხარდასაჭერად. „ბროშურა დაგეხმარებათ, მიიღოთ ინფორმაცია იმის შესახებ, თუ როგორ უნდა ამოიცნოთ ძალადობა? ძალადობის რა ფორმები არსებობს და ვის შეგიძლიათ მიმართოთ დახმარებისა და მხარდაჭერისთვის”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 3 ოქტომბერს, საქართველოს სახალხო დამცველმა ზოგადი წინადადებით მიმართა საქართველოს შრომის, ჯანმრთელობისა და სოციალური დაცვის სამინისტროს. „ზოგადი წინადადების გამოცემას საფუძვლად დაედო „ქალთა ინიციატივების მხარდამჭერი ჯგუფის" (WISG) განცხადება. განმცხადებელი მიიჩნევდა, რომ გაუპატიურების მსხვერპლი ქალები, ამავე დანაშაულის შედეგად დაზარალებულ კაცებთან შედარებით უთანასწორო მდგომარეობაში არიან, რადგან ამ ტიპის ძალადობის მსხვერპლი ქალებისათვის ორსულობის შეწყვეტის მიზნით სამედიცინო ჩარევის უზრუნველყოფა ჯანმრთელობის დაცვის სახელმწიფო პროგრამების ფარგლებში გათვალისწინებული არ არის". ომბუდსმენი აღნიშნავს: „ისეთ საზოგადოებებში, სადაც გაუპატიურების გამო მსხვერპლის დადანაშაულება და მისი სტიგმატიზაცია განსაკუთრებით არის ფესვგადგმული, გაუპატიურების შედეგად დამდგარი ორსულობა ქმნის წინაპირობას, რომ მსხვერპლი შესაძლოა მუდმივად იყოს მის ირგვლივ არსებული სოციალური წნეხის ქვეშ და განიცადოს ვიქტიმიზაცია. გარდა ამისა, ხშირ შემთხვევაში სოციუმიდან მომდინარე წნეხზე მეტად გაუპატიურების მსხვერპლი იტანჯება დანაშაულის გრძნობით, ნაკლებად სცემს საკუთარ თავს პატივს და ეწევა თვითსტიგმატიზაციას". სრულად...  წყარო: women.ge

ქვემო ქართლი. 5 ოქტომბერს, პროექტის ფარგლებში „ადრეული ქორწინების პრევენცია ქვემო ქართლში", „საფარი" მარნეულის სკოლების დირექტორებს შეხვდა. „ბაია პატარაიამ მათ დასახელებული პროექტი გააცნო და „საფართან" მომავალ თანამშრომლობაზე შეუთანხმდა. შეგახსენებთ, რომ პროექტს გააჩნია საგანმანათლებლო დატვირთვა, იგი ასევე ხელს შეუწყობს აზერბაიჯანელი მოსახლეობის ინტეგრაციასა და სამოქალაქო აქტივიზმში ჩაბმა-დასაქმებას. პროექტის ფარგლებში, "საფარი” იმუშავებს აზერბაიჯანული წარმომავლობის ახალგაზრდებთან. კერძოდ, "საფარის” მიერ დატრენინგებული 20 ახალგაზრდა გამართავს საინფორმაციო შეხვედრებს ქვემო ქართლის მოსწავლეებთან, 90 სკოლაში", ნათქვამია ორგანიზაციის ვებ-გვერდზე. სრულად...  წყარო: sapari.ge

თბილისი. ჰაინრიხ ბიოლის ფონდის სამხრეთ კავკასიის ბიურო აქვეყნებს შოთა პაპავას ბლოგპოსტს: „ემოციური ტვირთი ცოლის მხრებზე - ფემინისტური კაცობის ავთენტური გრძნობები". „იმის თქმა მინდა, რომ თუ ჩემთვის ჭურჭლის და საკუთარი საცვლების რეცხვა საკმაოდ მარტივი იყო, დადგა პერიოდი, როცა ემოციური ტვირთის უმეტესობა ჩემი ცოლის მხრებზე გადავდე. ერთხელაც, ჩემმა ცოლმა ეს რომ აღნიშნა, ჩემი ფარისევლობა მკაფიოდ მომხვდა თვალში. ამის შემდეგ გამიქრა სურვილი საჯაროდ ფემინიზმზე მსჯელობისა და მეც „გავჩუმდი," რაზეც არაერთხელ დაწერილა სწორედ ამ რუბრიკის ფარგლებში", ნათქვამია ბლოგპოსტში. სრულად...  წყარო: www.feminism-boell.org

თბილისი. ფემინისტთა დამოუკიდებელი ჯგუფი აქვეყნებს კომიქსს საშინაო შრომის გადანაწილებაზე: „ვერ მითხარი?!". „ვერ მითხარი?!” ეძღვნება იმას, თუ როგორ ასრულებენ ქალები სახლის სამუშაოს უდიდეს ნაწილს თანასწორუფლებიან ოჯახშიც კი, რადგან სამუშაოს ფიზიკურად შესრულების გარდა, მათ პასუხისმგებლობის მარტო აღება და ამ საქმიანობების დაგეგმვაც უწევთ", ნათქვამია ორგანიზაციის ვებ-გვერდზე. სრულად... წყარო: igfeminists.wordpress.com