თბილისი. საქართველოს ჟურნალისტური ეთიკის ქარტიის ინფორმაციის თანახმად, ალიამ და ჯეოთაიმსმა რომან გოცირიძესთან დაკავშირებულ მასალაში ქარტიის პრინციპები დაარღვიეს.
„სადავო მასალებში კონკრეტულ ფეისბუქ გვერდზე დაყრდნობით ნათქვამი იყო თითქოს დეპუტატმა შვილმოკლული მამის, ზაზა სარალიძის შესახებ ნეგატიურად ისაუბრა. თავად რომან გოცირიძე ამტკიცებდა, რომ მსგავსი რამ მას საერთოდ არ უთქვამს.
ქარტიის საბჭომ საქმის განხილვის შემდეგ დაადგინა, რომ ალიამ და ჯეოთაიმსმა დაარღვიეს სიზუსტე (პირველი პრინციპი) და ფაქტები განზრახ დაამახინჯეს (მეთერთმეტე პრინციპი). გარდა ამისა, ალიას დაუდგინდა მეხუთე (შესწორება) პრინციპის დარღვევაც“, ნათქვამია ორგანიზაციის ვებგვერდზე.
წყარო: www.qartia.ge
საზოგადოებრივი ორგანიზაციების გამჭვირვალობისა და ანგარიშვალდებულების სტანდარტები
სსო მეტრი – ქვეყნის ანგარიში, 2023