ადგილობრივი დემოკრატიის სააგენტომ EVS-ის გამგზავნი და მიმღები ორგანიზაციის აკრედიტაცია მიიღო
იმერეთი. ადგილობრივი დემოკრატიის სააგენტო საქართველო სიხარულით გაცნობებთ, რომ ჩვენმა ორგანიზაციამ მიიღო ევროპის სოლიდარობის კორპუსის პროგრამის (ყოფილი ევროპის მოხალისეობრივი სერვისი EVS) როგორც გამგზავნი, ასევე მიმღები ორგანიზაციის აკრედიტაცია.
„ეს ნიშნავს, რომ ჩვენ შეგვიძლია მოკლე და გრძელვადიანი მოხალისეობრივი გაცვლითი პროგრამების ფარგლებში, შევარჩიოთ ქართველი მოხალისეები და გავამგზავროთ საზღვარგარეთ არაფორმალური განათლების მიღებისა და მოხალისეობრივი საქმიანობის განსახორციელებლად. ასევე, მსგავსი ფორმატის პროგრამების ფარგლებში, მივიღოთ მოხალისე სხვა ქვეყნიდან და ჩავრთოთ ორგანიზაციის საქმიანობის განხორციელების პროცესში. აღსანიშნავია, რომ ადგილობრივი დემოკრატიის სააგენტო საქართველო 2011 წლიდან ახორციელებს ERASMUS+ ევროპულ გაცვლით პროექტებს, რომლის ფარგლებშიც უკვე ათობით ახალგაზრდას მიეცა საშუალება, გამოცდილება საზღვარგარეთ მიეღო“, ნათქვამია ორგანიზაციის გვერდზე სოციალურ ქსელში.
წყარო: ორგანიზაციის გვერდი სოციალურ ქსელში
