თბილისი. ინფორმაციის თავისუფლების განვითარების ინსტიტუტის (IDFI) დირექტორმა გიორგი კლდიაშვილმა მონაწილეობა მიიღო 2016 წლის ელექტრონული პარლამენტის მსოფლიო კონფერენციაში (World e-Parliament Conference 2016).

„კონფერენცია, რომელიც ორ წელში ერთხელ იმართება, არის მსოფლიო მასშტაბის ფორუმი, სადაც საპარლამენტო საქმიანობაში საინფორმაციო და საკომუნიკაციო ტექნოლოგიების (ICT) გამოყენება განიხილება. განხილვის საკითხებს შორისაა, თუ როგორ შეიძლება ამ ტექნოლოგიებმა, როგორც ტექნიკურ ისე პოლიტიკის დონეზე, გააუმჯობესოს წარმომადგენლობა, კანონშემოქმედება და ზედამხედველობა, ასევე, გაზარდოს პარლამენტის ღიაობა, ხელმისაწვდომობა, ანგარიშვალდებულება და ეფექტურობა," ნათქვამია ორგანიზაციის ვებ-გვერდზე.

წყარო: idfi.ge