აჭარა. 30 ივლისს, საზოგადოებრივ ორგანიზაციას ,,სოციალური დაცვის ლიგასა" და ბათუმის მერიას შორის თანამშრომლობის მემორანდუმი გაფორმდა. მემორანდუმი ითვალისწინებს თანამშრომლობას ახალგაზრდებისა და შშმ პირების საარჩევნო უფლებების დაცვის, საგანმანათლებლო ღონისძიებებით სამოქალაქო ცნობიერების ამაღლებისა და ახალგაზრდების ჩართულობით თანაბარი საარჩევნო გარემოს უზრუნველყოფისთვის, ღონისძიებების გატარებას ახალგაზრდებისა და შშმ პირების საარჩევნო უფლებების დაცვისა და ინფორმირებულობის გაზრდის მიზნით. მემორანდუმის ფარგლებში, განხორციელდება ღონისძიებები ახალგაზრდა და შშმ ამომრჩეველთა სამართლებრივი პრობლემების აღმოჩენისა და მათი დახმარების მიმართულებით.