თბილისი. სახალხო უნივერსიტეტთა გერმანული ასოციაცია (DVV International) ყოველი თვის 15 რიცხვში ატარებს საჯარო დისკუსიებს აქტუალურ საკითხებზე. დისკუსიების მიზანია, საზოგადოების სამოქალაქო თვითშეგნების ამაღლება და აქტიური სამოქალაქო პოზიციის ჩამოყალიბება.

დისკუსია „რუსთავი2 - რთული არჩევანი საკუთრების უფლებასა და მედია-პლურალიზმს შორის" გაიმართება კვირას, 15 ნოემბერს, 18:00 საათზე DVV International-ის ოფისში. შეხვედრა ეძღვნება რუსთავი2-ის ირგვლივ განვითარებულ მოვლენებს. სად გადის დემოკრატიული განვითარების ზღვარი, რა უფრო პრიორიტეტულია ამ კონკრეტულ შემთხვევაში - კერძო საკუთრების უფლება, თუ სიტყვის და გამოხატვის თავისუფლება? დისკუსიაში მონაწილეობა საშუალებას მოგცემთ, მიიღოთ კვალიფიციური ინფორმაცია და გამოხატოთ თქვენი პოზიცია ამ მოვლენების მიმართ.

წყარო: ორგანიზაციის ვებ-გვერდი სოციალურ ქსელში