სამეგრელო. ოზურგეთში მიმდინარე საკადრო ცვლილებების შესახებ საჯარო დისკუსია 8 თებერვალს დემოკრატიული ჩართულობის ცენტრში გაიმართა. ოზურგეთის მუნიციპალიტეტის გამგებელი კოტე შარაშენიძე, სამხარეო ადმინისტრაციის წარმომადგენელი პატა მანჯგალაძე და საქართველოს დემოკრატიული განვითარების კავშირის წარმომადენელი ირაკლი პაპავა მუნიციპალიტეტის საკრებულოსა და გამგეობის სტრუქტურებში დასაქმებული პირების არჩევნების შემდეგ თანამდებობიდან გათავისუფლების საკითხებზე საუბრობდნენ. კოტე შარაშიძის განცხადებით, მოსაზრება, თითქოს საჯარო მოხელეები და სოფლის რწმუნებულები პოლიტიკური ნიშნით იდევნებიან, მცდარი და გაუმართლებელია. შეხვედრაზე საკონკურსო-საატესტაციო კომისიის შექმნაზეც ისაუბრეს, რომელიც ახალი კადრების კომპეტენტურად შერჩევაზე იმუშავებს. დისკუსიას არასამთავრობო ორგანიზაციებისა და პოლიტიკური პარტიების წარმომადგენლები, ჟურნალისტები და მოქალაქეები ესწრებოდნენ.
