თბილისი. ევროკავშირის მიერ დაფინანსებული პროექტის - „სამოქალაქო საზოგადოების განვითარების ინიციატივის" ფარგლებში რეგიონული ჰაბების შესარჩევ კონკურსში გამაჯვებული ორგანიზაციები გამოვლინდნენ.
პროექტის მმართველმა საბჭომ განიხილა კონკურსის ფარგლებში წარმოდგენილი განაცხადები და მიიღო შემდეგი გადაწყვეტილებები:
1. რეგიონული საკოორდინაციო ცენტრის - ჰაბის სახით შერჩეულ იქნა შემდეგი ორგანიზაციები
• გურია - ოზურგეთის ახალგაზრდა მეცნიერთა კლუბი;
• იმერეთი - ადგილობრივი დემოკრატიის სააგენტო საქართველო;
• კახეთი - კახეთის მედია ცენტრი;
• მცხეთა-მთიანეთი - უკეთესი მომავლისათვის;
• სამეგრელო-ზემო სვანეთი - ათინათი;
2. აჭარის, სამცხე-ჯავახეთის და შიდა ქართლის რეგიონებში კონკურსში მონაწილე რამდენიმე ორგანიზაციამ მიიღო თანაბარი შეფასება. შესაბამისად, საბოლოო გადაწყვეტილების მიღების მიზნით, პროექტის მმართველი საბჭო ადგილზე ეწვევა შემდეგ ორგანიზაციებს:
• აჭარა
თავისუფალ ჟურნალისტთა სახლი;
ახალგაზრდა მეცნიერთა კავშირი "ინტელექტი";
ბათუმის განათლების, განვითარების და დასაქმების ცენტრი;
• სამცხე-ჯავახეთი
დემოკრატ მესხთა კავშირი;
ახალციხის ახალგაზრდული ცენტრი;
სამცხე-ჯავახეთის მედია ცენტრი;
• შიდა ქართლი
გორის საინფორმაციო ცენტრი;
მეგობრობის ხიდი - ქართლოსი;
3. რაჭა-ლეჩხუმი-ქვემო სვანეთის და ქვემო ქართლის რეგიონებში, საბჭომ მიიღო გადაწყვეტილება, ა.წ. 8 სექტემბრიდან ხელახლა გამოცხადდეს კონკურსი. კონკურსის შესახებ დამატებითი ინფომაცია განთავსდება პროექტის ფეისბუქ გვერდზე და საზოგადოებრივი ორგანიზაციების პორტალზე www.csogeorgia.org-ზე.
შეხვედრები შერჩეული ორგანიზაციების წარმომადგენლებთან გაიმართება 14-15 სექტემბერს, ხოლო ადგილზე ვიზიტები დაგეგმილია 18–22 სექტემბერს.
შეგახსენებთ კონკურსი ჩატარდა პროექტის „სამოქალაქო საზოგადოების განვითარების ინიციატივის" ფარგლებში, რომელსაც ახორციელებს კონსორციუმი კონრად ადენაუერის ფონდის ხელმძღვანელობით. კონსორციუმში შედიან: სამოქალაქო საზოგადოების ინსტიტუტი, საქართველოს სტრატეგიული კვლევებისა და განვითარების ცენტრი, კონსულტაციისა და ტრენინგის ცენტრი, ქუთაისის განათლების განვითარების და დასაქმების ცენტრი. პროექტი დაფინანსებულია ევროკავშირის და გერმანიის ეკონომიკური თანამშრომლობის სამინისტროს მიერ.