თბილისი. პარტნიორობა ადამიანის უფლებებისთვის (PHR) ავრცელებს ინფორმაციას ევროპის საბჭოს მინისტრთა კომიტეტის შეხვედრაზე შემუშავებულ დეკლარაციაზე.

„ევროპის საბჭო შეშფოთებას გამოხატავს სხვადასხვა დასახლებებში გოგონათა სასქესო ორგანოების დასახიჩრებისა და იძულებითი ქორწინების ტრადიციებზე აღნიშნავს, რომ ამას მძიმე და ხშირად გამოუსწორებელი, შეუქცევადი უარყოფითი შედეგები მოსდევს გოგონებისა და ქალებისთვის ნებისმიერ ასაკში. მსჯელობისას, ასევე, ხაზგასმით აღინიშნა, რომ ქალთა გენიტალიების დასახიჩრებისა და იძულებითი ქორწინების შესახებ მზარდი საერთაშორისო ცნობიერების მიუხედავად, ეს მავნე პრაქტიკა გლობალურად გრძელდება, მათ შორის, ევროპაშიც. შესაბამისად, ამ მავნე პრაქტიკასთან საბრძოლველად, ევროპის საბჭო გამოთქვამს მზაობას, ითანამშრომლოს როგორც სამთავრობო, ისე საერთაშორისო და რეგიონულ არასამთავრობო ორგანიზაციებთან", ნათქვამია ორგანიზაციის ვებ-გვერდზე.

წყარო: phrgeorgia.wordpress.com