გურია. 3 აპრილს ოზურგეთის დემოკრატიული ჩართულობის ცენტრში გაიმართა მრგვალი მაგიდა  საბავშვო ბაღებში არსებული კვების ჰიგიენური სტანდარტების შესახებ. მრგვალი მაგიდის მიზანი იყო საბავშვო ბაღების უხარისხო პროდუქტებით მომარაგების პრევენცია, ტენდერების მეტი გამჭვირვალობა და ბავშვთა კვების უსაფრთხოების ნორმების დაცვის საზოგადოებრივი მონიტორინგი.  შეხვედრაში მონაწილეობდნენ სამოქალაქო საზოგადოების წარმომადგენლები: ადგილობრივი არასამთავრობო ორგანიზაციები, მშობლები, ჟურნალისტები, ოზურგეთის მუნიციპალიტეტის საკრებულოსა და გამგეობის, რაიონის პროკურატურის წარმომადგენლები, „სკოლამდელი აღზრდის ცენტრის" ხელმძღვანელობა და ქალაქის საბავშვო ბაღების მენეჯერები. შეხვედრაზე მონაწილე არასამთავრობო ორგანიზაციები ადგილობრივი ხელისუფლებისადმი მიმართვისა და ცენტრალური ხელისუფლებისთვის საკანონმდებლო ინიციატივის მომზადებაზე შეთანხმდნენ.