აჭარა. 5 აპრილს, ბათუმის სახელმწიფო უნივერსიტეტში, არასამთავრობო ორგანიზაციების: „ტფილისის ჰამქარის", „ბათომის", „აიქომის საქართველოსა" და ბათუმის სახელმწიფო უნივერსიტეტის ორგანიზებით კონფერენცია გაიმართა, სახელწოდებით - „კულტურული მემკვიდრეობის დაცვის პრობლემები". მომხსენებლებმა და მონაწილეებმა დეტალურად განიხილეს ქალაქში არსებული კუტურული მემკვიდრეობის დაცვის კუთხით შექმნილი პრობლემების მიზეზები. შეხვედრის მსჯელობის საგანს კულტურული ძეგლების შენარჩუნების გზების ძიებაზე საუბარი წარმოადგენდა. აღნიშნულ კონფერენციას ესწრებოდნენ თვითმმართველი ქალაქის მუნიციპალიტეტის წარმომადგენლები, სტუდენტები და სხვა დაინტერესებული პირები.