თბილისი. საქართველო–უკრაინის პლატფორმა გამოკითხვას ატარებს, რომლის მიზანია საქართველოში მცხოვრები უკრაინელების საკომუნიკაციო საჭიროებების გამოვლენა უკრაინული სახლის შემდგომი ეფექტური მუშაობისთვის და სამიზნე აუდიტორიის საინფორმაციო საჭიროებების უზრუნველყოფისთვის. კვლევა ხორციელდება გაეროს განვითარების პროგრამისა და გერმანიის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში.  კონსულტაციის და ტრენინგის ცენტრი მხარს უჭერს საქართველოში უკრაინული თემის და უკრაინელი დევნილების საკომუნიკაციო საჭიროებების გამოკვლევას და საკომუნიკაციო სტრატეგიის შექმნას ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ (STAR Initiative) ფარგლებში. გამოკითხვას ატარებს ქართულ-უკრაინული პლატფორმა. სრულად...  წყარო: ქართულ–უკრაინული პლატფორმა

თბილისი. საქართველოს დაუნის სინდრომის ასოციაციამ დაუნის სინდრომის მქონე ბავშვებისა და ზრდასრულების ჯანმრთელობის მეთვალყურეობის მარტივად საკითხავი გზამკვლევი შექმნა.  გზამკვლევი პროექტის „დაუნის სინდრომის მქონე პირთა ჯანდაცვის სერვისების ადვოკატირების“ ფარგლებში შეიქმნა, რომელიც საქართველოს დაუნის სინდრომის ასოციაციამ USAID-ის სამოქალაქო საზოგადოების ჩართულობის პროგრამის მხარდაჭერით მოამზადა. სრულად... წყარო საქართველოს დაუნის სინდრომის ასოციაცია

აჭარა. აღმოსავლეთ პარტნიორობის ქვეყნებიდან ურბანულ ფორუმს 200–ზე მეტი დელეგატი ესწრებოდა, რომელიც ბათუმში გაიმართა. ფორუმი ევროკავშირის და გაეროს განვითარების პროგრამის მხარდაჭერით ჩატარდა. ქალაქების განვითარების ახალი გზების მოძიება იყო ფორუმის მთავარი მიზანი. მონაწილეებმა განიხილეს, თუ როგორ უნდა მოგვარდეს კომპლექსური მუნიციპალური საკითხები მწვანე, ინკლუზიური და მედეგი ქალაქების შექმნის გზით და რა შესაძლებლობებს ქმნის კერძო და საჯარო სექტორების პარტნიორობა და ფინანსირება ქალაქების მდგრადი ზრდისა და ინოვაციების განვითარებისთვის.  სრულად...  წყარო: ევროკავშირის წარმომადგენლობა

ევროპის ფონდის ღია საგრანტო პროგრამის საკონსულტაციო ონლაინ შეხვედრა გაიმართება 6 ოქტომბერს, 15:00 საათზე. დასწრების მსურველებმა გაიარეთ რეგისტრაცია შემდეგ ბმულზე ... 

თბილისი. საქართველოს ახალგაზრდა იურისტთა ასოციაციამ მოამზადა პრაქტიკული სახელმძღვანელო ჟურნალისტებისთვის საჯარო ინფორმაციის მიღების საკითხთან დაკავშირებით. „განეკუთვნება თუ არა საინტერესო მასალა საჯარო ინფორმაციის კატეგორიას, როგორ უნდა იქნეს იგი გამოთხოვილი და რა ბერკეტები არსებობს მოთხოვნაზე უკანონოდ უარის თქმის შემთხვევაში - სწორედ ამ ასპექტების შესახებ მედიის წარმომადგენელთა ინფორმირებას ისახავს მიზნად სახელმძღვანელო.“ სრულად... წყარო: საქართველოს ახალგაზრდა იურისტთა ასოციაცა

თბილისი. სოციალური სამართლიანობის ცენტრი ნინო ჩიქოვანის მიერ მომზადებულ სტატიას ავრცელებს, რომელშიც საქართველოში 1980-1990-იან წლებში მიმდინარე რთული და წინააღმდეგობრივი პროცესებია აღწერილი. სრულად... წყარო: სოციალური სამართლიანობის ცენტრი

სოხუმის დაცემიდან 30 წელი გავიდა. გაეცანით რონდელის ფონდის მიერ შექმნილ ვიდეოს – რუსეთ–საქართველოს ომი არ დასრულებულა, საქართველოს ტერიტორიის 20% ოკუპირებულია რუსეთის ფედერაციის მიერ.  სრულად...  წყარო: რონდელის ფონდი

26 სექტემბერი ენების ევროპული დღეა.  ენა არ არის მხოლოდ კომუნიკაციის საშუალება, ის თითოეული ქვეყნის მდიდარი კულტურული მემკვიდრეობის მნიშვნელოვანი ნაწილია.  „სწორედ ამიტომ, ევროკავშირი სიამაყით ინარჩუნებს 24 ოფიციალურ ენას და ევროპის საბჭოსთან ერთად, ყოველ წელს, ენების ევროპულ დღეს აღნიშნავს, ლინგვისტური მრავალფეროვნების პატივსაცემად და ენების შესწავლისა და კულტურათაშორისი ურთიერთობების მხარდასაჭერად“, ნათქვამია ევროკავშირის გვერდზე სოციალურ ქსელში. სრულად... წყარო: ევროკავშირის წარმომადგენლობა საქართველოში

შიდა ქართლი. პროგრამა „ერთიანობა მრავალფეროვნებაშია“ მონაწილეები საველე ტრენინგს დაესწრნენ.  პროექტი USAID -ის პროგრამა ,,ერთიანობა მრავალფეროვნებაშია” ფარგლებში მიმდინარეობს, რომელიც საქართველოს გაეროს ასოციაციის UNAG-ის მიერ ხორციელდება.  აშშ-ს საერთაშოროსო განვითარების სააგენტოს USAID-ის ფინანსური მხარდაჭერით. სრულად... წყარო: გორის სამოქალაქო აქტივიზმის ცენტრი

საზოგადოებრივი ორგანიზაციების ფინანსური აღრიცხვა–ანგარიშგებისა და საგადასახადო საკითხებზე, სამოქალაქო საზოგადოების ინსტიტუტის მიერ შექმნილ ონლაინ სასწავლო კურსზე სწავლება 21 სექტემბერს დაიწყო. მსურველი 157 აპლიკანტიდან 59 ჩაირიცხა კურსზე. კურსის მსმენელები საქართველოს სხვადასხვა რეგიონში მომუშავე სახოგადოებრივი ორგანიზაციების ხელმძღვანელები და ფინანსისტები არიან.  კურსის მიზანია მსმენელებს მიაწოდოს უახლესი ინფორმაცია არასამეწარმეო არაკომერციული იურიდიული პირების ფინანსური მართვის საკითხებზე. ლექციებში დაწვრილებით განხილულია ფინანსური პრობლემატიკის თეორიული ქეისები და პრაქტიკული მაგალითები, ასევე მათი გადაჭრის ალტერნატივები და პრაქტიკაში დანერგვის მეთოდები.  სწავლა დისტანციურ რეჟიმში წარიმართება და 16 დეკემბერს დასრულდება. პირველი გაცნობითი ხასიათის შეხვედრა უკვე გაიმართა 21 სექტემბერს და სასწავლო პროცესის მიმოხილვას დაეთმო. სასწავლო კურსი „საზოგადოებრივი ორგანიზაციების ფინანსური აღრიცხვა ანგარიშგება და საგადასახადო საკითხები“ განთავსებულია სამოქალაქო საზოგადოების ინსტიტუტის (CSI) ონლაინ პლატფორმაზე http://e-learning.ge  აღნიშნული კურსზე სწავლება ხორციელდება ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში.

თბილისი. საზოგადოებრივი ორგანიზაციები ერთობლივ განცხადებას ავრცელებს – „საქართველოს სპეცსამსახურები რუსული გავლენების გასანეიტრალებლად არ მოქმედებენ“.  „... სერიოზულ შეშფოთებას იწვევს ის ფაქტი, რომ ფარცხალაძის რუსულ სპეცსამსახურებთან თანამშრომლობის შესახებ ინფორმაცია ქართულმა საზოგადოებამ აშშ-ის სახელმწიფო დეპარტამენტის მიერ გავრცელებული განცხადებიდან შეიტყო და არა საქართველოს სახელმწიფო უსაფრთხოების სამსახურისგან.  ფარცხალაძესთან დაკავშირებული მოვლენები იმაზე მიუთითებს, რომ, სუს-ი მასზე კანონმდებლობით დაკისრებულ ფუნქციას ჯეროვნად არ ასრულებს და მმართველ პარტიასა და მისი დამფუძნებლის უახლოეს გარემოცვაში რუსული სპეცსამსახურების წარმომადგენლების ჩანერგვა ადვილად ხდება.  ასეთ ვითარებაში მნიშვნელოვანია, საქართველოს პარლამენტმა გამოიყენოს საპარლამენტო კონტროლის ყველა მექანიზმი. სუს-ის უფროსმა ამომწურავი პასუხები უნდა გასცეს კითხვებს, რომლებიც ქვეყნის უსაფრთხოების გამოწვევებს უკავშირდება. ასევე სუს-მა საზოგადოებას მიაწოდოს ინფორმაცია, კონკრეტულად რა ნაბიჯები იდგმება საქართველოს რუსული სპეცსამსახურების ქსელის გასანეიტრალებლად“, ნათქვამია განცხადებაში. სრულად...  წყარო: საქართველოს ახალგაზრდა იურისტთა ასოციაცია 

თბილისი. რონდელის ფონდი აქვეყნებს ახალ სტატიას პროექტის – „რუსეთის ექსპანსია კავკასიაში და საქართველო" ფარგლებში. მისი მიზანია, ოფიციალური რუსეთის მიერ ფართოდ ტირაჟირებული თვალსაზრისისგან განსხვავებულად გააშუქოს XVIII-XX საუკუნეების ქართულ-რუსული ურთიერთობები. ინტერმარიუმიდან სამი ზღვის ინიციატივამდე: პოლონეთი, საქართველო და გეოპოლიტიკური თამაშები. პუბლიკაცია ... წყარო: რონდელის ფონდი

თბილისი. საქართველოს სტრატეგიისა და საერთაშორისო ურთიერთობების კვლევის ფონდმა გამოაქვეყნა მამუკა კომახიას წიგნის ელ–ვერსია – "მილსადენები და პოლიტიკა პოსტსაბჭოთა სივრცეში, ბრძოლა ენერგორესურსების ტრანსპორტირებისათვის". „მილსადენები და პოლიტიკა პოსტსაბჭოთა სივრცეში, ბრძოლა ენერგორესურსების ტრანსპორტირებისათვის“. გამოცემის მიზანია დაინტერესებულ მკითხველს პოსტსაბჭოთა სივრცეში არსებულ ყველაზე მნიშვნელოვან მილსადენებზე მიეწოდოს, როგორც ტექნიკური სახის ინფორმაცია, ასევე მილსადენის პროექტის განხორციელების ისტორიული და პოლიტიკური კონტექ¬სტი. პუბლიკაციაში ასევე წარმოჩენილი მილსადენის მარშრუტის წინაშე არსებული გამოწვევები და პერსპექტივები.  წიგნის ელ–ვერსია წყარო: საქართველოს სტრატეგიისა და საერთაშორისო ურთიერთობების კვლევის ფონდი

კახეთი. 2005 წელს დაფუძნებული სათემო კავშირი „ნუკრიანი”, „სათემო განვითარების ცენტრთან” თანამშრომლობით, უკვე რამდენიმე თვეა, სოფელ ნუკრიანის ერთ ძველ უბანს იკვლევს: ადამიანების, სახლების ისტორიას და დღევანდელობას, განაშენიანების სტრუქტურას, არქიტექტურულ თავისებურებებს.  პროექტი – „ანდრონიკაანთ უბანი – სამეზობლო ინიციატივის განვითარების მხარდაჭერა სოფელ ნუკრიანში” – საქართველოს სტრატეგიული კვლევებისა და განვითარების ცენტრისა და ევროკავშირის მხარდაჭერით ხორციელდება და მას მაია ბიძინაშვილი და ანა მარგველაშვილი წარმართავენ.  გაიგეთ მეტი წარსული მეხსიერების შედეგების შესახებ... წყარო: droa.ge

თბილისი. საბჭოთა წარსულის კვლევის ლაბორატორია აქვეყნებს საბჭოთა პროპაგანდის მიერ დამკვიდრებულ მითს. „ათწლეულების განმავლობაში, საბჭოთა რუსულმა პროპაგანდამ მყარად დაამკვიდრა მითი, თითქოს საბჭოთა კავშირი მეორე მსოფლიო ომში 1941 წელს ჩაება. სინამდვილეში, ომი საბჭოთა კავშირისთვის 1939 წლის 17 სექტემბერს დაიწყო, ოღონდ არა მსხვერპლის, არამედ აგრესორის ამპლუაში, როცა საბჭოთა ჯარები პოლონეთში შეიჭრნენ ნაცისტური გერმანიის მოკავშირის რანგში“.  სრულად...  წყარო: საბჭოთა წარსულის კვლევის ლაბორატორია

თბილისი. სოციალური სამართლიანობის ცენტრი ზურაბ ჯაშის სტატიას აქვეყნებს, თემაზე „ საეკლესიო იერარქიის მნიშვნელობა მართლმადიდებლურ ტრადიციაში.“  სრულად... წყარო: სოციალური სამართლიანობის ცენტრი

საქართველოს გაეროს ასოციაცია ინფორმაციას ავრცელებს კონფერენციასთან დაკავშირებით, რომელიც 20-22 სექტემბერს გაიმართება. მედიის განვითარების ფონდი (MDF), გაეროს ასოციაციასთან, USAID-ის პროგრამა „ერთობა მრავალფეროვნებაშია“ ფინანსური მხარდაჭერით და დოიჩე ველე (DWA) ერთად ახორციელებს კონფერენციას.  სრულად... წყარო: საქართველოს გაეროს ასოციაცია

თბილისი.ეროვნული არქივის კინოსაცავში გაჩენილ ხანძარს გამოეხმაურა ორგანიზაცია „საბჭოთა წარსულის კვლევის ლაბორატორია“.  "მიუხედავად იმისა, რომ ჯერ დაზუსტებით არაა დადგენილი რა პერიოდის და რა მოცულობის მასალა დაიღუპა აუნაზღაურებლად, მომხდარი ტრაგედია კიდევ ერთხელ წარმოაჩენს მეხსიერებისადმი სახელმწიფოს ზერელე, ხშირად კი დესტრუქციულ მიდგომას, რომელიც მაქსიმალურად ზღუდავს არქივებზე წვდომას. წლების განმავლობაში, არქივებზე წვდომის ხელოვნური შეზღუდვების ზრდისა და მკვლევართათვის სისტემატიური ხელის შეშლის ფონზე, ძნელია ნდობით მოვეკიდოთ მტკიცებას იმის შესახებ, რომ ყველა განადგურებული ფირი გაციფრულებულია. სწორედ ამიტომ, მოვითხოვთ: კატასტროფის შედეგების შემსწავლელი ღია ფორმატის კომისიის შექმნას, რაც უზრუნველყოფს საზოგადოების მაქსიმალურ კონტროლს, გამჭვირვალეობას და მოქალაქეთა ინფორმირებულობას;   კატასტროფაზე როგორც ინდივიდუალური, ასევე სისტემური პასუხისმგებლობის დაკისრებას“.  სრულად...  წყარო:საბჭოთა წარსულის კვლევის ლაბორატორია

თბილისი. სოციალური სამართლიანობის ცენტრი ზურაბ ჯაშის სტატიას ავრცელებს.  „რწმენა, ამ სიტყვის ფართოდ გავრცელებული მნიშვნელობით, გულისხმობს წინარემეცნიერულ, ანუ გარკვეულ შეხედულებებსა და წარმოდგენებს ლოგიკასა და ემპირიულ გამოცდილებაზე დაუყრდნობლად. როდესაც ადამიანს ვთხოვთ დაგვისაბუთოს საკუთარი წარმოდგენები, ის ან უარს ამბობს ამაზე, ან მისი დასაბუთება არც ისე დამაჯერებლად გამოიყურება. ამგვარი რწმენა-წარმოდგენების საბოლოო წყაროდ ისევ მისი საზოგადოებისგან ათვისებული იდეოლოგია წარმოჩნდება.„  სრულად... წყარო: სოციალური სამართლიანობის ცენტრი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. როგორ ვისაუბროთ ფსიქიკურ ჯანმრთელობასა და ფსიქოსოციალურ მხარდაჭერაზე? ფსიქიკურ ჯანმრთელობაზე საუბრისას თითოეულ სიტყვას მნიშვნელობა აქვს, განსაკუთრებით კრიზისულ სიტუაციებში. ამ დროს ადამიანები თავიანთი ცხოვრების ურთულეს პერიოდს გადიან, სწორედ ამიტომ საქართველოს წითელი ჯვრის საზოგადოება ინფორმაციას ავრცელებს, რა არის ფსიქიკური ჯანმრთელობა და ფსიქოსოციალური მხარდაჭერა და როგორ უნდა დავეხმაროთ გარშემო მყოფებს კრიზისულ სიტუაციებში. წყარო: წითელი ჯვრის საზოგადოება სრულად.. 

თბილისი. აზრთა ფესტივალისა და ტოლერანტობის სამყაროს ინიციატივით, 9 სექტემბერს, 12 საათზე, რიყის პარკში გაიმართება ღონისძიება, რომელიც იდეების გაზიარებისა და დისკუსიების სივრცეს ქმნის.  დამსწრეებს შესაძლებლობა მიეცემათ 5 სხვადასხვა სივრცეს გაეცნონ აზრთა ფესტივალზე:  •მეწარმეობას;  •განათლებას;  •მედეგობის გაძლიერებას;  •დემოკრატიას, ადამიანის უფლებების და კანონის უზენაესობის;  •საქართველოს სამომავლო პერსპექტივების შესახებ.  დასწრება თავისუფალია  აზრთა ფესტივალის მხარდამჭერია #ESTDEV #FromThePeopleOfEstonia  სრულად...  წყარო: აზრთა ფესტივალი