საქართველო. ევროკავშირის მხარდაჭერით, სოფლის განვითარების საკითხებთან დაკავშირებით, საქართველოში რეგიონული შეხვედრები გაიმართება. შეხვედრების მიზანია, საქართველოს სოფლის განვითარების პოლიტიკის დღის წესრიგის შესაბამისად, ადგილობრივი თვითმმართველობების წარმომადგენელთა ინფორმირება და მხარდაჭერა მდგრადი განვითარების ეფექტური მიდგომების დანერგვაში. შეხვედრების გამართვა იგეგმება: ქვემო ქართლში (7 მარტი, რუსთავი), შიდა ქართლში (9 მარტი, გორი), სამცხე-ჯავახეთში (16 მარტი, ახალციხე), სამეგრელო-ზემო სვანეთში (21 მარტი, ზუგდიდი), გურიაში (22 მარტი, ოზურგეთი), აჭარის ავტონომიურ რესპუბლიკაში (23 მარტი, ბათუმი), იმერეთში (26 მარტი, ქუთაისი), რაჭა-ლეჩხუმ-ქვემო სვანეთში (27 მარტი, ამბროლაური), მცხეთა-მთიანეთსა (28 მარტი, მცხეთა) და კახეთში (2 აპრილი, თელავი). სრულად  წყარო: http://enpard.ge

ქვემო ქართლი. ევროკავშირის ხელშეწყობით, თეთრიწყაროში, RDFG-ს ოფისში DCFTA-ს (ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმება) საინფორმაციო კუთხე გაიხსნა. ამ სიახლის საშუალებით, ევროკავშირის მიერ მხარდაჭერილი თეთრიწყაროს განვითარების ჯგუფის (LAG) წარმომადგენლები თეთრიწყაროს მოსახლეობას DCFTA-ს შესახებ დეტალურ ინფორმაციას მიაწვდიან, აუხსნიან, თუ როგორ უნდა მოიყვანონ საკუთარი პროდუქცია შესაბამისობაში ევროკავშირის სტანდარტებთან და შეძლონ წვდომა ევროპულ ბაზარზე.  სრულად  წყარო: http://enpard.ge

საქართველო. ევროკავშირის მხარდაჭერით გაეროს სოფლის მეურნეობისა და სურსათის ორგანიზაციის (FAO) მიერ ჩატარებული წინასწარი კვლევის შედეგად, სურსათის ღირებულებათა ჯაჭვის პრიორიტეტულ მიმართულებებად რძისა და ხორცის პროდუქტები, ასევე ხორბლი, სიმინდი, კარტოფილი, ბოსტნეული და ხილი გამოვლინდა. ევროკავშირის მიერ სოფლისა და სოფლის მეურნეობის განვითარების ევროპის სამეზობლო პროგრამით (ENPARD) მხარდაჭერილი €12 მილიონიანი პროექტის ფარგლებში, FAO-ს ექსპერტებმა სოფლის მეურნეობის განვითარების და უფრო ინკლუზიური და მდგრადი ღირებულებათა ჯაჭვის ჩამოყალიბების მიზნით საქართველოს რვა მუნიციპალიტეტში (ლაგოდეხი, თეთრიწყარო, ახალქალაქი, დედოფლისწყარო, ყაზბეგი, ბორჯომი, ქედა, ხულო) მოსამზადებელი კვლევითი საქმიანობა განახორციელეს. სრულად  წყარო: http://enpard.ge

ქვემო ქართლი. მთავრობისა და თეთრიწყაროს განვითარების ჯგუფის წარმომადგენლებმა სოფლის განვითარების პრიორიტეტებისა და სამომავლო გეგმების შესახებ თეთრიწყაროში RDFG-ს ოფისში იმსჯელეს. შეხვედრა ორგანიზებული იყო ევროკავშირის (EU) მხარდაჭერით, საქართველოს გარემოს დაცვისა და სოფლის მეურნეობის სამინისტროს მიერ, გაეროს განვითარების პროგრამასთან (UNDP) თანამშრომლობით. სრულად  წყარო: ორგანიზაციის ვებგვერდი

ევროკავშირის მხარდაჭერით და ხორვატიის სოფლის განვითარების ქსელის (HMRR) ორგანიზებით ხულოს ადგილობრივი განვითარების ჯგუფის (LAG) წევრები სასწავლო ვიზიტით ხორვატიაში იმყოფებოდნენ. ერთი კვირის განავლობაში დელეგაციამ გამართა შეხვედრები ლიკასა და დალმაციის რეგიონში არსებულ LAG-ების წარმომადგენლებთან და ადგილზე მოინახულა განხორციელებული პროექტები. ვიზიტის მიზანი იყო სოფლის განვითარების ევროპული მოდელის – LEADER მიდგომის გამოცდილების გაზიარება, ხორვატული LAG-ების მუშაობის პრინციპების გაცნობა და წარმატებული პროექტების შესახებ ინფორმაციის გაზიარება. სრულად  წყარო: ორგანიზაციის ვებგვერდი

აჭარა. ევროკავშირის მხარდაჭერით, დაბა ქედაში, ქედის ადგილობრივი განვითარების ჯგუფის მმართველი საბჭოს წევრებისთვის ჩატარდა სასწავლო კურსი „ორგანიზაციული მართვა". სწავლება მიზნად ისახავს ადგილობრივი განვითარების ჯგუფის მმართველი საბჭოს წევრებში ორგანიზაციული მართვის ცოდნის/უნარ-ჩვევების განვითარებას და შექმნილია ზრდასრულთა განათლების მეთოდების გამოყენებით, რაც მონაწილეთა მაქსიმალურ მონაწილეობას განაპირობებს. კურსი ევროკავშირის ENPARD-ის პროექტის - „ადგილობრივი რესურსებისა და პოტენციალის ოპტიმალური გამოყენება სოფლის განვითარებისათვის (ქედა ლიდერი)" - ფარგლებში, საქართველოს სტრატეგიული კვლევებისა და განვითარების ცენტრის, პროექტის განმახორციელებლის – CENN-ის პარტნიორი ორგანიზაციის მიერ იყო ორგანიზებული. სრულად  წყარო: ორგანიზაციის ვებგვერდი

აჭარა. ხულოს მუნიციპალიტეტში, ევროკავშირის მხარდაჭერით, ხორვატიის განვითარების ქსელმა (HMRR) და PMC კვლევით ცენტრის ექსპერტმა ადგილობრივი განვითარების სტრატეგიაზე მომუშავე ჯგუფთან სამუშაო შეხვედრები გამართა. შეხვედრები მიზნად ისახავდა: ადგილობრივი განვითარების სტრატეგიის ზოგადი მონახაზის წარდგენას, სტრატეგიის ელემენტების საბოლოო ვერსიის შედგენასა და შემდეგი ნაბიჯების შესახებ შეთანხმებას; მუნიციპალიტეტის ახლანდელი მდგომარეობის მიმოხილვას პრიორიტეტული თემების მიხედვით, LAG-ის ტერიტორიის განვითარების ხელისშემშლელი პრობლემების განსაზღვრას, პრიორიტეტებად დალაგებასა და მთავარი პრობლემების არჩევას, სამოქმედო გეგმის შედგენასა და მომდევნო ორი სემინარის აქტივობების განსაზღვრას. სრულად  წყარო: ორგანიზაციის ვებგვერდი

კახეთი. ხულოს მუნიციპალიტეტის განვითარების ჯგუფი (LAG) ლაგოდეხს სამუშაო ვიზითით ესტუმრა. შეხვედრის მიზანი ლაგოდეხის LAG-ის გამოცდილების გაზიარება იყო. ვიზიტის ფარგლებში ხულოსა და ლაგოდეხის ადგილობრივი განვითარების ჯგუფებს შორის სამუშაო შეხვედრა შედგა. შეხვედრაზე ორივე მხარემ გააკეთა პრეზენტაცია განხორციელებული საქმიანობებისა და სამომავლო გეგმების შესახებ. შეხვედრაზე ENPARD ლაგოდეხის პროექტის მენეჯერმა ისაუბრა არსებული გამოცდილების შესახებ, აგრეთვე ყურადღება გაამახვილა ადგილობრივი განვითარების სტრატეგიის დოკუმენტის ძირითად ელემენტებსა და მის მნიშვნელობაზე პროექტის განხორციელების პროცესში. ხულოს LAG-მა მიიღო საგრანტო ეტაპთან დაკავშირებული რეკომენდაციები და ინფორმაცია ძირითადი გამოწვევების შესახებ. დღის მეორე ნახევარში, ორივე LAG-ის წარმომადგენლებმა, ლაგოდეხში, ადგილობრივი განვითარების ჯგუფთან თანამშრომლობით ევროკავშირის მიერ დაფინანსებული ბიზნეს ინიციატივები მოინახულეს. მათ შორის იყო ვარდი სათბური, ბავშვთა ფსიქო-სოციალური რეაბილიტაციის ცენტრი, მარწყვის სათბური, სამაცივრე მეურნეობა და კიტრის სათბური. სრულად  წყარო: ორგანიზაციის ვებგვერდი

აჭარა. ევროკავშირის ENPARD-ის პროგრამის მხარდაჭერით მიმდინარე CENN-ის პროექტის - „ქედა ლიდერი" ფარგლებში, ქედის ადგილობრივი განვითარების ჯგუფს (LAG) სამუშაო ვიზიტით პარტნიორი ორგანიზაციის – ავსტრიის რეგიონული კვლევებისა და სივრცითი დაგეგმარების ინსტიტუტის (ÖIR) წარმომადგენლები ეწვივნენ. ÖIR 1957 წელს დაფუძნებული რეგიონული დაგეგმარების მიმართულებით მომუშავე ორგანიზაციაა, რომელიც ევროკავშირის არაერთ ქვეყანაში LEADER-ის მიდგომის განხორციელების პროცესში არის ჩართული კონსულტანტად. საქართველოში, CENN-თან და პარტნიორ ორგანიზაციებთან ერთად, ÖIR ქედის ადგილობრივი განვითარების ჯგუფს უწევს კონსულტაციას სტრატეგიის შემუშავების, ორგანიზაციის გაძლიერებისა და ევროპული გამოცდილების გაზიარების მიმართულებებით. ვიზიტის ფარგლებში, პარტნიორებმა იმსჯელეს პროექტის მსვლელობაზე. ქედის LAG-ი ადგილობრივი განვითარების სტრატეგიის შემუშავებასთან დაკავშირებულ ევროპულ გამოცდილებასა და ავსტრიული LAG-ების ფუნქციონირების თავისებურებებს გაეცნო და მოისმინა შესაბამისი რეკომენდაციები. აგრეთვე, გაიმართა ვორქშოპი თემატური მიმართულებების დახვეწისა და სტრატეგიის შემუშავების შემდგომი ეტაპების დასაგეგმად. სრულად  წყარო: ორგანიზაციის ვებგვერდი

მცხეთა-მთიანეთი. 16-17 აპრილს, ოცდაათმა ადგილობრივმა ექსპერტმა სტეფანწმინდაში სოფლის განვითარების საკითხებში ტრენერთა ტრენინგი გაიარა. ინტერაქტიული სასწავლო სემინარის პროგრამა სოფლის განვითარების სხვადასხვა სფეროს მოიცავდა, მათ შორის, სტრატეგიულ პროგრამირებას, განხორციელებასა და შეფასებას და საქართველოს რეალობაში საუკეთესო ევროპული პრაქტიკის გამოყენებას. ტრენერთა ტრენინგი ჩატარდა ევროკავშირის (EU) მხარდაჭერით, სოფლის მეურნეობისა და სოფლის განვითარების ევროპის სამეზობლო პროგრამის (ENPARD) ფარგლებში. ტრენინგი შედგა გაეროს განვითარების პროგრამის (UNDP) ორგანიზებით, საქართველოს გარემოს დაცვისა და სოფლის მეურნეობის სამინისტროსთან თანამშრომლობით. სრულად  წყარო: ორგანიზაციის ვებგევრდი

თბილისი. ევროკავშირის მხარდაჭერითა და UNDP-ის ხელშეწყობით სოფლის განვითარების სემინარები საქართველოს 10 რეგიონში ჩატარდა. რეგიონული და ადგილობრივი ხელისუფლების 200-მდე წარმომადგენელმა საქართველოს 10 რეგიონიდან მიიღო მონაწილეობა საინფორმაციო სემინარებში სოფლის განვითარების საკითხებზე. საინფორმაციო კამპანია ჩატარდა საქართველოს გარემოს დაცვისა და სოფლის მეურნეობის სამინისტროსა და რეგიონული განვითარებისა და ინფრასტრუქტურის სამინისტროს ინიციატივით, ევროკავშირისა (EU) და გაეროს განვითარების პროგრამის (UNDP) ხელშეწყობით. მისი ერთერთი დასკვნითი ღონისძიება, რომელსაც 20-მდე მონაწილე ესწრებოდა, 2018 წლის 3 აპრილს მცხეთაში გაიმართა. სრულად  წყარო: http://enpard.ge

ქვემო ქართლი. ევროკავშირის მხარდაჭერით მიმდინარე სოფლის განვითარების პროექტის ფარგლებში, თეთრიწყაროს მუნიციპალიტეტში დასაქმების პროგრამის პირველი ფაზა წარმატებით განხორციელდა. დასკვნითი ღონისძიება RDFG-ს თეთრიწყაროს ოფისში გაიმართა. პროგრამის პირველი ფაზის შედეგად, 20 მონაწილიდან 8 უკვე დასაქმდა, დანარჩენები კი აქტიურად აგრძელებენ სამუშაოს ძიებას. სრულად  წყარო: http://enpard.ge

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) აქვეყნებს ანა ჭიაბერაშვილის პოლიტიკის დოკუმენტს: „საკუთრების უფლების ქსენოფობია". „2013 წელს სოფელ დიცის მოსახლეობამ ინდოელ ბიზნესმენებს სოფლის ტერიტორიაზე ნერგების დარგვის საშუალება არ მისცა. ერთ- ერთი ადგილობრივი აცხადებდა: „ჩამოგვართვეს ნაკვეთები... ინდიელები არიან მოსულები... ჩვენ შევაჩერეთ, ესაა ჩვენი შვილებისა, ჩვენი სოფლისა და ჩვენი საქართველოს მიწა, არათუ ინდიელებისა2". მოქალაქის ერთი შეხედვით სამართლიანი განწყობა, რეალურად, ქვეყნის შიგნით არსებული გარკვეული ჯგუფების მუდმივი შიშების კარგი ილუსტრაციაა- „ჩამორთმევა", რომელზეც დიცის მოსახლე საუბრობს, სამართლებრივი ტერმინი „ჩამორთმევის" იდენტური არ არის. მოქალაქე მიიჩნევს, რომ ჩამოერთვა მიწა, რომელიც მის პირად საკუთრებაში არც არასდროს ყოფილა. თუმცა, რადგან საქართველოში გლეხი მიჩვეულია, რომ მის სიახლოვეს არსებულ სასოფლო-სამეურნეო მიწას კონკრეტული მეპატრონე არ ჰყავს და სახელმწიფო, როგორც მესაკუთრე, ნაკლებ ხელშესახებია, მისი აღქმა ამგვარად ჩამოყალიბდა- მიწა სოფლისაა. ამ დამოკიდებულების ფონზე, მიწის, როგორც საკრალური ობიექტის, უცხო ქვეყნის მოქალაქეზე გასხვისების შესაძლებლობა, წლებია მმართველი ხელისუფლების მიერ სპეკულირების საგნად იქცა", ნათქვამია დოკუმენტში. სრულად... წყარო: www.isfed.ge

აჭარა. ხულოს მუნიციპალიტეტში ხორვატიის განვითარების ქსელმა (HMRR) ადგილობრივი განვითარების სტრატეგიაზე მომუშავე ჯგუფთან და დაინტერესებულ მხარეებთან ერთად სამუშაო შეხვედრები ჩაატარა. შეხვედრების მიზნები იყო ადგილობრივი განვითარების სტრატეგიის მიმდინარე სამუშაო ეტაპის და ადგილობრივი განვითარების სტრატეგიის მეთოლოგიური მიდგომის განსაზღვრა. დაინტერესებულ მხარეთა ანალიზისა და SWOT ანალიზის დასრულება, ხულოს LAG-ის ტერიტორიული ხედვის სამუშაო ვერსიის შემუშავება და მომდევნო აქტივობებისთვის სამუშაო გეგმის მომზადება. შეხვედრები ჩატარდა ევროკავშირის მიერ მხარდაჭერილი პროექტის „სოფლის განვითარებისა და დივერსიფიკაციის ხელშეწყობა ხულოს მუნიციპალიტეტში", რომელსაც ჩეხეთის რესპუბლიკის კარიტასი საქართველოში (CCRG) სოფლისა და სოფლის მეურნეობის განვითარების ევროპის სამეზობლო პროგრამის (ENPARD) ფარგლებში ახორციელებს. სრულად  წყარო: ორგანიზაციის ვებგვერდი

თბილისი. გაეროს სურსათისა და სოფლის მეურნეობის ორგანიზაციამ (FAO) სოფლისა და სოფლის მეურნეობის განვითარების ევროპის სამეზობლო პროგრამის (ENPARD) პარტნიორთა რიგით მე-16 შეხვედრა გამართა. შეხვედრის მონაწილეებმა ევროკავშირის მიერ დაფინანსებულ სასოფლო-სამეურნეო და სოფლის განვითარების პროექტებზე იმსჯელეს. ყურადღება გამახვილდა რეგიონებში ადგილობრივი განვითარების ჯგუფების (LAG) და ევროპის LEADER მიდგომის ამჟამინდელ მდგომარეობასა და სამომავლო განვითარებაზე. სრულად  წყარო: ორგანიზაციის ვებგვერდი

ქვემო ქართლი. ევროკომისიის სოფლის მეურნეობისა და სოფლის განვითარების გენერალური დირექტორატის სამეზობლო პოლიტიკისა და გაფართოების საკითხებში სამსახურის ხელმძღვანელი თეთრიწყაროს მუნიციპალიტეტში სოფლის განვითარების პროექტს ეწვია. სუსანა მარაზუელა ასპიროზი, ასევე, დაესწრო თეთრიწყაროს განვითარების ჯგუფის (LAG) მიერ შემუშავებული ადგილობრივი განვითარების სტრატეგიის პრეზენტაციას. ევროკავშირის მხარდაჭერით შემუშავებული სოფლის განვითარების პირველი ეროვნული სტრატეგია განსაზღვრავს ქვეყნის ხედვას 2017-2020 წლებისთვის ისეთ საკვანძო საკითხებში, როგორიცაა ადგილობრივი ეკონომიკის ზრდა და დივერსიფიცირება, სოციალური და საჯარო სერვისების განვითარება, ბუნებრივი რესურსების მდგრადი გამოყენება და განვითარების პროცესში მოქალაქეთა ჩართულობა. სტრატეგია წარმოადგენს საქართველოს სოფლის განვითარების ახალ ხედვას, რომელიც ეყრდნობა საუკეთესო ევროპულ პრაქტიკას ამ სფეროში. მისი მიზანია ადგილობრივი ბიზნესის განვითარება, სამოქალაქო ჩართულობის უზრუნველყოფა და მოსახლეობის ცხოვრების დონის გაუმჯობესება. სტრატეგიაში განსაკუთრებული ყურადღება ექცევა საქართველოს ბუნებრივი და კულტურული მემკვიდრეობის ღირებულებებს. სრულად  წყარო: ორგანიზაციის ვებგვერდი

სამცხე-ჯვახეთი. ევროკავშირის მიერ მხარდაჭერილი პროექტის „სოფლის განვითარების ახალი მიდგომა საქართველოში" ფარგლებში, ახალქალაქის განვითარების ჯგუფმა ადგილობრივი განვითარების სტრატეგიაზე მუშაობა დაასრულა. დოკუმენტი შემუშავებულია საკონსულტაციო პროცესისა და ახალქალაქის მუნიციპალიტეტის სხვადასხვა სექტორში მოქმედი ადგილობრივი მოსახლეობის, თემების, ორგანიზაციებისა და კერძო პირების ფართო წარმომადგენლობითა და ჩართულობით. სტრატეგია ასახავს ადგილობრივ გამოწვევებს და ყურადღებას ამახვილებს მომავალი განვითარების შესაძლებლობებზე კონკრეტული გადაწყვეტილებების მიღებითა და სპეციფიური სოციალურ-ეკონომიკური, კულტურული და გარემოსდაცვითი ინტერვენციების მეშვეობით. სრულად  წყარო: ორგანიზაციის ვებგვერდი

საქართველო. 2018 წლის 1-2 მარტს, ევროკომისიის ევროპული სამეზობლო პოლიტიკისა და გაწევრიანების შესახებ მოლაპარაკებების საკითხებში გენერალური დირექტორატის წარმომადგენლები, მეთიუ ბუსკეტი და მიქაელა ჰაუფი საქართველოში სოფლისა და სოფლის მეურნეობის განვითარების პროექტებს ეწვივნენ. გორის მუნიციპალიტეტის სოფელ ახალდაბაში, სტუმრებმა დაათვალიერეს ევროკავშირის მიერ მხარდაჭერილი სასოფლო-სამეურნეო კოოპერატივი, საკალმახე „ცისარტყელა". დელეგაციის წევრები, ასევე, ეწვივნენ ევროკავშირის სოფლის განვითარების პროექტს ბორჯომში და ადგილობრივი განვითარების ჯგუფის (LAG) წევრებთან შეხვედრა გამართეს. სტუმრებს საშუალება ჰქონდათ ბორჯომში ევროკავშირის მიერ მხარდაჭერილ სოფლის განვითარების ინიციატივებსაც გაცნობოდნენ. სრულად  წყარო: ორგანიზაციის ვებგვერდი

აჭარა. ევროკავშირის მხარდაჭერით, დაბა ქედაში, ქედის ადგილობრივი განვითარების ჯგუფის მმართველი საბჭოს 15 წევრისთვის, სასწავლო კურსი „ლიდერობა და გუნდის განვითარება" ჩატარდა. კურსი ევროკავშირის ENPARD-ის პროექტის „ადგილობრივი რესურსებისა და პოტენციალის ოპტიმალური გამოყენება სოფლის განვითარებისათვის (ქედა ლიდერი)" ფარგლებში, საქართველოს სტრატეგიული კვლევების და განვითარების ცენტრის, CENN-ის პარტნიორი ორგანიზაციის მიერ იყო ორგანიზებული. იგი მიზნად ისახავდა ადგილობრივი განვითარების ჯგუფის მმართველი საბჭოს წევრებში ლიდერობის ცოდნის/უნარ-ჩვევების და გუნდურობის შეგრძნების განვითარებას. ტრენინგი შექმნილია ზრდასრულთა განათლების მეთოდების გამოყენებით, რაც განაპირობებს მონაწილეთა მაქსიმალურ ჩართულობას. სრულად  წყარო: ორგანიზაციის ვებგვერდი

ბათუმი. ევროკავშირის მხარდაჭერით, აჭარის ავტონომიური რესპუბლიკის სოფლის განვითარების საბჭომ რეგიონის სოფლის განვითარების სტრატეგიის 2018-2020 წლების სამოქმედო გეგმა დაამტკიცა. გეგმის მთლიანი ბიუჯეტი 214 მლნ ლარს აჭარბებს და მასში აღწერილია პროგრამები და ინიციატივები, რომლებიც მომავალი სამი წლის მანძილზე განხორციელდება, სოფლის მოსახლეობის ცხოვრების სტანდარტისა და ხარისხის გაუმჯობესების, სოფლად აქტიური, მოქნილი და მეწარმეობის უნარის მქონე თემების ჩამოყალიბების, ბუნებრივი რესურსების მდგრად გამოყენებისა და ადგილობრივი ეკონომიკის დივერსიფიცირების მიზნით. სრულად  წყარო: ორგანიზაციის ვებგვერდი

აჭარა. ეროკავშირის მხარდაჭერით, დაბა ქედაში, ადგილობრივი მეწარმე ქალბატონებისთვის სასწავლო კურსი „ქალ მეწარმეთა გაძლიერება ბიზნესის განსავითარებლად" ჩატარდა. კურსი ევროკავშირის ENPARD-ის პროექტის „ადგილობრივი რესურსებისა და პოტენციალის ოპტიმალური გამოყენება სოფლის განვითარებისათვის (ქედა ლიდერი)" ფარგლებში პროექტის განმახორციელებელი პარტნიორის CENN-ის მიერ იყო ორგანიზებული და მიზნად ისახავდა ქალი მეწარმეების გაძლიერებას, მათთვის ბიზნესის შექმნისა და განვითარების პროცესში დამატებითი შესაძლებლობების მოძიებისა და გამოყენების სწავლებას. სრულად  წყარო: ორგანიზაციის ვებგვერდი

კახეთი. ევროკავშირის მიერ დაფინანსებული სოფლის განვითარების ევროპის სამეზობლო პროგრამის (ENPARD) ფარგლებში გაიმართა ბორჯომისა და ლაგოდეხის განვითარების ჯგუფების (LAG-ების) ორდღიანი სამუშაო შეხვედრა ლაგოდეხში. გაცვლითი ვიზიტის მთავარი მიზანი იყო ლაგოდეხისა და ბორჯომის ლაგების ერთმანეთთან დაკავშირება, ინფორმაციის და გამოცდილების გაცვლა, ასევე, სამომავლო გეგმებისა და თანამშრომლობის შესაძლებლობების განხილვა. სრულად  წყარო: ორგანიზაციის ვებგვერდი