თბილისი.თბილისის ახალგაზრდულ ცენტრში ჩატარდა გაეროს მოდელირების მომდევნო შეხვედრა.  შეხვედრა ჩატარდა USAID პროგრამის "ერთიანობა მრავალფეროვნებაშია" ფარგლებში, რომელსაც საქართველოს გაეროს ასოციაცია ილიას სახელმწიფო უნივერსიტეტთან თანამშრომლობით, აშშ-ის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით ახორციელებს. სრულად... წყარო: თბილისის ახალგაზრდული ცენტრი 

თბილისი.ადამიანის უფლებათა ცენტრმა ანგარიში გამოაქვეყნა: ,,ადამიანის უფლებათა მდგომარეობა ცხინვალის რეგიონის საოკუპაციო ხაზის მიმდებარე სოფლებში''  ანგარიშში მიმოხილული და გაანალიზებულია 2023 წლის აპრილიდან 2023 წლის სექტემბრმდე ადამიანის უფლებათა მდგომარეობა საქართველოს ოკუპირებულ ტერიტორიასა და სახელმწიფოს კონტროლირებად ტერიტორიას შორის გამყოფი ხაზების მახლობლად მდებარე სოფლებში. წყარო: ადამიანის უფლებათა სახლი

სამოქალაქო საზოგადოების ინსტიტუტის ონლაინ პლატფორმის – e-learning.ge კურსდამთავრებულები საზოგადოებას უზიარებენ რა გამოცდილება და ცოდნა მიიღეს სწავლებისას. მალვინა კონცელიძე ქედის მუნიციპალიტეტის მერიის საზოგადოებასთან ურთიერთობის სპეციალისტია, რომელმაც, სამოქალაქო საზოგადოების ინსტიტუტის, ონლაინ სასწავლო კურსი – მონაწილეობითი ბიუჯეტირება გაიარა. იგი ონლაინ სწავლებით კმაყოფილია და აღნიშნავს, რომ კურსის საშუალებით მიიღო როგორც თეორიული ცოდნა, ასევე გაეცნო პრაქტიკულ მაგალითებს მონაწილეობითი ბიუჯეტირების შესახებ. „საინტერესო ის არის, რომ მონაწილეობითი ბიუჯეტირება ერთ–ერთი საუკეთესო მეთოდია გადაწყვეტილების მიღების პროცესში მოქალაქეთა ჩართულობის გაზრდისთვის“ მალვინა მიღებული ცოდნის გამოყენებას, ქედის მუნიციპალიტეტის მერიის მიერ მონაწილეობითი ბიუჯეტირების პროგრამის განხორციელების დაწყებისთანავე გეგმავს. სამოქალაქო საზოგადოების ინსტიტუტის „მონაწილეობითი ბიუჯეტირების“ ონლაინ სასწავლო პროგრამა USAID–ის ადგილობრივი თვითმმართველობის პროგრამის მხარდაჭერით წარიმართა.

თბილისი.საზოგადოებრივი ორგანიზაციები ეხმიანებიან აგვისტოსა (რაჭა) და სექტემბერში (გურია) მომხდარ ბუნებრივ კატასტროფებს და ეფექტიანი გამოძიების ჩატარებას ითხოვენ. სრულად...

თბილისი.საერთაშორისო გამჭვირვალობა – საქართველო სატელევიზიო სარეკლამო ბაზრის კვლევას აქვეყნებს. კვლევა ყოველწლიურია და ამჯერად იგი 2022 წლის მონაცემებს მოიცავს. კვლევა... წყარო: საერთაშორისო გამჭვირვალობა – საქართველო 

თბილისი. საქართველოს ახალგაზრდა იურისტთა ასოციაციამ მოამზადა პრაქტიკული სახელმძღვანელო ჟურნალისტებისთვის საჯარო ინფორმაციის მიღების საკითხთან დაკავშირებით. „განეკუთვნება თუ არა საინტერესო მასალა საჯარო ინფორმაციის კატეგორიას, როგორ უნდა იქნეს იგი გამოთხოვილი და რა ბერკეტები არსებობს მოთხოვნაზე უკანონოდ უარის თქმის შემთხვევაში - სწორედ ამ ასპექტების შესახებ მედიის წარმომადგენელთა ინფორმირებას ისახავს მიზნად სახელმძღვანელო.“ სრულად... წყარო: საქართველოს ახალგაზრდა იურისტთა ასოციაცა

თბილისი. სოციალური სამართლიანობის ცენტრი ნინო ჩიქოვანის მიერ მომზადებულ სტატიას ავრცელებს, რომელშიც საქართველოში 1980-1990-იან წლებში მიმდინარე რთული და წინააღმდეგობრივი პროცესებია აღწერილი. სრულად... წყარო: სოციალური სამართლიანობის ცენტრი

თბილისი. ტოლერანტობის და მრავალფეროვნების ინსტიტუტისა და ოსლოს უნივერსიტეტის ადამიანის უფლებათა ნორვეგიული ცენტრის ერთობლივი სასერთიფიკატო კურსი დაიწყო.  კურსის მოდული შედგება ოთხი ყოველკვირეული ონლაინ და დასკვნითი სრულდღიანი სემინარისგან (ფიზიკურ სივრცეში).  სემინარებს უძღვებიან TDI-ის, ოქსფორდის უნივერსიტეტისა და ოსლოს უნივერსიტეტის ადამიანის უფლებათა ნორვეგიული ცენტრის ექსპერტები.  ეს არის პირველი სასერტიფიკატო კურსი საქართველოში, რომელიც ფოკუსირებულია რელიგიისა და რწმენის თავისუფლებაზე. სრულად... წყარო: ტოლერანტობის და მრავალფეროვნების ინსტიტუტი

სამოქალაქო საზოგადოების ინსტიტუტის ონლაინ პლატფორმის – e-learning.ge კურსდამთავრებულები საზოგადოებას უზიარებენ რა გამოცდილება და ცოდნა მიიღეს სწავლებისას. მარიამ ანსიანი საზოგადოებრივ საქმეთა ინსტიტუტის (GIPA) სამართლის საბაკალავრო პროგრამის, ასევე ბერლინის სამართლისა და ეკონომიკის სკოლის (HWR Berlin) სტუდენტია. იგი ზემო სვანეთის ადგილობრივი განვითარების ჯგუფის (LAG) ახალგაზრდული გუნდის წევრია.  მარიამი მუნიციპალური ცენტრიდან მოშორებით მდებარე ერთ–ერთი თემიდანაა და შესაბამისად, მისთვის ნაცნობია ადგილობრივი მოსახლეობის, მოწყვლადი ჯგუფების საჭირობები, ამიტომ მის ინტერესის საგანს წარმოადგენს მუნიციპალური პრობლემების ადვოკატირება. შესაბაბმისად, ცდილობს ამ მიმართულებით რესურსების მოძიებასა და ცოდნის გაღრმავებას, აინტერესებს სიახლეები თუ როგორ შეიძლება ჩაერთოს მოქალაქე ადგილობრივ დონეზე გადაწყვეტილების მიღების პროცეში და გახდეს პოლიტიკის თანაშემქნელი.  ადგილობრივი თვითმმართველობის გახსორციელებისთვის უმნიშვნელოვანესია ბიუჯეტის პრიორიტეტების სწორად დაგეგმვა, შემუშავება, დამტკიცება და შემდგო მონიტორინგი. ამიტომ მარიამმა გადაწყვიტა მონაწილეობითი ბიუჯეტირების სასწავლო კურსი გაევლო, რათა პრაქტიკული ცოდნა მიეღო ბიუჯეტის ფორმირების ეტაპებზე და პროცესში მოქალაქეთა მონაწილეობის დამატებით მექანიზმებზე.  „ვფიქრობ, სწორ დროს სწორ ადგილას აღმოვჩნდი და მივიღე პრაქტიკული ცოდნა ადგილობრივი განვითარების, განსაკუთრებით ბიუჯეტირების პროცესში მოქალაქეთა მონაწილეობის მექანიზმებზე“, ამბობს მარიამი.  იგი არ მალავს, რომ კურსის დაწყებამდე ონლაინ სწავლების მიმართ სკეპტიკურად იყო განწყობილი და თვლის, რომ ონლაინ სასწავლო კურსების სიმრავლე მათ ხარისხს არ განაპირობებს. „ეს არ ეხება სამოქალაქო საზოგადოების ინსტიტუტის სასწავლო კურსს“, აღნიშნავს მარიამი და დასძენს, რომ კურსი „კარგად იყო ორგანიზებული, სასწავლო გეგმა კარგად გაწერილი, შეფასების სისტემა სამართლიანი და გამჭვირვალე და რაც ყველაზე მნიშვნელოვანია, მონაწილეზეა მორგებული სწავლების განრიგი, რაც იმას ნიშნავს, რომ სალექციო კურსის მოსმენა ყველგან და ყოველვთვის შეგიძლია“.  მარიამი ამბობს, რომ კურსი და მიღებული ცოდნა, შესაძლოა, მისთვის არაერთი პროექტის წამოწყების ინსპირაციის საგანი გახდეს მომავალში. ამ ეტაპზე სწავლას გერმანიაში აგრძელებს და ონლაინ კურსზე მიღებული ცოდნის პრაქტიკაში გამოყენების შესაძლებლობა ჯერჯერობით არ მიეცა, თუმცა მიღებული ცოდნის გამრავალფეროვნებასა და გავრცობას გეგმავს, სანამ მათ პრაქტიკაში გამოყენებას დაიწყებს.  სამოქალაქო საზოგადოების ინსტიტუტის „მონაწილეობითი ბიუჯეტირების“ ონლაინ სასწავლო პროგრამა USAID–ისადგილობრივი თვითმმართველობის პროგრამა-ის მხარდაჭერით წარიმართა.

1 ოქტომბერს გორსა და კასპში საქართველოს პარლამენტის შუალედური, ხოლო გურჯაანში მუნიციპალიტეტის მერის რიგგარეშე არჩევნები გაიმართება. სამართლიანი არჩევნების ინფორმაციით, შუალედური/რიგგარეშე არჩევნებისთვის სულ 133 საარჩევნო უბანი გაიხსნება, მათ შორის 103 უბანზე კენჭისყრა ელექტრონული ტექნოლოგიების (ამომრჩეველთა ვერიფიკაციის, ხმის მიცემისა და დათვლის აპარატების) გამოყენებით ჩატარდება.  2024 წელს საქართველოს პარლამენტის არჩევნები ელექტრონული ტექნოლოგიების გამოყენებით უნდა ჩატარდეს, ამდენად, კიდევ ერთხელ მათი პრაქტიკაში გამოცდა მნიშვნელოვანია. აქედან გამომდინარე, „სამართლიანი არჩევნებისა და დემოკრატიის საერთაშორისო საზოგადოება“ 1 ოქტომბერს შუალედურ/რიგგარეშე არჩევნებზე დაკვირვებისას აქცენტს სწორედ ელექტრონული ტექნოლოგიებით ხმის მიცემისა და დათვლის პროცედურებზე გააკეთებს.  სრულად... წყარო: სამართლიანი არჩევნები

შიდა ქართლი. კავკასიის გარემოსდაცვითი არასამთავრობო ორგანიზაციების ქსელი (CENN), შვეიცარიული ორგანიზაციის HEKS/EPER-ის ფინანსური მხარდაჭერით, კლიმატის მიმართ მედეგი სოფლის მეურნეობის პროექტის ფარგლებში,  მედიატურისთვის იწვევს მედიის წარმომადგენლებს მარნეულის მუნიციპალიტეტში. მედიატური გაიმართება 6 ოქტომბერს, რომლის მიზანია რეგიონული თუ ცენტრალური მედიის წარმომადგენლებისთვის კლიმატის ცვლილების მიმართ მედეგი სოფლის მეურნეობის თანამედროვე პრაქტიკებისა და საგრანტო კონკურსის ფარგლებში დაფინანსებული ინიციატივების გაცნობა, ასევე, ცნობიერების ამაღლება სოფლის მეურნეობის კლიმატის ცვლილებასთან ადაპტაციის აუცილებლობის შესახებ. მედიატური მოიცავს პროექტის ფარგლებში დაფინანსებული კლიმატის ცვლილების მიმართ მედეგი სასოფლო-სამეურნეო ინიციატივების მონახულებას.  მონაწილეობის მსურველებს რეგისტრაციის გავლა 4 ოქტომბრის ჩათვლით შეუძლიათ.  სრულად...  წყარო: ორგანიზაციის გვერდი სოციალურ ქსელში

სამეგრელო. ათინათის პროექტის "ახალგაზრდების ჩართულობა და განვითარება" ფარგლებში, საზაფხულო სკოლის მონაწილეებმა, მოამზადეს გადაცემა თემაზე: მედიაწიგნიერება როგორ შეიძლება ხელი შევუშალოთ დეზინფორმაციის გავრცელებას და რა არის ყალბი ინფორმაციის ამოცნობის საუკეთესო გზები.  ამ თემაზე ვრცლად სამართლიანი არჩევნებისა და დემოკრატიის საერთაშორისო საზოგადოების რეგიონული ხელმძღვანელი - დავით ლოგუა საუბრობს. სრულად... წყარო: ათინათი

იმერეთი. ადგილობრივი დემოკრატიის სააგენტო საქართველომ, პროექტის „სამოქალაქო საზოგადოების ინიციატივა“ ფარგლებში, გამართა საკონსულტაციო შეხვედრა ხარაგაულის მუნიციპალიტეტის სამოქალაქო საზოგადოებრივი ორგანიზაციების წევრებთან და აქტიურ მოქალაქეებთან. შეხვედრის მიზანი გახლდათ იმერეთის რეგიონში მოქმედი სამოქალაქო საზოგადოების ორგანიზაციების საჭიროებების კვლევის საფუძველზე მომზადებული დოკუმენტის გაცნობა, ინფორმაციის მიწოდება იმერეთის რეგიონში გამოცხადებული საგრანტო კონკურსების შესახებ; სრულად... წყარო: ადგილობრივი დემოკრატიის სააგენტო საქართველო  

თბილისი. კონსულტაციისა და ტრენინგის ცენტრი შოთა ბერულავას ბლოგს ავრცელეს, რომელიც ემპათიაზე დაფუძნებულ პედაგოგიკას ეხება.  სრულად... წყარო: კონსულტაციისა და ტრენინგის ცენტრი

26-27 სექტემბერს ინფორმაციის თავისუფლების განვითარების ინსტიტუტის და USAID-ის მმართველობის პროგრამის წარმომადგენლებმა, რეგიონული საინფორმაციო კამპანიის ფარგლებში, მორიგი შეხვედრები გამართეს ქ.ოზურგეთსა და ქ.ზუგდიდში. ორივე მუნიციპალიტეტში, შეხვედრებზე მონაწილეობა მიიღეს საჯარო და არასამთავრობო სექტორების წარმომადგენლებმა და განიხილეს საჯარო-კერძო დიალოგში როგორც არსებული პრობლემები და გამოწვევები, ასევე, კარგი პრაქტიკის მაგალითები. სრულად... წყარო: ინფორმაციის თავისუფლების განვითარების ინსტიტუტი 

იმერეთი. ქუთაისის ახალგაზრდული ცენტრის წევრებმა პროექტის პრეზენტაცია გამართეს, რომლის მიზანს წარმოადგენდა ახალგაზრდების ინფორმირება USAID-ის პროგრამა „ერთიანობა მრავალფეროვნებაშია“ ახალგაზრდული კომპონენტის მიზნების, ამოცანების, ახალგაზრდული ცენტრის მიერ დაგეგმილი ღონისძიებების შესახებ. პრეზენტაცია ორგანიზებული იქნა USAID-ის პროგრამა „ერთიანობა მრავალფეროვნებაშია“ ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით.  იმერეთის რეგიონში პროგრამის პარტნიორია განათლების განვითარების და დასაქმების ცენტრი (EDEC). სრულად... წყარო: ქუთაისის ახალგაზრდული ცენტრი 

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

სოციალური სამართლიანობის ცენტრი ვიდეო რგოლს ავრცელებს, სადაც ეთნიკური უმცირესობების წარმომადგენელი რაშან ზიადალიევი ეთნიკური უმცირესობების პრობლემებზე საუბრობს.  "სულ ვამბობ, რომ ეთნიკური უმცირესობები მზად არიან ინტეგრაციისთვის, მაგრამ მნიშვნელოვანია გავაცნობიეროთ, როგორ ხედავს ხელისუფლება ეთნიკურ უმცირესობებს, როგორ ამყარებს ჩვენთან კომუნიკაციას... და ეს პრობლემური საკითხია", - რაშან ზიადალიევი. სრულად... წყარო: სოციალური სამართლიანობის ცენტრი 

გურია. „თაობათა დიალოგი“ „სკოლის მოსწავლეებში მოქალაქეობის კომპეტენციის განვითარებისა და ცოდნის პრაქტიკული გამოყენების ხელშეწყობის პროგრამას“ აგრძელებს.  პროექტის ფარგლებში ოზურგეთის N2 საჯარო სკოლაში ჩატარდა სამუშაო შეხვედრა, რომელიც მშვიდობის მნიშვნელობას ეხებოდა.  შეხვედრის მიზანია მხარი დაუჭიროს ახალგაზრდებს განავითარონ ცოდნა უნარები და შესაბამისი დამოკიდებულებები კონფლიქტების ანალიზის გაგების, ტრანფორმაციისა და მშვიდობის მშენებლობის მიმართულებით. სრულად... წყარო: თაობათა დიალოგი 

თბილისი. პარტნიორობა ადამიანის უფლებებისთვის აგრძელებს საინფორმაციო ხასიათის შეხვედრებს შეზღუდული შესაძლებლობის მქონე პირების მშობლებთან.  2023 წლის სექტემბრის თვეში ჩატარდა ორი შეხვედრა, სადაც PHR-ის ადვოკატებმა და მონაწილეებმა განიხილეს ის ბარიერები და გამოწვევები, რის გამოც, ბევრი შეზღუდული შესაძლებლობის მქონე პირისთვის უფლებებით თანაბრად სარგებლობა და საჭირო სერვისებზე წვდომა კვლავ შორეულ პერსპექტივად რჩება. სრულად... წყარო: პარტნიორობა ადამიანის უფლებებისთვის

სოხუმის დაცემიდან 30 წელი გავიდა. გაეცანით რონდელის ფონდის მიერ შექმნილ ვიდეოს – რუსეთ–საქართველოს ომი არ დასრულებულა, საქართველოს ტერიტორიის 20% ოკუპირებულია რუსეთის ფედერაციის მიერ.  სრულად...  წყარო: რონდელის ფონდი

გურია. სათემო ფონდში, 24 სექტემბერს ტრენინგი ჩატარდა, რომელიც ადგილობრივი თვითმმართველობისა და ბიუჯეტის საკითხებს ეხებოდა.  ტრენინგის მიზანს წარმოადგენდა მოქალაქეთა ჩართულობის წახალისება ადგილობრივი თვითმმართველობისა და გადაწყვეტილების მიღების პროცესში.  ღონისძიება ჩატარდა “სათემო ფონდი - ერთიანობა პოზიტიური ცვლილებებისთვის” მიერ, საქართველოს სტრატეგიული კვლევებისა და განვითარების ცენტრის, ევროკავშირისა და კონრად ადენაუერის ფონდის მიერ დაფინანსებული პროექტის “სამოქალაქო საზოგადოების ინიციატივა” მხარდაჭერით. სრულად... წყარო: სათემო ფონდი ერთიანობა პოზიტიური ცხვილებებისთვის