თბილისი. 13 მაისს ეროვნულ–დემოკრატიულმა ინსტიტუტმა (NDI) საქართველოს მოსახლეობის განწყობის შემსწავლელი კვლევის კიდევ ერთი ნაწილი გამოაქვეყნა, რომელიც საზოგადოების პოლიტიკური პროცესებისადმი დამოკიდებულებას ასახავს. სრულად... წყარო: civil.ge

თბილისი. „ტფილისის ჰამქარი" მირზა შაფის პროექტის შესახებ განცხადებას ავრცელებს. „2015 წლის 2 მარტს თბილისის არქიტექტურის სამსახურმა და ინვესტორმა (შპს „აპოლო გ.ს.") თბილისში მირზა შაფის ქუჩის განვითარების ესკიზური პროექტის შექმნაზე კონკურსი გამოაცხადეს.. ... მირზა შაფის კონკურსმა გვაჩვენა, რომ ცხრავე წარმოდგენილი პროექტი: არღვევს ტრადიციულად ჩამოყალიბებული უბნის ერთიან მასშტაბს. უგულებელყოფს ლანდშაფტის თავისებურებას. არ ითვალისწინებს ტრადიციულად ჩამოყალიბებული ურბანული ქსოვილის ხასიათსა და მხატვრულ-არქიტექტურულ მთლიანობას. ეწინააღმდეგება ისტორიული ქალაქის განვითარების საერთაშორისო პრინციპს „ფაქიზი განახლების" შესახებ. ... „ტფილისის ჰამქარი" მიიჩნევს, რომ თბილისის მერიამ, როგორც ქალაქის ხელისუფლებამ უნდა გამოავლინოს პოლიტიკური ნება, არ დაასახელოს გამარჯვებული პროექტი და მკაცრად და საპროექტო უბნისთვის შესაფერისად გაწერილი პირობების და მიმართულების საფუძველზე გამოაცხადოს კონკურსის მეორე ეტაპი, რომელშიც მონაწილეობის მიღება შეეძლება ახალ საპროექტო ჯგუფებსაც", ნათქვამია ორგანიზაციის განცხადებაში. სრულად... წყარო: ორგანიზაციის ვებგვერდი სოციალურ ქსელში

თბილისი. ტოლერანტობისა და მრავალფეროვნების ინსტიტუტის პროექტის: ტოლერანტობის სკოლის ფარგლებში ილიაუნის სტუდენტებისთვის გაიმართა საჯარო ლექცია. იურისტმა თამთა მიქელაძემ წაიკითხა ლექცია: „სეკულარიზმის გამოწვევები საქართველოს კონტექსტში". მათ ვინც ვერ შეძლო ლექცია დასწრება, შესაძლებლობა აქვს იხილოს მისი ვიდეოჩანაწერი.     წყარო: ინსტიტუტის ვებგვერდი სოციალურ ქსელში

შიდა ქართლი. 9 მაისს, გორის სახელმწიფო სასწავლო უნივერსიტეტში პროექტ „უცნობი საბჭოთა წარსულის” ფარგლებში მეექვსე ლექცია გაიმართა. თემაზე „სტალინის კულტი” ფილოსოფიის დოქტორმა ლაშა ბაქრაძემ ისაუბრა. მონაწილეთათვის განსაკუთრებით საინტერესო აღმოჩნდა 9 მაისს გორის ცენტრში მიმდინარე აქცია სტალინის სურათებითა და საბჭოთა სიმბოლიკით. ახალგაზრდებმა სტალინის კულტის თეორიული ასპექტების გაცნობის პარალელურად, კულტის პრაქტიკაში გამოვლინება და საბჭოთა პროპაგანდის დღევანდელ საქართველოზე გავლენა საკუთარი თვალით ნახეს. შესაბამისად ლექციაც და ლექციის შემდგომი დისკუსიაც განსაკუთრებით ემოციური აღმოჩნდა. პროექტი ხორციელდება ჰაინრიჰ ბიოლის ფონდის სამხრეთ კავკასიის რეგიონული ბიუროს მხარდაჭერით. წყარო: ორგანიზაცია „თანამშრომლობა მშვიდობისა და პროგრესისათვის"

სამცხე-ჯავახეთი. ახალციხეში ეთნიკური უმცირესობის წარმომადგენლების პრობლემების გასაცნობად და ასევე, მათი უფლებების შესახებ ინფორმაციის მიწოდების მიზნით, „პროფესიული და ინკლუზიური განათლების განვითარების ასოციაციამ" ადგილობრივებთან შეხვედრა გამართა. ასოციაციამ შეკრებილებს ასევე გააცნო ქვეყანაში დაგეგმილი ის ღონისძიებები, რომელთა განხორციელების მიზანიც, ეთნიკური უმცირესობების მდგომარეობის გაუმჯობესებაა. მსგავსი ტიპის შეხვედრებს, „პროფესიული და ინკლუზიური განათლების განვითარების ასოციაცა", ევროკავშირის დაფინანსებით, სხვა ეთნიკური უმცირესობებით დასახლებულ მუნიციპალიტეტებშიც გამართავს. ახალციხე ამ ჩამონათვალში პირველი აღმოჩნდა. აღნიშნული ორგანიზაციის წარმომადგენლები ასევე იღებენ ინფომაციას იმის შესახებ, თუ რა პრობლემები აქვთ დღეს ეთნიკურ უმცირესობებს.

თბილისი. აშშ–ის ეროვნულ–დემოკრატიულმა ინსტიტუტმა (NDI), 11 მაისს საზოგადოებრივი აზრის კვლევის შედეგების ნაწილი გამოაქვეყნა. კვლევა 27 მარტიდან 19 აპრილამდე პერიოდში ჩატარდა საქართველოს მასშტაბით, შემთხვევითი შერჩეული 4360 რესპონდენტის პირისპირ ინტერვიუს გზით. სრულად... წყარო: civil.ge

თბილისი. საერთაშორისო გამჭვირვალობა – საქართველომ გასული კვირის საპარლამენტო ამბების მორიგი პოდკასტი გამოაქვეყნა. გამოშვებაშია: რიგგარეშე სესიაზე საკანონმდებლო ორგანომ ნდობა გამოუცხადა საქართველოს მთავრობის ახალ შემადგენლობას, საკანონმდებლო ორგანომ მესამე და საბოლოო მოსმენით მიიღო კანონი „უცხოელთა და მოქალაქეობის არმქონე პირთა სამართლებრივი მდგომარეობის შესახებ" და სხვა. სრულად... წყარო: transparency.ge

თბილისი. ლიბცენტრში 8 მაისს გაიმართა ევანგელურ–ბაპტისტური ეკლესიის წინამძღვრის მალხაზ სონღულაშვილის საჯარო ლექცია: „დიალოგი ქრისტიანებსა და მუსლიმებს შორის". მათ, ვინც ვერ შეძლო ლექციაზე დასწრება, ცენტრი საშუალებას აძლევს ვიდეოჩანაწერი იხილოს. წყარო: ცენტრის ვებგვერდი სოციალურ ქსელში

თბილისი. არასამთავრობო ორგანიზაციები „სამოქალაქო ჩართულობის ცენტრი" და „ახალგაზრდა ადვოკატები" საქართველოს საკანონმდებლო ორგანოს მიმართავენ. ისინი „საქართველოს უზენაესი სასამართლოს ყოფილი თავმჯდომარის, კონსტანტინე კუბლაშვილის 2005-2015 წლების საქმიანობის შესწავლის მიზნით, საგამოძიებო კომისიის შექმნისკენ" მოუწოდებენ. სრულად... წყარო: barristers.ge

სამცხე-ჯავახეთი. 8 მაისს ახალციხეში, ასოციაცია „ტოლერანტისა" და ახალციხის დემოკრატიული ჩართულობის ცენტრის ორგანიზებით ლექცია–სემინარი გაიმართა: „ძლიერი სოფელი – ძლიერი სახელმწიფო". სამოქალაქო საზოგადოების წარმომადგენლებმა, ფერმერებმა და სოფლის რწმუნებულებმა სოფლებში არსებული პრობლემები განიხილეს. გამოცდილების გაზიარების მიზნით, შეკრებილებს, საფრანგეთში მომზადებული რეპორტაჟებიც აჩვენეს, სადაც მცირე ბიზნესით დასაქმებული ადამიანების პრობლემები იყო განხილული. ლექციის ბოლოს, მონაწილეებმა სპეციალური კითხვარები შეავსეს. პროექტის ხელმძღვანელები ამ კითხვარის საშუალებით გაიგებენ, რა პრობლემები არსებობს სოფლებში და როგორია ეკონომიკური პოტენციალი. „ძლიერი სოფელი - ძლიერი სახელმწიფო", 2014 წლის „მომავლის სოფელის" ლექციების ციკლის გაგრძელებაა. ლექცია-დებატების ფორმატი ხელს უწყობს როგორც ინფორმაციის გაცვლას, ასევე აადვილებს სოფლის მაცხოვრებელთა ინტერაქტიულ დიალოგში ჩართვას და ბიზნეს ინიციატივების იდეების გარშემო გახსნილ საუბარს.

თბილისი. „ლიბცენტრის" სტუდენტებმა თბილისის ქუჩებში მოსახლეობა გამოკითხეს და გაიგეს მათი აზრი არიან თუ არა საქორწინო კონტრაქტის გაფორმების მომხრეები. შესაბამისი გამოკითხვის ვიდეო ცენტრმა სოციალურ ქსელში განათავსა. გამოკითხვა...   წყარო: ცენტრის ვებგვერდი სოციალურ ქსელში

კახეთი. რადიო „ჰერეთმა" ევრაზიის თანამშრომლობის ფონდის და შვედეთის განვითარების სააგენტოს (SIDA) მხარდაჭერით, ახალი პროექტი დაიწყო. პროექტი ითვალისწინებს რადიო ბლოგების საშუალებით მოქალაქეების მიერ თვითმმართველობის ეფექტიან მონიტორინგს. პროექტის მიზანია კონკურსის წესით შერჩეულმა მოქალაქეებმა ინოვაციური ფორმატის, რადიო ბლოგის საშუალებით ხელი შეუწყო კახეთის მუნიციპალიტეტებში არსებული პრობლემების იდენტიფიცირებას. პროექტის ფარგლებში, 8 თვის განმავლობაში რადიოსადგური კახეთში 10 ბლოგერს მოამზადებს. ისინი მომზადდებიან სოციალური მედიის, გენდერისა და რადიო რეპორტინგის საკითხებში. ბლოგერები შექმნიან 70-ზე მეტ რადიო ბლოგს საკუთარ მუნიციპალიტეტებში არსებულ და მიმდინარე მოვლენებზე, რომელიც გადაცემა რადიო ბლოგის სახით „ჰერეთის" ეთერში გავა და განთავსდება ვებგვერდსა თუ სოციალურ ქსელებში.

თბილისი. საერთაშორისო გამჭვირვალობა – საქართველომ უზენაესი სასამართლოს წევრობის ორი კანდიდატის შესახებ ბლოგს აქვეყნებს. როგორც ცნობილია პრეზიდენტმა, 4 მაისს საქართველოს პარლამენტს უზენაესი სასამართლოს წევრობის ორი კანდიდატი ეკატერინე გასიტაშვილი და მზია თოდუა წარუდგინა. სრულად... წყარო: transparency.ge

თბილისი. ადამიანის უფლებების სწავლებისა და მონიტორინგის ცენტრი (EMC) საკუთარ ვებგვერდზე აქვეყნებს შინაგან საქმეთა სამინისტროს რეფორმის პროცესსა და რეფორმის კონცეფციასთან დაკავშირებულ მოსაზრებებს. „...შს სამინისტროს რეფორმის წარმოდგენილი კონცეფცია ფრაგმენტულია და არ შეესაბამება სამართალდამცავ სისტემასთან დაკავშირებული პრობლემის მასშტაბებს. კონცეფციის ამგვარი შინაარსი არსებითად არის განპირობებული რეფორმის არასწორი და არაორგანიზებული პროცესით, სადაც ხელისუფლებამ ვერ უზრუნველყო პრობლემისა და გამოწვევების სიღრმისეული ანალიზი, სწორი ხედვისა და სტრატეგიის ჩამოყალიბება, დაინტერესებული ჯგუფების მონაწილეობა და განსხვავებული პოზიციების გაზიარების შესაძლებლობა. ..", ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. საქართველოს ახალგაზრდა კონსტიტუციონალისტთა ასოციაცია სამთავრობო ცვლილებებთან დაკავშირებით განცხადებას ავრცელებს. სრულად... წყარო: pia.ge

იმერეთი. სამოქალაქო განათლების პროგრამა ,,მომავლის თაობის'' ფარგლებში, ქუთაისის განათლების განვითარების და დასაქმების ცენტრის ინიციატივით, პროგრამის სამიზნე სკოლების სამოქალაქო განათლების პედაგოგებისათვის გაიმართა ტრენინგი თემაზე: ,,როგორ მოვამზადოთ საპროექტო წინადადება''. სრულად... წყარო: ორგანიზაციის ვებ-გვერდი სოციალურ ქსელში

თბილისი. 1 მაისს, ევრაზიის თანამშრომლობის ფონდმა გამართა ანგარიშის პრეზენტაცია: "სურსათის უვნებლობის სახელმწიფო რეგულირება: საქართველოს ხელისუფლების მიერ 2014 წელს გაწეული საქმიანობის შეფასება". პრეზენტაციაზე გამომსვლელებმა შეაფასეს 2014 წელს სურსათის უვნებლობის რეგულირების კუთხით საქართველოს ხელისუფლების მიერ გაწეული საქმიანობა, განიხილეს პრობლემები, რომლებიც აბრკოლებენ რეფორმების განხორციელებას და წარმოადგინეს რეკომენდაციები ამ პრობლემების გადასაწყვეტად. ამ საკითხების თაობაზე გაიმართა დისკუსია სამოქალაქო საზოგადოებისა და ხელისუფლების წარმომადგენლებს შორის. სრულად... წყარო: ორგანიზაციის ვებ-გვერდი სოციალურ ქსელში

თბილისი. 1 მაისს ლიბცენტრში გაიმართა ჟურნალისტ ზვიად ქორიძის საჯარო ლექცია: „ილიას ლიბერალიზმი". მათ, ვინც ვერ შეძლო საჯარო ლექციაზე დასწრება, ცენტრი საშუალებას აძლევს იხილოს ლექციის ვიდეოჩანაწერი. საჯარო ლექცია: „ილიას ლიბერალიზმი" წყარო: ლიბცენტრის ვებგვერდი სოციალურ ქსელში

გურია. 29 აპრილს, „საქართველოს დემოკრატიული განვითარების კავშირის" ინიციატივით, ოზურგეთის „დემოკრატიული ჩართულობის ცენტრში" საზოგადოებრივი ცოდნის გაძლიერებისა და საზოგადოებრივი ორგანიზაციების ჩართულობის მიზნით რეგიონულ დაგეგმარებაში, შეხვედრა გაიმართა. შეხვედრაზე წარმოდგენილი იყო ქალაქ ოზურგეთის განვითარების 3 წლიანი სტრატეგია. შეხვედრის მიზანი კი საზოგადოების ჩართულობაა, რომლის დროსაც შესაძლოა ახალი პროექტი იშვას და იგი აისახება დოკუმენტში. „თუ კი რამ ახალი ინიციატივა იქნება მოსახლეობაში, ჩვენ გთავაზობთ, რომ ვიქნებით შუამავალი რგოლი საზოგადოებასა და ხელისუფლებას შორის, მზად ვართ ყველა ახალი ინიციატივა ვაქციოთ მცირე პროექტად, ჩვენ მას კომპლექსურად დავამუშავებთ და მივაწვდით ხელისუფლებას გეგმაში ცასადებად", აღნიშნა შეხვედრაზე ლევან ხინთიბიძემ.

30 აპრილს, საპარლამენტო ღიაობის დეკლარაციაზე და საქართველოს პარლამენტსა და საქართველოს ღია პარლამენტის სამუშაო ჯგუფში ჩართულ საერთაშორისო და არასამთავრობო ორგანიზაციებს შორის მემორანდუმზე ხელმოწერის ოფიციალური ცერემონია შედგა. ევროკავშირისა (EU) და გაეროს განვითარების პროგრამის (UNDP) ერთობლივი პროექტი „საპარლამენტო დემოკრატიის სისტემის გაძლიერება საქართველოში" ინფორმაციის თავისუფლების განვითარების ინსტიტუტთან თანამშრომლობით (IDFI) და საქართველოს პარლამენტთან პარტნიორობით, ახორციელებს „ღია მმართველობის პარტნიორობის" ინიციატივაში საქართველოს პარლამენტის ჩართულობის მხარდაჭერის" პროექტს. სრულად...  

ორგანიზაცია „ახალგაზრდა ადვოკატების" ინიციატივით, არასამთავრობო ორგანიზაციათა ალიანსი: „ასოცირების ხელშეკრულების ხელმოწერიდან ევროკავშირის წევრობამდე" დაფუძნდა. ალიანსის წევრი ორგანიზაციები მხარს უჭერენ საქართველოს ევროპულ არჩევანს და გამოთქვამენ მზადყოფნას, ასოცირების ხელშეკრულებით ნაკისრი ვალდებულებების იმპლემენტაციის პროცესში, მიიღონ პირდაპირი მონაწილეობა. სრულად...  

თბილისი. ინფორმაციის თავისუფლების განვითარების ინსტიტუტმა (IDFI) გამოაქვეყნა კვლევა: საპარლამენტო ღიაობის საკითხები „ღია მმართველობის პარტნიორობის" წევრ ქვეყნებში. წინამდებარე კვლევა მომზადებულია ევროკავშირისა (EU) და გაეროს განვითარების პროგრამის (UNDP) ერთობლივი პროექტის – „საპარლამენტო დემოკრატიის სისტემის გაძლიერება საქართველოში" ფარგლებში. იგი ხორციელდება ინსტიტუტთან თანამშრომლობით და საქართველოს პარლამენტთან პარტნიორობით. სრულად... წყარო: idfi.ge