„სამართლიანი არჩევნების“ დაკვირვებით, გამოიკვეთა 7 ყალბი და 15 საეჭვო პროფილი, რომლებიც საქართველოს ცენტრალური საარჩევნო კომისიის (ცესკო) ფეისბუქგვერდზე მათ მხარდამჭერ კამპანიაში არიან ჩართული. არაავთენტური ანგარიშები, რომელთა ნაწილიც სხვის იდენტობას იპარავს, ცესკოს მიერ გამოქვეყნებულ პოსტებზე კოორდინირებულად და მრავალჯერ აკომენტარებენ. აღსანიშნავია, რომ თითოეულ პოსტზე არაავთენტური ანგარიშების კომენტარები ხშირად იდენტური ან მსგავსი შინაარსისაა.  სრულად... წყარო: სამართლიანი არჩევნები

საქართველოს რეფორმების ასოციაციამ საარჩევნო მონიტორინგზე მომუშავე ორგანიზაციების ინფორმაციებზე დაყრდნობით შექმნა ქარდები – საპარლამენტო არჩევნების წინ და შემდგომ მათ მიერ გამოვლენილი დარღვევების შესახებ...  გაეცანით მათ...

სოციალური სამართლიანობის ცენტრი აქვეყნებს ანგარიშს „საქმეთა ელექტრონული განაწილების სისტემა სასამართლოში". საერთო სასამართლოებში საქმეთა ელექტრონული განაწილების სისტემა სასამართლო რეფორმის „მესამე ტალღის“ ფარგლებში დაინერგა და ერთ-ერთი მნიშვნელოვანი პოზიტიური სიახლე იყო. სისტემის მთავარი დანიშნულება პროცესის მიუკერძოებლობა, გარე ჩარევებისგან დაცვა და დროული და ეფექტიანი მართლმსაჯულების განხორციელება იყო; სოციალური სამართლიანობის ცენტრი საქმეთა განაწილების სისტემის მონიტორინგს 2018 წლიდან ახორციელებს. ამჯერად აქვეყნებს მე-4 ანგარიშს, რომელიც მოიცავს 2022-2023 წლების პერიოდს. „ამ პერიოდში კანონმდებლობასა და პრაქტიკაზე დაკვირვებამ არაერთი სისტემური ხარვეზი და ბუნდოვანება გამოავლინა, რაც სასამართლოს დამოუკიდებლობაში ჩარევის რისკებს ქმნის“. სრულად...  წყარო: სოციალური სამართლიანობის ცენტრი

 საქართველოს ახალგაზრდა იურისტთა ასოციაცია ანგარიშსს აქვეყნებს: „ბაიკერები რუსული კანონის წინააღმდეგ – სამართლებრივი რეპრესიები რუსული კანონის საწინააღმდეგო აქციებში მონაწილეობის გამო“.  „ანგარიშშის განხილულია მოტოციკლეტის მძღოლების (ბაიკერების) წინააღმდეგ დაწყებულ სამართლებრივი რეპრესიები. ბაიკერები აქტიურად მონაწილეობდნენ რუსული კანონის საწინააღმდეგო აქციებში, ხოლო შემდგომ ადმინისტრაციული ჯარიმების ობიექტები გახდნენ“, ნათქვამია ორგანიზაციის გვერდზე სოციალურ ქსელში.  სრულად...   წყარო: საია

საიამ გრძელვადიანი საარჩევნო მონიტორინგის II შუალედური ანგარიში მოამზადა. ანგარიში ასახავს ოფიციალური წინასაარჩევნო პერიოდის გამოცხადებამდე (ივლისი-აგვისტო) საიას გრძელვადიანი საარჩევნო მონიტორების მიერ იდენტიფიცირებულ შემთხვევებს, რომლებიც ნეგატიურად აისახება საარჩევნო გარემოზე. სრულად... წყარო: საია

„სამართლიანი არჩევნები“ წინასაარჩევნო კამპანიის მიმდინარეობას აკვირდება სოციალური მედიის პლატფორმებზეც. ამჯერად ორგანიზაცია ფეისბუქზე მიმდინარე არაოფიციალური პოლიტიკური კამპანიის მონიტორინგის შედეგებს აცნობს საზოგადოება ანგარიშში წარმოდგენილია იმ ანონიმური გვერდების აქტივობა, რომლებიც ფეისბუქის მეშვეობით ჩართულნი არიან პოლიტიკური კამპანიის წარმოებაში. ანგარიშის მიზანია ფეისბუქზე ანონიმურად მიმდინარე საინფორმაციო კამპანიებისა და ძირითადი გზავნილების მიმოხილვა 2024 წლის 26 ოქტომბრის საპარლამენტო არჩევნებისთვის ოფიციალური საარჩევნო პერიოდის დაწყებამდე. სრულად...  წყარო: სამართლიანი არჩევნები

საქართველოს ახალგაზრდა იურისტთა ასოციაცია აგრძელებს წინასაარჩევნო პროცესებზე დაკვირვებას. როგორც ორგანიზაციის განცხადებაშია ნათქვამი „ერთ-ერთი პრობლემური საკითხი, რომელიც ამ დროისათვის იკვეთება, შეეხება საბიუჯეტო დაწესებულებიდან და საჯარო სკოლებიდან გათავისუფლების ფაქტებს“. საიას იდენტიფიცირებული აქვს 4 საქმე, რომელშიც იკვეთება „წინასაარჩევნო პერიოდში სამსახურიდან გათავისუფლება პოლიტიკური/განსხვავებული შეხედულებების ნიშნით“.  სრულად...  წყარო: საია

2024 წლის 26 ოქტომბერს საქართველოში მორიგი საპარლამენტო არჩევნები გაიმართება. საქართველოს კანონმდებლობის შესაბამისად, ოფიციალური წინასაარჩევნო პერიოდი არჩევნების დღემდე 60 დღით ადრე – 27 აგვისტოს დაიწყო. არასამთავრობო ორგანიზაციამ „სამართლიანმა არჩევნებმა“ წინასაარჩევნო პროცესების მონიტორინგი მთელი ქვეყნის მასშტაბით, 73 საარჩევნო ოლქში, უფრო ადრე, 2024 წლის 1 ივნისს, დაიწყო.  ორგანიზაციამ გამოაქვეყნა ანგარიში, რომელიც მოიცავს 1 ივნისიდან ოფიციალური წინასაარჩევნო პერიოდის დაწყებამდე (27 აგვისტო) მიმდინარე საარჩევნო პროცესების მონიტორინგის შედეგებს. ანგარიშში მიმოხილულია არსებული პოლიტიკური კონტექსტი, საარჩევნო ადმინისტრაციის საქმიანობის ზოგიერთი ასპექტი, პოლიტიკური პარტიების რეგისტრაციის პროცესი, არაოფიციალური საარჩევნო კამპანიის მიმდინარეობა, მედიაგარემო და წინასაარჩევნო პერიოდში გამოვლენილი სხვა ძირითადი ტენდენციები.  მონიტორინგის ანგარიში...  წყარო: სამართლიანი არჩევნები

გურიის სამოქალაქო ცენტრი აკვირდება სოფლის მხარდაჭერის პროგრამა რამდენად გამჭვირვალედ და გამართულად მიმდინარეობს ჩოხატაურის და ოზურგეთის მუნიციპალიტეტებში. გაეცანით დაკვირვების შედეგებს, რომელსაც ორგანიზაცია ქარდების საშუალებით გთავაზობთ.  გურიის სამოქალაქო ცენტრი მონიტორინგს USAID–ის ადგილობრივი თვითმმართველობის პროგრამის მხარდაჭერით ახორციელებს და აგრძელებს რეგიონში მცხოვრები მოსახლეობის მხარდაჭერას, რათა აქტიურად ჩაერთონ მნიშვნელოვანი გადაწყვეტილებების მიღების პროცესში.  წყარო: USAID–ის ადგილობრივი თვითმმართველობის პროგრამა

ინფორმაციის თავისუფლების განვითარების ინსტიტუტი აქვეყნებს ახალ ანგარიშს – „ფარული მეთვალყურეობის ზედამხედველობა: კანონმდებლობა და პრაქტიკა“.  ინსტიტუტის მონაცემებით „ფარულ მეთვალყურეობაზე ზედამხედველი საჯარო დაწესებულებები ხშირად უხეშად არღვევენ საჯარო ინფორმაციის ხელმისაწვდომობის კონსტიტუციურ უფლებას“. სრულად... წყარო: ინფორმაციის თავისუფლების განვითარების ინსტიტუტი

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს მონიტორინგის შედეგებს – „არასამთავრობო და მედია ორგანიზაციების “გამჭვირვალობის” კვლევით დაკავებული ხელისუფლების გამჭვირვალობა“.  შეგახსენებთ, რომ 15 ივლისს, საქართველოს მმართველმა პარტიამ, საზოგადოებას გააცნო „არასამთავრობო და მედია ორგანიზაციების გამჭვირვალეობის საბაზისო კვლევა“, რომელიც აფასებდა „რუსული კანონის“ საწინააღმდეგო განცხადებაზე ხელმომწერი 474 ქართული არასამთავრობო და მედია ორგანიზაციის გამჭვირვალობას შვიდი სხვადასხვა კრიტერიუმის მიხედვით .  IDFI-ს შეფასებით „ამ კვლევის რეალურ მიზანს წარმოადგენდა საქართველოს ხელისუფლების მიერ რუსული კანონის საჭიროებაზე პროპაგანდის გაძლიერება და არა ამ არასამთავრობო ორგანიზაციების პროაქტიული გამჭვირვალობის შეფასება“. ორგანიზაცია აცხადებს, რომ „არასამთავრობო და მედია ორგანიზაციების “გამჭვირვალობის” კვლევით დაკავებული ხელისუფლება თავად ვერ უზრუნველყოფს გამჭვირვალობის მინიმალურ სტანდარტებს.“  ინფორმაციის თავისუფლების განვითარების ინსტიტუტი წლების განმავლობაში სწავლობს საჯარო უწყების გამჭვირვალობის და ანგარიშვალდებულების საკითხებს. კვლევებზე დაყრდნობით ორგანიზაცია აცხადებს, რომ „შესწავლილი საჯარო უწყებების (პარლამენტი, მთავრობა, სამინისტროები) 71%-ს ვებ-გვერდზე გამოქვეყნებული არ აქვს 2023 წელს მიღებული და გაცემული გრანტების შესახებ სრულყოფილი ინფორმაცია, ხოლო 65%-ს 2023 წლის საქმიანობის წლიური ანგარიშები“. სრულად...  წყარო: ინფორმაციის თავისუფლების განვითარების ინსტიტუტი

თბილისი. საიამ გამოაქვეყნა კვლევის ანგარიში „სახელმწიფოს რეაგირება გენდერულად მოტივირებულ ძალადობაზე საქართველოში, კანონმდებლობისა და პრაქტიკის ანალიზი“. დოკუმენტი საუბრობს საქართველოში გენდერულად მოტივირებულ ძალადობაზე რეაგირების სისტემისა და იმ დაბრკოლებების შესახებ, რომლებსაც ასეთი ძალადობის მსხვერპლნი აწყდებიან. „სახელმწიფო აქტიურად ცდილობს სამოქალაქო საზოგადოების საარსებო სივრცის შევიწროებას, მათ შორის, რუსული კანონის მიღების გზით, რაც, მნიშვნელოვნად შეამცირებს წვდომას იურიდიული დახმარების, მხარდაჭერის სერვისებზე და, სტამბოლის კონვენციის სტანდარტის საწინააღმდეგოდ, შეუძლებელს გახდის გენდერულად მოტივირებულ ძალადობასთან ბრძოლისა და პრევენციის პოლიტიკის შემუშავების, განხორციელების, მონიტორინგისა და შეფასების პროცესში სამოქალაქო საზოგადოების ჩართულობას“, ნათქვამია ორგანიზაციის გვერდზე სოციალურ ქსელში.  სრულად...  წყარო: საია

თბილისი. საქართველოს ახალგაზრდა იურისტთა ასოციაციამ იუსტიციის უმაღლესი საბჭოს საქმიანობის მონიტორინგის, რიგით 12 ანგარიში გამოაქვეყნა. საიას ინფორმაციით „იუსტიციის უმაღლესი საბჭო კვლავ თავს არიდებს აჯარო ინფორმაციის გავრცელებას“.  ანგარიში... წყარო: საია

თბილისი. საერთაშორისო გამჭვირვალობა – საქართველო აქვეყნებს პუბლიკაციას, რომელიც საპენსიო სააგენტოს მართვის წესებში ცვლილებებს ეხება. „საპენსიო ფონდის მმართველობითი საბჭოს წევრთა არჩევა და გათავისუფლება პრემიერ მინისტრის დაქვემდებარებაში გადადის და პარლამენტის როლი გამორიცხება, რითიც სუსტდება საპენსიო სააგენტოს დამოუკიდებლობა და მასზე ზედამხედველობის შესაძლებლობა, რაც მნიშვნელოვანი გარანტიაა ფონდში მობილიზებული თანხების ეფექტური მართვისთვის“.  სრულად... წყარო: საერთაშორისო გამჭვირვალობა – საქართველო

თბილისი. სამართლიანი არჩევნები აქვეყნებს 2024 წლის საპარლამენტო არჩევნების წინა პერიოდის გარემოს შეფასებას. „სამართლიანმა არჩევნებმა“ წინასაარჩევნო პერიოდის მონიტორინგი მთელი ქვეყნის მასშტაბით, 73 საარჩევნო ოლქში, 1 ივნისიდან დაიწყო. ანგარიშში განხილული და შეფასებულია ქვეყანაში არსებული პოლიტიკური გარემო, საკანონმდებლო ჩარჩო - საარჩევნოდ განხორციელებული საკანონმდებლო ცვლილებები, მათ შორის, ახლად დანერგილი ელექტრონული ტექნოლოგიები, მედიაგარემო პოლიტიკური პარტიების საქმიანობა და საარჩევნო სადამკვირვებლო ორგანიზაციებისთვის შექმნილი გარემო. სრულად...  წყარო: სამართლიანი არჩევნები

თბილისი. ადამიანის უფლებათა ცენტრმა გამოაქვეყნა ანალიტიკური დოკუმენტი – „რეპრესიული კანონი და სამოქალაქო საზოგადოებრივი ორგანიზაციების სტიგმატიზაცია“. დოკუმენტი მიმოიხილავს 2024 წლის 28 მაისს მიღებულ კანონს „უცხოური გავლენის გამჭვირვალობის შესახებ“, რომელიც საპარლამენტო უმრავლესობამ მაინც მიიღო, საზოგადოების მრავალათასიანი საპროტესტო აქციების მიუხედავად. სრულად... წყარო: ადამიანის უფლებათა ცენტრი

თბილისი. ინფორმაციის თავისუფლების განვითარების ინსტიტუტი აგრძელებს სტატისტიკური მონაცემების გავრცელებას. ინსტიტუტი, ფინანსთა სამინისტროზე დაყრდნობით წერს, რომ „ 2023 წელს სახელმწიფო სსიპ-ებში და ა(ა)იპ-ებში (მუნიციპალიტეტების გარდა) დასაქმებული იყო 176.1 ათასი ადამიანი, რაც ბოლო 10 წლის რეკორდული მაჩვენებელია“. სრულად...  წყარო: ინფორმაციის თავისუფლების განვითარების ინსტიტუტი

თბილისი. ახალგაზრდა იურისტთა ასოციაციამ მოამზადა სპეციალური ანგარიში – „საქართველო: ადამიანის უფლებები რუსული კანონის პირისპირ“. მასში მიმოხილულია კანონპროექტის ინიცირებიდან მის მიღებამდე, 2 თვის განმავლობაში, განვითარებული მოვლენები. კერძოდ, „ის ძალადობრივი მეთოდები, რომელთა მეშვეობითაც ხელისუფლება ცდილობს სამოქალაქო სივრცის შევიწროებას საქართველოში“.  სრულად...  წყარო: საია

თბილისი. სართაშორისო გამჭვირვალობ საქართველო ანტიკორუფციულ კანონში შეტანილი ცვლილებების შესახებ ბლოგს აქვეყნებს. „ანტიკორუფციულ კანონში შეტანილი ცვლილებები ვერ პასუხობს ევროკომისიის მოთხოვნებს და აუარესებს არსებულ წესებს. 2024 წლის 29 მაისს პარლამენტმა მესამე მოსმენით მიიღო „კორუფციის წინააღმდეგ ბრძოლის შესახებ“ კანონში ცვლილებები, თანმდევ პროექტებთან ერთად, რომელიც, მთლიანობაში, უკან გადადგმულ ნაბიჯად შეიძლება შეფასდეს“, ნათქვამია ორგანიზაციის გვერდზე სოციალურ ქსელში. სრულად... წყარო: საერთაშორისო გამჭვირვალობა – საქართველო

თბილისი. „საერთაშორისო გამჭვირვალობა - საქართველო“ აქვეყნებს ახალ ბლოგს : „ანაკლიის პორტს საეჭვო რეპუტაციის ჩინური კომპანია ააშენებს“. ორგანიზაცია ანაკლიის პორტის გარშემო მიმდინარე მოვლენებს 2018 წლიდან აკვირდებ სრულად... წყარო: საერთაშორისო გამჭვირვალობა – საქართველო

თბილისი. ინფორმაციის თავისუფლების განვითარების ინსტიტუტი აქვეყნებს ბლოგპოსტს: „აშშ–ის სანქციების საფრთხე და საქართველოს ეკონომიკა", „მიმდინარე მოვლენების ფონზე, უკვე გამოვლინდა მკვეთრი მოკლევადიანი რყევები, როგორც სავალუტო ბაზარზე, ისე საფონდო ბირჟაზე - ლარი უფასურდება დოლართან და ევროსთან მიმართებით, ხოლო ქვეყნის წამყვანი ბანკების აქციების ფასები მცირდება“. სრულად... წყარო: ინფორმაციის თავისუფლების განვითარების ინსტიტუტი

თბილისი. საქართველოს ახალგაზრდა იურისტთა ასოციაცია ახალ დოკუმენტს „საარჩევნო ელექტრონული ტექნოლოგიების დანერგვის ქართული გამოცდილება და პერსპექტივები“ აქვეყნებს.  „Საიას აზრით, საარჩევნო პროცესში ელექტრონული ტექნოლოგიების სრულფასოვნად დანერგვა ხანგრძლივი პროცესია და მისი წარმატებული იმპლემენტაცია მრავალ ფაქტორზეა დამოკიდებული.  რეფორმის სირთულეს განაპირობებს, ერთი მხრივ, პროცესის ტექნოლოგიური, ლოჯისტიკური უზრუნველყოფა, ხოლო, მეორე მხრივ, ამომრჩევლის ქცევის ცვლილება და ელექტრონულ საშუალებებთან ადაპტირება.“ სრულად...  წყარო: საქართველოს ახალგაზრდა იურისტთა ასოციაცია