თბილისი. რონდელის ფონდში, საქართველოს მართლმადიდებელ ეკლესიასთან პოლიტიკის საკითხებზე დისკუსიის ხელშეწყობის პროექტის ფარგლებში, საქართველოს მართლმადიდებელი ეკლესიის წარმომადგენლებთან გაიმართა დისკუსია საქართველოს საგარეო პოლიტიკის შესახებ. „ფონდში მიმდინარე პროექტი საქართველოს მართლმადიდებელ ეკლესიასთან პოლიტიკის საკითხებზე დისკუსიის ხელშეწყობა, მიზნად ისახავს საქართველოსა და რეგიონისათვის აქტუალურ საგარეო და საშინაო პოლიტიკის საკითხებზე ეკლესიის წარმომადგენლებთან შეხვედრებისა და მსჯელობის გამართვას და ამ გზით სამოქალაქო საზოგადოებასა და ეკლესიას შორის თანამშრომლობის გაღრმავებას”, ნათქვამია ორგანიზაციის ვებგვერდზე. სრულად... წყარო: www.gfsis.org

28 ოქტომბერს, სასტუმრო „ჰილტონში“ გაიმართა დისკუსია თემაზე: რა არის ნეიტრალიტეტი. „დისკუსიაზე მომხსენებლად მოწვეული იყო: კორნელი კაკაჩია - საქართველოს პოლიტიკის ინსტიტუტის დირექტორი. რას მოიაზრებს რეალურად „ნეიტრალიტეტი“ და რა საფრთხე შეიძლება შეუქმნას მან საქართველოს? როგორია სამართლებრივი და პოლიტიკური პოზიცია, ნეიტრალიტეტის სახეები - ამ თემაზე გაიმართა დისკუსია”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს ინფორმაციას ვლადიკავკაზისა და ალანიის არქიეპისკოპოს ლეონიდეზე, პროექტის „კრემლის პოლიტიკის გზამკვლევი აფხაზეთსა და ცხინვალის რეგიონში“ ფარგლებში. „ვლადიკავკაზისა და ალანიის არქიეპისკოპოს ლეონიდეს 2016 წლიდან აქტიური ურთიერთობები აქვს ცხინვალის რეგიონის დე ფაქტო ლიდერებთან. იგი საქართველოს მართლმადიდებელი ეკლესიის გვერდის ავლით, პერიოდულად სტუმრობს ცხინვალს და საქართველოს ოკუპირებულ რეგიონში რუსეთის საპატრიარქოს ინტერესების გატარებას ცდილობს”, ნათქვამია ორგანიზაციის ვებგვერდზე. სრულად... წყარო: kremlin-roadmap.gfsis.org

აჭარა. 5 ოქტომბერს, ნატოს დღეები 2019-ის ფარგლებში, საქართველოს ტერიტორიულ წყლებში ნატოს მუდმივმოქმედი მეორე ნაღმსაწინააღმდეგო შენაერთს (SNMCMG2) საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ორგანიზებით საქართველოს სხვადასხვა რეგიონის ახალგაზრდები ესტუმრნენ. „ბათუმის სახელმწიფო საზღვაო აკადემიის, შოთა მესხიას ზუგდიდის სახელმწიფო სასწავლო უნივერსიტეტის, ქუთაისის წერეთლის სახელმწიფო უნივერსიტეტის სტუდენტებს, ოზურგეთის მუნიციპალიტეტის სამხატვრო სკოლისა და საჯარო სკოლების მოსწავლეებს, საინფორმაციო ცენტრის აჭარის ბიუროს მოხალისეებსა და ონისა და ამბროლაურის მუნიციპალიტეტების ახალგაზრდებს შესაძლებლობა ჰქონდათ ორივე გემი დაეთვალიერებინათ და ნატოს მუდმივმოქმედ მეორე ნაღმსაწინააღმდეგო შენაერთის ხელმძღვანელის კაპიტანი ალესანდრო ფალკონესა და კომანდორებისგან მოესმინათ გემის დანიშნულების და ფუნქციის შესახებ ინფორმაცია”, ნათქვამია ცენტრის გვერდზე სოციალურ ქსელში. სრულად... წყარო: ცენტრის გვერდი სოციალურ ქსელში

აჭარა. „საერთაშორისო გამჭვირვალობა-საქართველომ” სამოქალაქო საბჭოების მიერ აჭარაში 2019 წელს გამოვლენილი საჭიროებები გაასაჯაროა. „საერთაშორისო გამჭვირვალობა - საქართველოს” სამოქალაქო საბჭოებმა აჭარის ავტონომიური რესპუბლიკის 4 მუნიციპალიტეტის (ხულო, ქედა, შუახევი, ბათუმი) 8 დასახლებაში 40-ზე მეტი ინფრასტრუქტული პრობლემა/საჭიროება გამოავლინეს.  სასმელი და სარწყავი წყლის მიწოდება, შიდა გზებისა და სანიაღვრე არხების მოწესრიგება, მეწყერსაშიში ზონების გამაგრება, გარე განათებების დამონტაჟება, საბავშვო ბაღებისა და სპორტული ინფრასტრუქტურის გამართვა, ინტერნეტზე ხელმისაწვდომობა, კულტურული მემკვიდრეობის ძეგლების მოვლა - ეს იმ საჭიროებების არასრული სიაა, რომელთა მოგვარების მიზნით ორგანიზაციამ მუნიციპალიტეტებს უკვე მიმართა.  სრულად...  წყარო: www.transparency.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი... 

თბილისი. 20 სექტემბერს, რესტორანმა „ეზო • ezo“ ცოდნის კაფეს და მის მხარდამჭერებს უმასპინძლა. „ეზოს მზარეულები და ქიზიყელი ხანდაზმულები მთელი დღის განმავლობაში სტუმრებს ქიზიყური კერძებით უმასპინძლდებოდნენ. განსაკუთრებული პოპულარობით სარგებლობდა ქიზიყური რეცეპტით მომზადებული ლობიოში მოხარშული თონის პური, რომლის რეცეპტიც 89 წლის ზიზო მათეშვილმა სოციალურ ქსელში ცოდნის კაფეს მხარდამჭერ ვიდეოში გააზიარა და ყველას მოუწოდა, ცონდის კაფეს აშენებაში საკუთარი „აგური“ დაედო. ვიდეომ დიდი პოპულარობა მოიპოვა (831 000-ზე მეტი ნახვა, 1700-ზე მეტი კომენტარი, და 7,700 გაზიარება). ამის შემდეგ გაჩნდა იდეა, რომ ეზო • ezo-ში ქიზიყური კერძების დღე გამართულიყო და შემოსული თანხა ცოდნის კაფეს ანგარიშზე გადარიცხულიყო. კერძების გარდა, წნორელი ხანდაზმულები ეზოში საკუთარი ხელით მომზადებულ მურაბებს, ნაზუქებს, წინსაფრებს და სხვა აქსესუარებს ყიდდნენ“, ნათქვამია Ewmi-Acces-ის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს ვალერი ჩეჩელაშვილის ბლოგ პოსტს: რა იცის საქართველოზე ჟოზეფ ბორელმა. „მართალია, აღმოსავლეთ პარტნიორობასთან დაკავშირებით პოლონელი დეპუტატი ანჟეი ჰალიცკის კითხვაზე პასუხისას ბორელმა გაიხსენა რუსეთის მიერ საქართველოს ოკუპაცია (2:18). სამწუხაროდ - ისევ სანქციების კონტექსტის გარეშე. თანაც ეს ნაწილი მისი მთლიანი ხედვიდან ერთობ ამოვარდნილი იყო. სამსაათიანი განხილვის განმავლობაში ეს იყო ის შემთხვევები, როდესაც ევროპარლამენტის შენობაში გაჟღერდა სიტყვა „საქართველო“. თავი იჩინა სამწუხარო ტენდენციამ: ყველა აღიარებს რუსეთის დანაშაულს უკრაინის მიმართ და რუსეთის ფედერაციისათვის სანქციების პოლიტიკის აუცილებლობას. საქართველო კი ამ სურათში არ ჩანს და, რაც ყველაზე მეტად დამაფიქრებელია, არც მოიაზრება ამ კონტექსტში. მიუხედავად იმისა, რომ რუსეთი ორივე ქვეყნის მიმართ აწარმოებს ანალოგიური აგრესიისა და ოკუპაციის პოლიტიკას“, ნათქვამია ორგანიზაციის გვერდზე სოციალურ ქსელში. სრულად... წყარო: www.gfsis.org

თბილისი. „საერთაშორისო გამჭვირვალობა-საქართველომ” სამოქალაქო საბჭოების მიერ ზუგდიდსა და ფოთში 2019 წელს გამოვლენილი საჭიროებები გაასაჯაროა.  „საერთაშორისო გამჭვირვალობა - საქართველოს” სამოქალაქო საბჭოების წევრებმა ზუგდიდსა და ფოთში 60-ზე მეტი ინფრასტრუქტული პრობლემა/საჭიროება გამოავლინეს. ვიმედოვნებთ, რომ ფოთისა და ზუგდიდის თვითმმართველობები მოქალაქეთა იდენტიფიცირებულ საჭიროებებს 2020 წლის ბიუჯეტის პროექტში მაქსიმალურად გაითვალისწინებენ“, - ნათქვამია ორგანიზაციის მიერ გავრცელებულ ინფორმაციაში.  სრულად...  წყარო: www.transparency.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს არუნ კუნდნანი წიგნის: „მუსლიმები მოდიან! ისლამოფობია, ექსტრემიზმი და ტერორიზმზე ომის საშინაო პოლიტიკა“, პირველი და მეორე თავების მიმოხილვას.  „არუნ კუნდნანი ისლამოფობიას განიხილავს, როგორც სტრუქტურულ რასიზმს, რომელიც გამყარებულია სახელმწიფოს ოფიციალური პირების წარმოდგენებით ისლამზე და ამ წარმოდგენაზე დამყარებული პრაქტიკებით. ისლამოფობია ბევრად მეტია, ვიდრე ინდივიდების მცდარი წარმოდგენები ადამიანებზე, ისლამოფობიას პოლიტიკური მნიშვნელობა აქვს - ის მუსლიმების უფლებების სისტემური დარღვევებისთვის აჩენს სივრცეს და სისტემური უფლებრივი დარღვევების გასამართლებლად მუსლიმების ქცევების დემონიზებას მიმართავს“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. გაერთიანებული ერების ორგანიზაციამ 28 სექტემბერი ინფორმაციის ხელმისაწვდომობის საერთაშორისო დღედ გამოაცხადა. „ინფორმაციის თავისუფლების განვითარების ინსტიტუტი (IDFI) სრულად იზიარებს 2019 წლის 16 ოქტომბერს მიღებული რეზოლუციის შინაარს და მიესალმება 28 სექტემბრის ინფორმაციაზე ხელმისაწვდომობის საყოველთაო უფლების დღედ გამოცხადებას. აღნიშნული პროცესი ხელს შეუწყობს ინფორმაციის თავისუფლების სტანდარტის საერთაშორისო დონეზე ამაღლებას, ღია და გამჭვირვალე მმართველობის დანერგვასა და ინფორმაციული საზოგადოების ჩამოყალიბებას მსოფლიოს მასშტაბით. ვიმედოვნებთ, რომ საქართველო პროცესის შემდგომი გაჭიანურების გარეშე უზრუნველყოფს საჯარო ინფორმაციის ხელმისაწვდომობის უფლების სათანადო დაცვას ეროვნულ დონეზე და ამ მიზნით უახლოეს მომავალში მიიღებს ინფორმაციის თავისუფლების შესახებ კანონს“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს თორნიკე გერლიანის ბლოგპოსტს: ინტერპელაცია ქართულ კონტექსტში: მოლოდინები და იმედგაცრუებები. „ინტერპელაცია საპარლამენტო კონტროლის ერთ-ერთი ყველაზე მნიშვნელოვანი მექანიზმია, რომლის პოლიტიკური პოტენციალიც, ყველა სხვა საზედამხედველო ბერკეტისგან მას მკვეთრად გამოარჩევს. ინტერპელაციის პროცედურის წამოწყება, როგორც წესი, დეპუტატთა მცირე ჯგუფს (ზოგიერთ ქვეყანაში 1 დეპუტატსაც კი) შეუძლია, შემდგომი პროცესი კი ფართო პოლიტიკურ დებატებში, საკანონმდებლო და აღმასრულებელი შტოების ცოცხალ ურთიერთობაში, ოპოზიციისა და მმართველი ძალის პაექრობაში, დელიბერაციასა და პოლიტიკის ქმნადობისთვის ნიადაგის მომზადებაში ვლინდება“, ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. როგორ პასუხობს საქართველო რუსულ პროპაგანდას - ეს იყო დისკუსიის თემა, რომელიც 15 ოქტომბერს „საერთაშორისო გამჭვირვალობა-საქართველოს” ორგანიზებით მედიის, ადგილობრივი საზოგადოებრივი ორგანიზაციების, საელჩოებისა და საერთაშორისო ორგანიზაციების წარმომადგენელთა მონაწილეობით ჩატარდა. „შეხვედრის მონაწილეებმა იმ საფრთხეებზე იმსჯელეს, რასაც ქვეყანას რუსული პროპაგანდა უქმნის, გავრცელების რა გზები გამოიყენება, როგორია სახელმწიფო პოლიტიკა ამ პრობლემის მიმართ და რა უნდა გაკეთდეს მომძლავრებულ პროპაგანდასთან საბრძოლველად“,ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ნინო ხელაიას პუბლიკაციას: პოსტსოციალიზმი და კოლექტიური პოლიტიკური ცნობიერება – (ნეო)გრამშიანული მეთოდი. „პოსტსოციალიზმის ირგვლივ ბევრნაირი კითხვები დაისმის ხოლმე: გვეხმარება თუ არა ამ ცნების ანალიტიკური აპარატი ჩვენი დღევანდელი თუ ახლო წარსული რეალობის ახსნაში გააჩნია თუ არა მას რაიმე პოლიტიკური პოტენციალი. თავიდანვე უნდა აღინიშნოს, რომ პოსტსოციალიზმის რაობისა და მისი პოლიტიკური პოტენციალის შესახებ კითხვები გამომდინარეობს იმ ცნობისმოყვარე პოზიციისაგან, რომელიც სახელმწიფო სოციალიზმის დასრულებასთან ერთად გაჩნდა და შეეხებოდა იმას, თუ რა მომავალი გლობალური პოზიცია უნდა დაეკავებინა აღმოსავლეთ ევროპას და ზოგადად პოსტ-სოციალისტურ სივრცეს ახალ რეალობაში“, ნათქვამია ორგანიზაციის ვებგვერდზე. სრულად... წყარო: emc.org.ge

ქვემო ქართლი. 11 ოქტომბერს, ადამიანის უფლებების სწავლებისა და მონიტორინგის ცენტრის (EMC) წარმომადგენლები ქვემო სარალის სათემო ცენტრთან ერთად, სოფელ სარალის ადგილობრივ მოსახლეობას შეხვდნენ.  „EMC სოფლის პრობლემების შესახებ ინფორმაციას მარნეულის მერიას მიაწვდის და მათ შორის, ადგილობრივი ბიუჯეტის შემუშავების პროცესში არსებული პრობლემების ადვოკატირებას შეეცდება“, ნათქვამია ორგანიზაციის ვებ-გვერდზე. სრულად... წყარო: emc.org.ge

კახეთი. შეხვედრები ქალაქ წნორში „ცოდნის კაფესა“ და სოფელ ვაქირში გაიმართა. „ტრადიციულად საუბრები ჩვენი ქვეყნის ევროპულ და ევროატლანტიკურ მისწრაფებებს ეხებოდა. სტუმრებმა საუბრისას ყურადღება გაამახვილეს იმ საფრთხეებზე, რომელიც რუსეთის აგრესიული პოლიტიკიდან მომდინარეობს და მოსახლეობასთან ერთად ამ საკითხის გადაჭრის გზებზეც ისაუბრეს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: სტალინიზმი საბჭოთა სკოლებში და სკოლის მოსწავლეთა საქმე“.  „სტალინური ტერორი და მასობრივი კონტროლი სრულფასოვნად ვრცელდებოდა სკოლებზეც. ცენტრალური კომიტეტი განათლების სახალხო კომისარიატთან ერთად აქტიურად უწევდა მონიტორინგს სკოლაში მიმდინარე პროცესებს, არსებულ მდგომარეობას, დისციპლინურ, შინაარსობრივ თუ სხვა ტიპის გადაცდომებს. როგორც წესი, იმ შემთხვევაში, თუ მოსწავლე ვერ დააკმაყოფილებდა სისტემის მოთხოვნებს, პასუხისმგებლობა მასწავლებლებს ან მშობლებს ეკისრებოდათ.[5] საქართველოს ცენტრალური კომიტეტის („ცეკას“) განსაკუთრებული სექტორის 1937 წლის ნოემბერ-დეკემბრის მოხსენებითი ბარათები ცხადყოფს, თუ როგორ აისახებოდა 1930-იანი წლების საბჭოთა პოლიტიკა ქართულ სკოლებზე და როგორ მიმდინარეობდა მასობრივი კონტროლი მოსწავლეებზე, მათ მშობლებსა და მასწავლებლებზე“, ნათქვამია ორგანიზაციის ვებ გვერდზე.  სრულად...  წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: მსოფლიო მმართველობის ინდიკატორები - საქართველო მსოფლიო ბანკის 2019 წლის შეფასებით.  „მსოფლიო ბანკის მონაცემებზე დაყრდნობით საქართველომ მმართველობის ინდიკატორებში ყველაზე მაღალი შეფასება 2014 წელს მიიღო. ამ დრომდე საქართველოს მაჩვენებლები სტაბილურად და სწრაფი ტემპით იზრდებოდა. მოცემული პერიოდის განმავლობაში ქვეყანამ განსაკუთრებით მნიშვნელოვან პროგრესს კანონის უზენაესობისა და კორუფციის წინააღმდეგ ბრძოლის მიმართულებებში მიაღწია. მიუხედავად აღნიშნულისა, 2014 წლიდან ქვეყნის განვითარების ტემპი მნიშვნელოვნად შენელდა. მართალია მსოფლიო ბანკის უახლესი შეფასებით საქართველომ წინა წლებთან შედარებით ყველაზე მაღალი შედეგი აჩვენა რეგულირების ხარისხისა და ეფექტური მმართველობის კრიტერიუმებში, თუმცა 2018 წელს რეგრესი დაფიქსირდა გამოხატვის თავისუფლების, კანონის უზენაესობისა და პოლიტიკური სტაბილურობის მიმართულებებში“, ნათქვამია ორგანიზაციის ვებგვერდზე.  სრულად... წყარო: idfi.ge

თბილისი. 9 ოქტომბერს, უზენაესი სასამართლოს მოსამართლეობის კანდიდატების საპარლამენტო მოსმენისას, კანდიდატმა შალვა თადუმაძემ ლევან კობერიძის შეკითხვის საპასუხოდ აღნიშნა, რომ იგი „საკმაოდ მაღალანაზღაურებადი“ იურისტის სტატუსით ჩართული იყო ღია საზოგადოების საქართველოს ფონდიდან და ცენტრალური ოფისიდან დაფინანსებულ პროგრამებში და მისი დიპლომი მაშინ არ ყოფილა ბარიერი თანამშრომლობისთვის.  ამის გამო, ღია საზოგადოების ფონდი ავრცელებს განცხადებას, რომელშიც ვკითხულობთ: „ხაზგასმით გვინდა აღვნიშნოთ, რომ შალვა თადუმაძეს არასოდეს ჰქონია არც შრომითი და არც სხვა სახის პირდაპირი თანამშრომლობითი ხელშეკრულება საქართველოს ღია საზოგადოების ფონდთან. შესაბამისად, მას არასოდეს მოუწევდა დიპლომის წარმოდგენა ფონდში. საქართველოში არსებობის 25 წლის განმავლობაში ფონდის მიერ დაფინანსებული ასობით პროექტიდან, შალვა თადუმაძე შესაძლოა ჩართული ყოფილიყო რომელიმე პროექტის განხორციელებაში. ასეთ შემთხვევაში ფონდი არასოდეს ითხოვს პროექტში მონაწილე პირთა დიპლომებს და ენდობა წარმოდგენილ პროფესიულ რეზიუმეს“.  სრულად...  წყარო: ორგანიზაციის ვებგვერდი

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს ბლოგპოსტს: რა ვიცით რუსეთის ფედერაციისა და საქართველოს საგარეო საქმეთა მინისტრების შეხვედრის შესახებ.  „რას მოუტანს რუსეთთან დიალოგი საქართველოს ამაზე მსჯელობა რთულია საერთაშორისო, საგარეო და შიდა პოლიტიკური კონტექსტის შეფასებისა და თუნდაც, 2012 წლიდან მოყოლებული რუსეთ-საქართველოს შორის არსებული ურთიერთობათა დინამიკის სიღრმისეული ანალიზის გარეშე. ერთი შეხედვით მხოლოდ ის შეიძლება ითქვას, რომ 11 წლის შემდეგ გამართული პირველი შეხვედრის შემდეგ რუსეთის მხრიდან დასმული მკაფიო აქცენტები, ისევე, როგორც მანამდე რუსეთთან ჩვენი ურთიერთობის გამოცდილება, იმედიანად არ უნდა განგვაწყობდეს“, ნათქვამია ორგანიზაციის ვებგვერდზე. სრულად... წყარო: www.gfsis.org

თბილისი. 5 ოქტომბერს, გაიმართა საჯარო დისკუსია, რომელიც ეხებოდა ბუნებრივი გარემოს ექსპლუატაციის დინამიკას და ბუნებრივი რესურსების როლს სახელმწიფოს აღმშენებლობის სამსახურში.  „დისკუსიის ფარგლებში ძირითადი აქცენტები გაკეთდა უახლესი ისტორიის მიმოხილვაზე, რომელიც დღემდე დგას დილემის წინაშე: ეკონომიკური ზრდა vs სოციო-ეკოლოგიური დაცულობა; უმუშევრობა vs შრომა სიცოცხლისთვის საშიშ პირობებში. დისკუსიის მომხსენებლები იყვნენ ია ერაძე და გიორგი ცინცაძე“, ნათქვამია ადამიანის უფლებების სწავლებისა და მონიტორინგის ცენტრის ვებგვერდზე.  სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრის (EMC) ინიციატივით, საფუძველი ჩაეყარა თანასწორობის და სოლიდარობის ქსელის შექმნას.  „ქსელის პირველი სამუშაო შეხვედრა 5-6 ოქტომბერს შედგა და მასში მონაწილეობა პოლიტიკოსებმა, საჯარო მოხელეებმა, მკვლევარებმა და თემის აქტივისტებმა მიიღეს. შეხვედრის ერთი ნაწილი დაეთმო ეთნიკური და რელიგიური უმცირესობების წინაშე არსებული გამოწვევების შესახებ თეორიული ცოდნის გაზიარებას, რომელიც დაეფუძნა EMC-ს კოორდინირებით, ამ თემაზე მომზადებული უახლოესი კვლევის შედეგებს პანკისზე, მაღალმთიან აჭარასა და ქვემო ქართლზე“, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში