იმერეთი. კამპანიის #ძალაევროპაშია ფარგლებში, 25 ივლისს „საერთაშორისო გამჭვირვალობა-საქართველოს” ორგანიზებით, დავით კაკაბაძის სახელობის ქუთაისის სახვითი ხელოვნების გალერეაში მოეწყო გამოფენა „საზოგადო მოღვაწე ქალები XIX-XX საუკუნეების მიჯნაზე“. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ამერიკელი სოციოლოგის, მარკ იურგენსმაიერის „ძალადობის სეკულარული და რელიგიური ასპექტების გადააზრება“ თარგმანს. „მთელი მსოფლიოს გარშემო პოლიტიკურ აქტივისტებთან ჩატარებულ მრავალი ინტერვიუსას აღმოვაჩინე, რომ მამოტივირებელი [ფაქტორი] ხშირად არის არა სპეციფიკური პოლიტიკური მიზანი, არამედ მოდერნულ სამყაროში იდენტობისა და კონტროლის დაკარგვის მტანჯველი განცდა. სოციალური დისკომფორტის ეს განცდა არ არის რელიგიური პრობლემა, მაგრამ პოლიტიკური აქტივიზმის ბევრ თანამედროვე მოძრაობაში, რელიგია პროტესტის იდეოლოგიად იქცა.[i] ცალკეული რელიგიური ხატები და თემატიკა გამოიყენება იმასთან დასაპირისპირებლად, რაც ტრადიციული კულტურის და იდენტობების მტრებად წარმოისახება: გლობალური სეკულარული სისტემების და მათი მხარდამჭერი ერი-სახელმწიფოების“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს ბლოგპოსტს: ვლადიმერ პუტინის ძირითადი გზავნილები Financial Times-თვის მიცემული ინტერვიუდან. „ლიბერალიზმის საპირწონედ ტრადიციულ ფასეულობებზე ყურადღების გამახვილება რუსეთის პოლიტიკურ დღის წესრიგში ბოლო რამდენიმე წელია განსაკუთრებით გამოიკვეთა. ამასთან, გასათვალისწინებელია, რომ რუსული პროპაგანდის კონკრეტულად ეს მიმართულება უფრო მეტად პოსტსაბჭოთა ქვეყნებზეა გათვლილი. ამ ფონზე შემთხვევითი არ არის, რომ ტრადიციული ღირებულებების დაცვის საკითხი ჩვენთან თანდათანობით სულ უფრო აქტუალური ხდება, რასაც ბოლო ხანებში ამ თემასთან დაკავშირებით გარკვეული ჯგუფების გააქტიურებაც  ადასტურებს“, ნათქვამია ორგანიზაციის ვებგვერდზე. სრულად... წყარო: www.gfsis.org

თბილისი. ადამიანის უფლებების სწავლებისა და მონიტორინგის ცენტრი (EMC) გთავაზობთ ინდოელი პოლიტოლოგის ნივედიტა მენონის (Nivedita Menon) საჯარო ლექციის ვიდეოჩანაწერს, რომელიც მან წაიკითხა ფორუმზე „სოციალური სამართლიანობა კრიზისის დრო“.  „მენონი გლობალურ სამხრეთში გულისხმობს ისეთ სააზროვნო სივრცეს, რომელიც თავისუფალია ევროცენტრისტული ნარატივებისგან და ეფუძნება ადგილობრივ წიაღში აღმოცენებულ ცოდნებს. ნივედიტა მენონი პოლიტიკური აქტივისტიცაა და ცნობილია მისი პოზიციებით ატომური ენერგიისა და ქაშმირის კონფლიქტის შესახებ. ეს უკანასკნელი მისი პოლიტიკური შევიწროების საბაბი გახდა“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. „საერთაშორისო გამჭვირვალობა საქართველო“ აქვეყნებს ბლოგპოსტს: 2018 წლის სარეკლამო ბაზრის ანალიზი და გამოწვევები. „ამჯერად, 2018 წლის სარეკლამო ბაზარი შევისწავლეთ, რომელიც მოიცავს ტელევიზიისა და რადიოს შემოსავლების ანალიზს, ასევე, საპრეზიდენტო საარჩევნო პერიოდში პოლიტიკური პარტიების მიერ სატელევიზიო რეკლამის განთავსების პრაქტიკას, სარეკლამო ბაზარზე არსებულ ძირითად პროცესებსა და გამოწვევებს“, ნათქვამია ორგანიზაციის გვერდზე. სრულად... წყარო: www.transparency.ge

თბილისი. საქართველოს ახალგაზრდა იურისტთა ასოციაცია (საია) თვლის, რომ ქართული წიგნის ეროვნული ცენტრის და მწერალთა სახლის რეორგანიზაცია დაუსაბუთებელი და ნაჩქარევი იყო. სრულად... წყარო: gyla.ge

ძვირფასო მეგობრებო, უკვე ერთი თვეა, csogeorgia.org ახალი სახით ფუნქციონირებს. იმედი გვაქვს, განახლებული პორტალით სარგებლობა თქვენთვის უფრო კომფორტულია.  საიტი სატესტო რეჟიმში მუშაობს და, გვინდა, გთხოვოთ, მოგვაწოდოთ ნებისმიერი შენიშვნა, რაც მასთან დაკავშირებით გაგიჩნდებათ. თქვენი აზრი ჩვენთვის მნიშვნელოვანია, ეს პლათფორმა ხომ ინფორმაციის უკეთესი გაცვლის, კომუნიკაციის გაუმჯობესების, რესურსების მეტი გაზიარების მიზნით შეიქმნა.  შეგახსენებთ ჩვენი ელექტრონული ფოსტის მისამართს - info@csogeorgia.org

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს მიმოხილვას აშშ-თურქეთის დაძაბული ურთიერთობებისა და რეგიონულ უსაფრთხოებაზე მის შესაძლო გავლენაზე. სრულად... წყარო: www.gfsis.org

თბილისი. საზოგადოებრივი ორგანიზაციების ნაწილი ბათუმის კონფერენციის მონაწილეებს სპეციალური განცხადებით მიმართავს. „დღეს ჩვენ ვართ რუსეთის მთავრობისა და პრეზიდენტ პუტინის აგრესიული რიტორიკის და ეკონომიკური სანქციების სამიზნე. ამასთან ერთად პრეზიდენტი პუტინი პირადად ახდენს საქართველოს ისტორიის ფალსიფიკაციას. მოვლენათა დამახინჯებით, ცრუ ნარატივის შექმნით ცდილობს მოახდინოს ტრამვული მეხსიერების ფორმირება, რომელიც შეუძლებელს გახდის რეგიონში მშვიდობის მშენებლობისა და ნდობის აღდგენის პროცესს.“, - ვკითხულობთ მიმართვაში, - „სამწუხაროდ, ჩვენი მთავრობა ვერ ახერხებს ამ რიტორიკასთან გამკლავებას. უფრო მეტიც, ისინი თავისი დაბნეულობით და უმოქმედობით პანიკას თესენ ჩვენს ქვეყანაში და ცდილობენ დაამკვიდრონ მოსაზრება, რომ რუსეთთან მჭიდრო ეკონომიკური კავშირების გარეშე, ჩვენი ქვეყანა დაიღუპება. ამ სიტუაციაში მნიშვნელოვანია თქვენც მკაცრი პასუხი გასცეთ პუტინის იმპერიალისტურ რიტორიკას! თქვენი მხარდაჭერა მნიშვნელოვანია საქართველოს თითოეული მოქალაქისთვის“!  სრულად  წყარო: https://www.transparency.ge

თბილისი. 4 ივლისს, სოციალურ მეცნიერებათა ცენტრში, გაიმართა სამუშაო შეხვედრა „საქართველოს ახალგაზრდა ქალები ნატოსთვის“ პროექტის მონაწილეებთან, რომლებიც კონკურსის წესით შეირჩა საქართველოს სხვადასხვა უნივერსიტეტებიდან. სრულად... წყარო: ორგანიზაციის გვერდი სოციალურ ქსელში

კახეთი. კახეთში, ევროკავშირის ფინანსური მხარდაჭერით მიმდინარე პროექტის „წყალი სიღარიბის აღმოსაფხვრელად“ ფარგლებში, სამიზნე მუნიციპალიტეტების (ახმეტა, საგარეჯო, ლაგოდეხი) WaSH საბჭოების წევრებისათვის, საჯარო სკოლების, განათლების ცენტრებისა და მუნიციპალიტეტების წარმომადგენლებისთვის WaSH-თან (წყალი, სანიტარია და ჰიგიენა) დაკავშირებული ტრენინგი მიმდინარეობს. „ტრენინგის ფარგლებში მონაწილეები ადამიანის უფლებების ჭრილში WaSH საკითხებს, საგრანტო განაცხადების მომზადებასა და პროექტების მართვის შესახებ ცოდნასა და უნარებს ეუფლებიან.  ტრენინგების დასრულების შემდეგ, გამოცხადდება საგრანტო კონკურსი, სადაც სამიზნე მუნიციპალიტეტების წარმომადგენლები შეძლებენ მონაწილეობის მიღებას“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიული კვლევებისა და განვითარების ცენტრის ორგანიზებით გაიმართა ფორუმი „საჯარო პოლიტიკა კორპორაციული სოციალური პასუხისმგებლობის მხარდასაჭერად”. „ფორუმში მონაწილეობა მიიღეს ქართული ბიზნესის, სახელმწიფოს, დონორი და სამოქალაქო ორგანიზაციების წარმომადგენლებმა. სპიკერებმა დამსწრე საზოგადოებას გაუზიარეს დასავლეთ ქვეყნების გამოცდილება და ესაუბრნენ იმ საჯარო პოლიტიკის ინსტრუმენტებზე, რომელიც ხელს შეუწყობს CSR-ის განვითარებას. CSRDG მხარდამჭერ ორგანიზაციებთან ერთად იმედოვნებს, რომ ფორუმი საჯარო პოლიტიკაში CSR-ის საკითხის დაყენებისაკენ წინ გადადგმული ნაბიჯია”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

2019 წლის ივნისში რონდელის ფონდმა საქართველოს მართლმადიდებელი ეკლესიის რეგიონალური ეპარქიების წარმომადგენლებთან ერთად დაიწყო დისკუსიების სერია მრგვალი მაგიდის ფორმატში. “რაჭაში, კახეთსა და სამეგრელოში ჩატარებული შეხვედრების ფარგლებში გაიმართა დისკუსიები საქართველოს განვითარების პრიორიტეტებზე, საშინაო და საგარეო პოლიტიკურ გამოწვევებსა და შესაძლებლობებზე“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. 26 ივნისს, ასოციაცია „ათინათის“ ახალგაზრდული ცენტრი ბათუმის ახალგაზრდულ ცენტრს ეწვია. „სასწავლო ვიზიტის ფარგლებში, ცენტრებმა ერთობლივად განახორციელეს რელიგიური ტურები ბათუმის საკათედრო ტაძარში, სომხური სამოციქულო ეკლესიაში, სინაგოგასა და მეჩეთში. ახალგაზრდებმა მიიღეს ინფორმაცია ქრისტიანული ტაძრის, ებრაული და მუსლიმანთა სალოცავების შექმნის ისტორიის, არქიტექტურული კომპოზიციის, ადათ-წესებისა და რელიგიური ტრადიციების შესახებ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს ბლოგპოსტს: აფხაზეთისა და ცხინვალის რეგიონის კურატორები: ახალი და ძველი სახეები. „2019 წელს რუსეთში აფხაზეთისა და ცხინვალის რეგიონის მიმართულებით ორი მნიშვნელოვანი საკადრო ცვლილება განხორციელდა, ზოგიერთი საჯარო მოხელის როლი გაძლიერდა, ზოგიერთის კი, შესუსტდა. სტატიაში მოკლედ განვიხილავთ, 2019 წლის ივნისის მონაცემებით, აფხაზეთისა და ცხინვალის რეგიონის კურატორებიდან ვინ დასუსტდა და ვინ გაძლიერდა“, ნათქვამია ორგანიზაციის ვებგვერდზე. სრულად... წყარო: kremlin-roadmap.gfsis.org

აჭარა. 9 ივნისს, ბათუმში, სავაჭრო ცენტრ „ბათუმი მოლში" „თავისუფალ ჟურნალისტთა სახლის" ორგანიზებით, გაიმართა საინფორმაციო კამპანია სურსათის ეტიკეტირების თემაზე. „ევროკლუბის მოხალისეებთან ერთად მოქალაქეებს მივაწოდეთ ინფორმაცია სურსათის ეტიკეტირების ახალი რეგულაციების შესახებ. საინფორმაციო კამპანიის მიზანი იყო მოსახლეობის ცნობიერების ამაღლება ასოცირების ხელშეკრულებით ნაკისრი ვალდებულებების შესრულების პროცესზე", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საზოგადოებრივი ორგანიზაციები მოუწოდებენ საქართველოს პარლამენტს, დროულად იმსჯელოს იუსტიციის უმაღლესი საბჭოს წევრის, ზაზა ხარებავასთვის უფლებამოსილების შეწყვეტის თაობაზე. „საქართველოს იუსტიციის უმაღლესი საბჭო იწყებს უზენაესი სასამართლოს მოსამართლეთა შერჩევის პროცესს. დღეს, 7 ივნისს, გაიმართება კონკურსში მონაწილე პირთა კანდიდატად რეგისტრაციის სხდომა, რომელსაც რამდენიმე ეტაპად მოყვება ფარული კენჭისყრები საბჭოში. ამ ვითარებაში, კრიტიკულად მნიშვნელოვანია, საქართველოს პარლამენტმა უმოკლეს ვადებში იმსჯელოს იუსტიციის უმაღლესი საბჭოს არამოსამართლე წევრის - ზაზა ხარებავას - საბჭოში არჩევის კანონიერების საკითხსა და მისთვის უფლებამოსილების შეწყვეტაზე. 2019 წლის 14 მაისს კოალიციამ „დამოუკიდებელი და გამჭვირვალე მართლმსაჯულებისთვის" საქართველოს პარლამენტს მიმართა მოთხოვნით, შეისწავლოს იუსტიციის უმაღლესი საბჭოს არამოსამართლე წევრის - ზაზა ხარებავას არჩევის კანონიერების საკითხი. კოალიციის განცხადებით, ზაზა ხარებავას არჩევის პროცესში დარღვეულია კანონის მოთხოვნები, რამდენადაც მისი კანდიდატურა პარლამენტს არაუფლებამოსილმა სუბიექტმა წარუდგინა", - ვკითხულობთ განცხადებაში. სრულად  წყარო: https://emc.org.ge

თბილისი. „საქართველოს ახალგაზრდა იურისტთა ასოციაცია" მოუწოდებს საქართველოს პარლამენტს, მხარი რ დაუჭიროს სახელმწიფო ინსპექტორის შესარჩევი საკონკურსო კომისიის დებულების დარღვევით გამოვლენილ კანდიდატებს. „2019 წლის 1 ივნისს, სახელმწიფო ინსპექტორის შესარჩევმა საკონკურსო კომისიამ, საქართველოს პრემიერ-მინისტრის ინსპექტორობის ორი კანდიდატი - ვალერი ლომუაშვილი და ლონდა თოლორია წარუდგინა. საია-ს მიაჩნია, რომ ინსპექტორობის კანდიდატების შერჩევის დროს კომისიამ დებულებით განსაზღვრული წესი დაარღვია", - აღნიშნულია საია-ს მიერ გავრცელებულ განცხადებაში. შესაბამისად, საია მოუწოდებს საქართველოს პარლამენტს, მხარი არ დაუჭიროს სახელმწიფო ინსპექტორის შესარჩევი საკონკურსო კომისიის დებულების დარღვევით გამოვლენილ რომელიმე კანდიდატს. სრულად  წყარო: ორგანიზაციის ვებგვერდი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი... 

იმერეთი. „საერთაშორისო გამჭვირვალობა - საქართველოს" ორგანიზებით, ქუთაისში, ზუგდიდსა და ბათუმში ინფორმაციის ვიზუალიზაციის შესახებ ტრენინგები ჩატარდა, რომელსაც მედიამკვლევარი მაგდა გუგავა უძღვებოდა. „ტრენინგებში მონაწილეობა ადგილობრივი თვითმმართველობის, არასამთავრობო სექტორის, მედიისა და ბიზნესის 55-მა წარმომადგენელმა მიიღო. შეხვედრები ნორვეგიის საგარეო საქმეთა სამინისტროს ფინანსური მხარდაჭერით გაიმართა", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) აქვეყნებს ბლოგპოსტს: სტატისტიკური მონაცემების როლი ირიბი დისკრიმინაციის დადგენისას. „სწორ და ზუსტ ინფორმაციაზე საუბარი რომ დეფიციტური და ამავდროულად ძალიან მნიშვნელოვანია დემოკრატიული საზოგადოების განვითარების გზაზე, სწორედ ამაზე ვაპირებ საუბარს. თავის მხრივ, დაზუსტებული ინფორმაცია მტკიცებულებებსა და კვლევებზე დაყრდნობილი კონკრეტული მონაცემების შეგროვებით, დამუშავებითა და ანალიზით იქმნება. სახელმწიფოს ან კონკრეტული ინსტიტუტის განვითარების წინაპირობა კი, ამ მონაცემებზე დაყრდნობით შემუშავებული პროგრესული ნაბიჯებია. ეს არის ის მარტივი ჯაჭვი, რაც სტატისტიკური მონაცემების აუცილებლობაზე, მის სარგებლიანობასა და გამოყენების შესაძლებლობებზე მიუთითებს", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com