გურია. არასამთავრობო ორგანიზაციებმა დაიწყეს „ადგილობრივი თვითმმართველობის კოდექსში" მოქალაქეთა მონაწილეობის ფორმებზე კანონპროექტის შემუშავება. საზოგადოებრივი საბჭოების ფორმირების განხილვის მიზნით, საქართველოს სასოფლო დარბაზი გურიის, სამეგრელოსა და შიდა ქართლის სოფლებში ადგილობრივ მოსახლეობასთან შეხვედრებს ატარებს. სასოფლო დარბაზის წევრებმა უკვე მოაწყვეს 16 შეხვედრა, სადაც განიხილეს სოფლის მოსახლეობის მოსაზრებები კანონპროექტთან მიმართებაში. შედეგების ანალიზი მიეწოდება საპარლამენტო კომიტეტს.