თბილისი. ნატოსა და ევროკავშირის შესახებ საინფორმაციო ცენტრისა და საქართველოს ახალგაზრდა დიპლომატთა კლუბის ინიციატივით ინტერაქტიული თამაში CITY GAME - NATO მოეწყო. თამაშში სტუდენტები და უფროსკლასელები მონაწილეობდნენ. 3 წევრისგან შემდგარი თითოეული გუნდის მიზანი მოსწავლე ახალგაზრდობის სასახლის ტერიტორიაზე დამალული მინიშნებების მოძებნა და ნატოს შესახებ დასმულ კითხვებზე პასუხების გაცემა იყო.
გამარჯვებულ გუნდს საქართველოში ბულგარეთის საელჩოს მიერ დაწესებული პრიზები გადაეცათ.
წყარო: ორგანიზაციის გვერდი სოციალურ ქსელში