იმერეთი. 9 დეკემბერს, ქუთაისში, „საერთაშორისო გამჭვირვალობა - საქართველომ" გამართა დისკუსია - „ქუთაისის წყლის სისტემის რეაბილიტაციის პროექტის მიმდინარეობა".
„2013 წლის 16 სექტემბრიდან საქართველოს გაერთიანებული წყალმომარაგების კომპანია აზიის განვითარების ბანკის დაფინანსებით ქუთაისში ახორციელებს წყალმომარაგების ქსელის რეაბილიტაციის პროექტს. პროექტის მიზანია, ქუთაისის წყალმომარაგების ინფრასტრუქტურის გაუმჯობესება და მოსახლების 24 საათიანი წყალმომარაგებით უზრუნველყოფა", ნათქვამია ორგანიზაციის გვერდზე.
დისკუსიის მომხსენებლები იყვნენ: სამშენებლო კომპანია „კობრას" წარმომადგენელი მარიო კარილიო; საზედამხედველო კომპანია „ეპტისას" წარმომადგენელი - გიორგი ბიჭიაშვილი; თვითმმართველი ქალაქ ქუთაისის მერიის ინფრასტრუქტურის განვითარების, კეთილმოწყობის, ტრანსპორტისა და დასუფთავების სამსახურის უფროსი - მალხაზ ბასილაძე; საქართველოს გაერთიანებული წყალმომარაგების კომპანიის ქუთაისის სერვის ცენტრის დირექტორის მოადგილე.
წყარო: ორგანიზაციის გვერდი სოციალურ ქსელში