კახეთი. არასამთავრობო ორგანიზაციის „მოქალაქის" საგანმანათლებლო პროექტის -„სტუდენტები თვითმმართველობისთვის" – ფარგლებში, სიღნაღს თესაუს სტუდენტური გუნდი ეწვია. სტუდენტთა გუნდი სიღნაღის მუნიციპალიტეტის გამგებელს და ადგილობრივი თვითმმართველობის წარმომადგენლებს შეხვდნენ.
პროექტის ფარგლებში სტუდენტები ერთი კვირის განმავლობაში სიღნაღის მუნიციპალიტეტში არსებულ ვითარებას შეისწავლიან, ჩაატარებენ მოსახლეობის გამოკითხვას და დასასრულს წარადგენენ სიღნაღის მუნიციპალიტეტის პრობლემების და საჭიროების ამსახველ დოკუმენტს.
პროექტის მიზანია ადგილობრივი თვითმმართველობების მხარდაჭერა და თვითმმართველობის პროცესებში ახალგაზრდების აქტიური ჩართვა.