თბილისი. პარლამენტის წინ 1921 წლის 25 თებერვლის მოვლენებისადმი მიძღვნილი გამოფენა–აქცია გაიმართა სახელწოდებით – „დავიწყება განმეორების გარანტიაა". სადაც წარმოდგენილი იყო რეპრესირებულთა სიები და დოკუმენტური ფოტო მასალა, საქართველოს გასაბჭოების პირველ წლებში, საბჭოთა ბანაკებში გადასახლებულ პირთა ხელნაკეთი ნივთები, ჩანაწერები, რომლებიც შინაგან საქმეთა სამინისტროს არქივი ინახავს.
აქცია გამოფენა საზოგადოება „მემორიალისა" და ინფორმაციის თავისუფლების განვითარების ინსტიტუტის ინიციატივით, ბოლო რამდენიმე წელია, იმართება. აქციაზე წარმოდგენილი ნივთებისა თუ ფოტომასალის ხილვა დაინტერესებულ პირებს 26 და 27 თებერვალს ლიტერატურის მუზეუმში შეეძლებათ.