კახეთი. არასამთავრობო ორგანიზაციის ,,თელავის საზოგადოებრივი დარბაზის" წარმომადგენლების ორგანიზებითა და ინიციატივით ქალაქის მერმა თელაველებს 6 თვის მუშაობის ანგარიში წარუდგინა.
შეხვედრაზე დამსწრეებმა, ქალაქისთვის პრობლემატურ საკითხებზე იმსჯელეს. მოსახლეობამ უწყების მიერ ბოლო 6 თვის განმავლობაში გაწეული სამუშაოების შესახებ ანგარიშიც მოისმინეს და სამომავლოდ განსახორციელებელ საკითხებზეც იმსჯელეს. შეხვედრა კითხვა-პასუხის რეჟიმში მიმდინარეობდა.
,,საზოგადოებრივი დარბაზის" წევრების თქმით, ქალაქში არსებული ერთ–ერთი მთავარი პრობლემა მოძრაობის დარეგულირება და პარკირების მოწესრიგება, ასევე მუნიციპალური ტრანსპორტის არარსებობაა.
შეხვედრას ესწრებოდნენ ,,ახალგაზრდული მრჩეველთა საბჭოს", არასამთავრობო სექტორის წარმომადგენლები და მოსახლეობა.