აჭარა. 28 აპრილს, ბათუმის დემოკრატიული ჩართულობის ცენტრში, ჰაინრიხ ბიოლის ფონდის მიერ ორგანიზებული შეხვედრა გაიმართა. შეხვედრაზე ქალაქის ურბანული დაგეგმვის, მისი განვითარების ისტორიისა და მომავლის გეგმებთან დაკავშირებით ისაუბრეს. მოწვეულმა მომხსენებლებმა და ექსპერტებმა, ქალაქის განვითარების გრძელვადიან ხედვებსა და ურბანიზაციის პროცესების რაციონალურ დაგეგმარებაზე გააკეთეს აქცენტი. ასევე, აღნიშნეს ისიც, რომ ქალაქ ბათუმს ამჟამდ არანაირი გეგმა არ გააჩნია და ქალაქის ქაოსური განაშენიანება გრძელდება. შეხვედრაზე ჰაინრიხ ბიოლის ფონდის მიერ გამოცემული ნაშრომის – „ქალაქი ნავთობის შემდეგ: ქალაქის მომავლის ისტორია" – პრეზენტაციაც გაიმართა.