აჭარა. 20 მაისს, ბათუმის დემოკრატიული ჩართულობის ცენტრში, საჯარო დისკუსია - «როგორ შეცვალა სამოქალაქო აქტივიზმმა ადგილობრივი დემოკრატია» - ჰაინრიხ ბიოლის ფონდის ორგანიზებით გაიმართა. შეხვედრაზე საუბარი საკანონმდებლო კუთხით არსებულ ხარვეზებს შეეხო. ასევე ისაუბრეს თვითმმართველობის როლსა და ფუნქციებზე, როგორი უნდა იყოს ადგილობრივი თვითმმართველობა და რა ფორმით უნდა მოხდეს სამოქალაქო ინტერესების გაზრდა. შეხვედრას იურისტები, საკრებულოს წევრები, მესამე სექტორის წარმომადგენლები და სამოქალაქო მრჩეველთაა საბჭოს წევრები ესწრებოდნენ.