თბილისი. აშშ–ის საერთაშორისო განვითარების სააგენტომ საინფორმაციო შეხვედრა გამართა ახალი საგრანტო კონკურსის შესახებ – „საარჩევნო პოლიტიკური პროცესების ხელშეწყობა ქართულ სამოქალაქო ორგანიზაციებთან თანამშრომლობით". შეგახსენებთ, რომ გრანტი 11 მაისს გამოცხადდა.

სააგენტოს ვებგვერდზე განთავსებულ ინფორმაციაში ნათქვამია, რომ ამომწურავი პასუხები გაეცა ორგანიზაციების დასმულ კითხვებს და რომ უახლოეს მომავალში პასუხები გამოქვეყნდება რამდენიმე საიტზე, მათ შორის მისიის ვებგვერდზე.

კონკურსთან დაკავშირებული ყველა ინფორმაცია ხელმისაწვდომი იქნება დემოკრატიული ჩართულობის ცენტრებში.

წყარო: აშშ–ის საერთაშორისო განვითარების სააგენტო