თბილისი. ნიდერლანდების ინსტიტუტი მრავალპარტიული დემოკრატიისათვის (NIMD) სამხრეთ კავკასიის წარმომადგენლობა ახალი ტრადიციის დამკვიდრებას იწყებს. ყოველწლიურად, დემოკრატიის სკოლების კურსდამთავრებულთა ქსელიდან ორგანიზაცია გამოარჩევს და „დემოკრატიის ლიდერის" ჯილდოს გადასცემს იმ ადამიანს, რომელიც გამოავლენს სიმამაცეს, სიმტკიცეს და ლიდერის თვისებებს დემოკრატიული ღირებულებების, ადამიანის უფლებებისა და თანასწორობის გაძლიერებისა და პოპულარიზაციის საქმეში.

2015 წელს „დემოკრატიის ლიდერის" გამოსავლენად ყველა კურსდამთავრებულს შეუძლია მონაწილეობა მიიღოს გამოკითხვაში და დაასახელოს თავისი კანდიდატი წოდების მისაღებად. შერჩეული კანდიდატის დაჯილდოების ცერემონია 11 ივნისს, ყვარელში, დემოკრატიის საზაფხულო ბანაკის დახურვის ცერემონიაზე საპატიო სტუმრების თანდასწრებით შედგება.

წყარო: democracybootcamp.ge