თანამშრომლობის მემორანდუმი
თბილისი. 6 ივლისს სამოქალაქო ცნობიერებისა და საარჩევნო კულტურის ამაღლების ხელშეწყობის მიზნით, საქართველოს ცენტრალურმა საარჩევნო კომისიამ და საიამ „საარჩევნო განვითარების სკოლის" ფარგლებში მემორანდუმი გააფორმეს.
ორგანიზაციები მზაობას გამოთქვამენ ხელი შეუწყონ სამოქალაქო ჩართულობის გაზრდას, ამომრჩეველთა ცნობიერების ამაღლებას, არჩევნების პოპულარიზაციას საზოგადოების ფართო წრეებში, განსაკუთრებით ახალგაზრდებში, მოწყვლად ჯგუფებსა და უმცირესობებში. აღნიშნული მიზნების მისაღწევად მხარეები მჭიდროდ ითანამშრომლებენ „საარჩევნო განვითარების სკოლა 2015" პროექტის წარმატებით განხორციელების ხელშეწყობის ფარგლებში.
წყარო: gyla.ge
