ანტიდისკრიმინაციული კანონის აღსრულება – მონიტორინგის შედეგები
თბილისი. 29 ივლისს, 09:30 საათზე, სასტუმრო „რუმსში” კოალიცია თანასწორობისთვის ანტიდისკრიმინაციული კანონის აღსრულების ერთი წლის მონიტორინგის ანგარიშს წარადგენს. ანგარიშში ასახულია ანტიდისკრიმინაციული კანონმდებლობის სრულყოფისა და მისი სათანადო განხორციელების მიზნით გატარებული ქმედებები 2014 წლის მაისიდან 2015 წლის 1 აპრილამდე. ანგარიში მომზადებულია „კოალიცია თანასწორობისთვის” წევრი ორგანიზაციების მიერ სახალხო დამცველის აპარატში წარდგენილი საჩივრების, სასამართლოებში შეტანილი სარჩელების, სახალხო დამცველისა და საერთო სასამართლოების მიერ მიღებული საბოლოო და შუალედური გადაწყვეტილებების, მოქმედი კანონმდებლობის და საჯარო ინფორმაციის სახით სახალხო დამცველის აპარატიდან გამოთხოვილი მასალების ანალიზის საფუძველზე.
