თბილისი. ინფორმაციის თავისუფლების განვითარების ინსტიტუტმა (IDFI) გამოაქვეყნა კვლევა - იყო თუ არა თანაბრად ხელმისაწვდომი უეფას სუპერთასის მატჩზე დასასწრები ბილეთები საჯარო სექტორში დასაქმებული და სხვა მოქალაქეებისათვის.

„თუ გავითვალისწინებთ იმ ფაქტს, რომ კვლევა წარმოდგენილია მხოლოდ 17 საჯარო დაწესებულების მაგალითზე, შეგვიძლია ვივარაუდოთ, რომ ბილეთების შეძენის გამოცხადებული წესების გვერდის ავლით გაცილებით დიდი რაოდენობით ბილეთი გაიყიდა საჯარო დაწესებულებებში დასაქმებულ თანამშრომლებზე, ვიდრე ეს წინამდებარე კვლევაში იქნა ჩვენს მიერ წარმოდგენილი", ნათქვამია ორგანიზაციის განცხადებაში.

წყარო: idfi.ge