დახმარება სოციალურად დაუცველებს
სამეგრელო. ასოციაცია „ათინათის” პროგრამა „მომავლის თაობის” ფარგლებში, სოფელ ლეხაინდრაოს საჯარო სკოლის მეათე კლასმა სიღარიბის დაძლევის დღის აღსანიშნავად სასკოლო პროექტი განახორციელა.
„მარტვილის მუნიციპალიტეტთან თანამშრომლობის შედეგად არჩეულ იქნა სამი სოციალურად დაუცველი ოჯახი. კლასმა მოიკვლია მათი საჭიროებები და დაისახეს გეგმა მიზნის მისაღწევად.
პროექტის განხორციელებისას მათ დახმარებისთვის მოუწოდეს მარტვილის საკრებულოს, სკოლის ადმინისტრაციას და სოფლის მოსახლეობას, რომელთა მხრიდან მოხერხდა სხვადასხვა საყოფაცხოვრებო ნივთებისა და გარკვეული რაოდენობის თანხის შეგროვება", ნათქვამია ორგანიზაციის გაცხადებაში.
წყარო: ორგანიზაციის ვებ-გვერდი სოციალურ ქსელში
