აჭარა. 25-27 დეკემბერს, ორგანიზაცია „სანშაინის" ორგანიზებით, ყოველწლიური საქველმოქმედო აქცია გაიმართა. აქციის მიზანი იყო უსახლკარო და ხელმოკლე ოჯახების დახმარება თბილი ტანსაცმლით და სხვადასხვა საოჯახო ნივთებით. ახალგაზრდული გაერთიანება უკვე მესამე წელია აღნიშნულ აქციას მართავს. სამი დღის განმავლობაში ბათუმელებს და არამარტო ქალაქის მკვიდრებს, ევროპის მოედანზე ის ნივთები და ტანსაცმელები მიჰქონდათ, რომელთა გამოყენებას აქციის ბენეფიციარები ზამთარში შეძლებენ. აქციის ორგანიზატორების განცხადებით, ძირითადი ბენეფიციარები ოცნების ქალაქში დასახლებული მოსახლეობაა, რომლებსაც ზამთრის გასატარებლად მინიმალური პირობებიც კი არ გააჩნიათ.