აჭარა. 23 იანვარს, აჭარის ა.რ. მთავრობის თავმჯდომარემ არჩილ ხაბაძემ განცხადება გაავრცელა, რომლის საფუძველზე ბათუმის ბულვარი 2016 წლის ტურისტულ სეზონს სამი განახლებული ხეივნით შეხვდება. აღნიშნული გადაწყვეტილება საზოგადოების აქტიურობის შედეგად მიიღეს. მესამე სექტორი და ბათუმელები გაერთიანდნენ, პეტიცია, ქუჩის აქციები, მზადება სამართლებრივი დავისთვის - ვიდრე პროცესი სასამართლოში გადაინაცვლებდა, შეთანხმება შედგა. როგორც უკვე ითქვა, მთავრობამ მოსახლეობის მოთხოვნა გაითვალისწინა და სამივე ხეივნის შენარჩუნების პირობა დადო.