აჭარა. 9 თებერვლიდან 11 თებერვლის ჩათვლით, „პროექტების დაგეგმვა, განხორციელება და მართვა" - საკითხებზე საქართველოს სხვადასხვა რეგიონში მომუშავე არასამთავრობო ორგანიზაციებისა და საინიციატივო ჯგუფის წევრებს სამი დღის განმავლობაში ტრენინგი ჩაუტარდებათ. მის მიზანს ეკომიგრაციის საკითხებზე მომუშავე ორგანიზაციების გაძლიერება, მოგვიანებით კი მათთვის მცირე საგრანტო კონკურსის შეთავაზება წარმოადგენს. პროექტის ფარგლებში საინიციატივო ჯგუფის წევრებს საშუალება ეძლევათ ეკომიგრანტთა ჩასახლების ადგილებში შექმნან არასამთავრობო ორგანიზაცია, რომელიც მათ პრობლემებზე იმუშავებს. იგეგმება ღია საგრანტო კონკურსის გამოცხადებაც, იმ პირებისათვის რომლებიც ტრენინგში ამ ეტაპზე არ მონაწილეობენ. პროექტს „დემოკრატიის ინსტიტუტი" ევროკავშირის მხარდაჭერით ახორციელებს.