„აფბა“ მიწების რეგისტრაციის პროცესში დარღვევებზე
თბილისი. „ახალგაზრდა ფინანსისტთა და ბიზნესმენთა ასოციაცია – აფბა" ეხმიანება ნაციონალური მოძრაობის პერიოდში მიწების პრივატიზაციის პროცესში არსებული დარღვევების პრობლემას.
„ჩვენს მიერ მოპოვებული დოკუმენტაციიდან ირკვევა, რომ ქობულეთში, სოფელ ციხისძირში მდებარე სახელმწიფო საკუთრებაში არსებული 90 378 კვადრატული მეტრი არასასოფლო–სამეურნეო მიწის ნაკვეთი და მასზე დამაგრებული 199 კვადრატული მეტრი შენობა ნაგებობა ყოფილი პრეზიდენტის მიხეილ სააკაშვილის 2011 წლის 3 აგვისტოს განკარგულებით, პირდაპირი მიყიდვის ფორმით, სიმბოლურ ფასად – 1 ლარად საკუთრებაში გადაეცა პანამაში, ოფშორულ ზონაში დარეგისტრირებულ კომპანიას REDMAN FEDERATION INC-ს”, ნათქვამია ორგანიზაციის ვებ-გვერდზე.
წყარო: afba.ge
