მცხეთა-მთიანეთი. „ნატოსა და ევროკავშირის შესახებ საინფორმაციო ცენტრის" წარმომადგენელი მარიამ დოლიძე დუშეთის მუნიციპალიტეტის სოფლებ ჭადიჯვრისა და ლამოვანის ადგილობრივ მოსახლეობას შეხვდა.

შეხვედრას ესწრებოდნენ სოფლების საჯარო სკოლების მოსწავლეები, ფერმერები და ადგილობრივი გამგეობის წარმომადგენლები. შეხვედრაზე მოეწყო თომა ჩაგელიშვილის დოკუმენტური ფილმის „მოგზაურობა ევროპაში" ჩვენება. ფილმის ჩვენების შემდეგ მარიამ დოლიძემ საქართველოს ევროპული ინტეგრაციის მნიშვნელობა, ვიზის ლიბერალიზაციის საკითხები და ამ პროცესის გარშემო გავრცელებული მითები განიხილა. მოსახლეობას მიეწოდა სწორი ინფორმაცია ინტეგრაციისა და მიმდინარე პროცესების შესახებ", ნათქვამია ორგანიზაციის ვებ-გვერდზე.

წყარო: ორგანიზაციის ვებ-გვერდი სოციალურ ქსელში