აჭარა. 10 მარტს, ბათუმის დემოკრატიული ჩართულობის ცენტრში საზოგადოებრივი ორგანიზაციების წარმომადგენლებთან საინფორმაციო შეხვედრა გაიმართა. საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო, ემიგრაციიდან დაბრუნებული საქართველოს მოქალაქეების რეინტეგრაციის უზრუნველყოფის მიზნით, საგრანტო კონკურსს აცხადებს. წელს სახელმწიფო ბიუჯეტში მიგრანტების მხარდასაჭერად 600 000 ლარი გამოიყო. კონკურსი 21 მარტს სრულდება.