თბილისი. „ტოლერანტობისა და მრავალფეროვნების ინსტიტუტი" (TDI) საქართველოს სახელმწიფო საზღვარზე, სარფის სასაზღვრო გამტარ პუნქტზე, საქართველოს მუსლიმი თემის წევრების უფლებების სავარაუდო დარღვევის ფაქტებს სწავლობს.

„აჭარის რეგიონში ჩატარებული კვლევის შუალედური შედეგები გვიჩვენებს, რომ მუსლიმი თემის წარმომადგენლების უფლებათა დარღვევის სავარაუდო ფაქტები ხშირად, თურქეთ-საქართველოს საზღვარის გადაკვეთისას, კერძოდ, საქართველოს სასაზღვრო პუნქტზე ხდება, განსაკუთრებით, თუ მათ თან აქვთ არაქართულენოვანი ლიტერატურა ან/და რელიგიური დანიშნულების ნივთები", ნათქვამია ორგანიზაციის ვებ-გვერდზე.

წყარო: tdi.ge