თბილისი. გარემოსა და ბუნებრივი რესურსების დაცვის მინისტრი გიგლა აგულაშვილი „ეკოჰაბში" არასამთავრობო, სამთავრობო და ბიზნესსექტორის წარმომადგენლებს შეხვდა.
„გიგლა აგულაშვილმა, მინისტრის მოადგილე თეიმურაზ მურღულიასთან ერთად, შეხვედრის მონაწილეებს, ბათუმში დაგეგმილი მინისტრთა მერვე კონფერენციის - „გარემო ევროპისთვის" მნიშვნელობა, პერსპექტივები და კონფერენციის ფარგლებში დაგეგმილი აქტივობები გააცნო.
„გარემო ევროპისთვის" 8-10 ივნისს ბათუმში გაიმართება. კონფერენციას 800- მდე დელეგატთან ერთად, დიპლომატიური კორპუსის, საერთაშორისო ორგანიზაციების და სამთავრობო უწყებების წარმომადგენლები დაესწრებიან", ნათქვამია ორგანიზაციის ვებ-გვერდზე სოციალურ ქსელში.
წყარო: ორგანიზაციის ვებ-გვერდი სოციალურ ქსელში