აჭარა. 14 აპრილს, ბათუმის დემოკრატიული ჩართულობის ცენტრში, სიდას ორგანიზებით შეხვედრა გაიამრთა. ეკონომიკური ზრდა, სოციალური ასპექტების განვითარება და გარემოს დაცვა - ეს იმ პროგრამების ნაწილია, რომელიც საქართველოს მთავრობამ, გაეროს განვითარების პროგრამების დახმარებით, მომავალი 15 წლის განმავლობაში უნდა გააუმჯობესოს. „მდგრადი განვითარების მიზნების იმპლემენტაცია საქართველოში" პროგრამების განხორციელებაში მოსახლეობის მეტი ჩართულობის მიზნით ორგანიზატორებმა შეხვედრა არასამთავრობო ორგანიზაციების წარმომადგენლებთან გამართეს. მდგრადი განვითარების მიზნების იმპლემენტაცია საქართველოში გასული წლიდან ხორციელდება. შეხვედრები წელს ქვეყნის 5 ქალაქში: ქუთაისში, ბათუმში, გორში, მარნეულსა და ახალქალაქში გაიმართება.