თბილისი. ინფორმაციის თავისუფლების განვითარების ინსტიტუტი (IDFI) აქვეყნებს გიორგი ლომთაძის სტატიას: „ვიზა ლიბერალიზაცია - არჩევნებამდე თუ არჩევნების შემდეგ?"

„მინისტრთა საბჭოს 20 ივნისის შეხვედრის შემდეგ, ეჭვები იმის შესახებ, რომ საქართველომ შეიძლება ვერ მიიღოს უვიზო რეჟიმი, გაქარწყლდა. ყველაზე ოპტიმისტური სცენარით, საკითხი სექტემბერში გადაწყდება. თუმცა, პროცედურული საკითხების გათვალისწინებით, საქართველოს ოქტომბრის საპარლამენტო არჩევნებამდე ვიზა ლიბერალიზაციის პროცესის დასრულება ნაკლებად სავარაუდოა.

ერთი მხრივ, უცნობია, მოასწრებს თუ არა კორეპერი საქართველოს საკითხის განხილვას საგარეო საქმეთა მინისტრების 18 ივლისს დანიშნულ შეხვედრამდე. ხოლო მეორე მხრივ, თუ გავითვალისწინებთ ბრიტანეთის რეფერენდუმის შედეგებით გამოწვეულ არასტაბილურობასა და გაურკვევლობას, ევროპარლამენტმა შესაძლოა ვერ მოასწროს ვიზა ლიბერალიზაციის შეჩერების მექანიზმის დამტკიცება აგვისტოს შესვენებამდე," ნათქვამია სტატიაში.

წყარო: idfi.ge