თბილისი. 8 ოქტომბრის საპარლამენტო არჩევნები „კონკურენტულ და კარგად ადმინისტრირებულ გარემოში გაიმართა, სადაც ძირითადი თავისუფლებები ზოგადად დაცული იყო", განაცხადა OSCE/ODIHR–ის სადამკვირვებლო მისიამ კვირას გავრცელებულ წინასწარ დასკვნაში.

საერთაშორისო დამკვირვებლებმა განაცხადეს, რომ თითქმის ყველა საარჩევნო უბნის გახსნამ და კენჭისყრამ „დადებითი" შეფასება დაიმსახურა, თუმცა ხმების დათვლის პროცესი „გაცილებით უარესად შეფასდა".

„უბნების 31 პროცენტში ხმის დათვლა ცუდად, ან ძალიან ცუდად შეფასდა. ხმების დათვლის უარყოფითი შეფასებები უფრო მეტად საუბნო სარჩევნო კომისიების მხრიდან პროცედურების დაუცველობით იყო გამოწვეული, ვიდრე განზრახ გაყალბებით", – განაცხადა საერთაშორისო სადამკვირვებლო მისიამ.

წყარო: civil.ge