თბილისი. ჰაინრიხ ბიოლის სამხრეთ კავკასიის ბიუროს ფემინისტურ ვებ-გვერდზე, „იკითხე პოლიტიკის" ფარგლებში გამოქვეყნდა ბლოგპოსტი: „იმედგაცრუება და სხვა გრძნობები - 2016 წლის საპარლამენტო არჩევნების შესახებ".

„ზოგადად, „სიახლის" პრობლემა ქართულ პოლიტიკაში მწვავედ დგას. ქართული პოლიტიკა არც ახალი ადამიანების და არც ახალი იდეების მიმართ ღიაობით არ გამოირჩევა. მიუხედავად პარტიების რიტორიკისა, რომ ისინი განახლდნენ, სიაში ახალი სახეები ჰყავთ, შეცდომებს იაზრებენ და გამოცდილება მათ საქმიანობას უფრო ეფექტურს ხდის, ფორმის ცვლილება შინაარსის ცვლილებას არ იწვევს. ვიწყებთ ახალ ოთხწლეულს, სადაც მოქალაქეებს კიდევ უფრო მეტი ძალისხმევა დასჭირდებათ იმისთვის, რომ გადაწყვეტილების მიმღებ პირებს თავიანთი რეალური პრობლემები დაანახონ და მათზე სათანადო რეაგირება აიძულონ", ნათქვამია ბლოგპოსტში.

წყარო: www.feminism-boell.org