თბილისი. ადამიანის უფლებების სწავლებისა და მონიტორინგის ცენტრი EMC აქვეყნებს მიმოხილვას: „სამუშაო ადგილებზე მომეტებული ტექნიკური საფრთხის კონტროლის მექანიზმი და მისი ეფექტურობა".

ინსპექტირების დოკუმენტების ანალიზმა აჩვენა, რომ სააგენტოს მხრიდან ინსპექტირების ყოველწლიური პრაქტიკის მიუხედავად, დასახელებულ ობიექტებში წლების მანძილზე არ მცირდება გამოვლენილ დარღვევათა რაოდენობა და მათი სიმძიმის ხარისხი, რაც ხშირად კრიტიკულ შეუსაბამობასაც კი აღწევს. ამასთან, მიუხედავად 2012 წლიდან ტექნიკური და სამშენებლო ზედამხედველობის სააგენტოს ფუნქციონირებისა, რაც ტექნიკური ინსპექტირების განხორციელებაში გამოიხატება, ჭიათურასა და ტყიბულში დასაქმებულთა მხრიდან კვლავ ხშირია ტექნიკურ გაუმართაობასა და ტექნიკური საფრთხიდან მომდინარე მაღალ რისკებზე, როგორც სამუშაო გარემოს ერთ-ერთ კრიტიკულ მახასიათებელზე მითითება", ნათქვამია პოლიტიკის ნარკვევში.

წყარო: emc.org.ge