ევროკავშირთან ასოცირების შეთანხმების ელექტრონული მონიტორინგი
თბილისი. 23 დეკემბერს, საქართველოს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის ორგანიზებით ასოცირების შეთანხმების ელექტრონული მონიტორინგის სისტემის პრეზენტაცია გაიმართა.
„ასოცირების შეთანხმების ელექტრონული მონიტორინგის სისტემით ისარგებლებს 30-ზე მეტი საჯარო უწყების თანამშრომელი, რომლებიც ჩართულნი არიან ასოცირების შეთანხმების ანგარიშების მომზადებაში, მონიტორინგსა და შესაბამისი ღონისძიებების დაგეგმვაში. საჯარო მოხელეებს შესაძლებლობა ექნებათ, ონლაინ რეჟიმში შეიყვანონ მონაცემები სისტემაში, რაც ხელს შეუწყობს შეცდომების მინიმიზაციას და უწყებათა შორის ეფექტიან კოორდინაციას. სისტემა 2017 წლის თებერვლიდან ამუშავდება და მოქალაქეებს შესაძლებლობა ექნებათ თვალი ადევნონ საქართველო-ევროკავშირის ასოცირების შეთანხმების შესრულების პროგრესს სპეციალური ვებ-პორტალის მეშვეობით", ნათქვამია ორგანიზაციის ვებ-გვერდზე სოციალურ ქსელში.
წყარო: ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატი
