თბილისი. 18 იანვარს, „საერთაშორისო გამჭვირვალობა – საქართველომ” პროექტის „საქართველოს ღია პარლამენტის სამოქმედო გეგმის მონიტორინგის" ფარგლებში „ღია პარლამენტის 2015-2016 წლების სამოქმედო გეგმის მონიტორინგის მეორე ანგარიში” წარადგინა.

„მიუხედავად იმისა, რომ 2015-2016 წლების სამოქმედო გეგმის შემუშავებისა და მიღების პროცესი წარმატებული იყო, არსებობდა მნიშვნელოვანი ხარვეზები გეგმით გათვალისწინებული ვალდებულებების იმპლემენტაციის პროცესში პარლამენტის მიერ შესაბამისი ცვლილებების მიღების თვალსაზრისით. შესაძლებელია ითქვას, რომ პარლამენტის მხრიდან არასათანადო დამოკიდებულებამ განაპირობა ვალდებულებების უმრავლესობის შეუსრულებლობა და ასევე შესრულებული ვალდებულებების უმრავლესობის დაგვიანებით მიღება. რეალური საფრთხე არსებობს იმის, რომ მსგავსი ხარვეზები განმეორდეს ღია პარლამენტის მომდევნო სამოქმედო გეგმის მიღებისას", ნათქვამია ორგანიზაციის ვებ-გვერდზე.

წყარო: www.transparency.ge