პასუხი ხშირად დასმულ შეკითხვებზე - უვიზო მიმოსვლამდე 9 დღეა დარჩენილი
თბილისი. საქართველოში ევროკავშირის წარმომადგენლობა სოციალურ გვერდზე აქვეყნებს ხშირად დასმულ შეკითხვებზე პასუხებს.
„ევროკავშირის წევრი ქვეყნები, რომლებშიც უვიზოდ მოგზაურობაა შესაძლებელი, შემდეგია: ევროკავშირის წევრი ქვეყნები, რომლებიც შენგენის ზონაში შედიან: ავსტრია, ბელგია, ჩეხეთი, დანია, ესტონეთი, ფინეთი, საფრანგეთი, გერმანია, საბერძნეთი, უნგრეთი, იტალია, ლატვია, ლიტვა, ლუქსემბურგი, მალტა, ნიდერლანდები, პოლონეთი, პორტუგალია, სლოვაკეთი, სლოვენია, ესპანეთი და შვედეთი;
ევროკავშირის წევრი ქვეყნები, რომლებიც ჯერ არ არიან სრულად ინტეგრირებული შენგენის ზონაში: ბულგარეთი, ხორვატია, კვიპროსი და რუმინეთი.
საფრანგეთისა და ნიდერლანდების შემთხვევაში, უვიზო მიმოსვლა ამ ქვეყნების მხოლოდ ევროპულ ტერიტორიებს მოიცავს", ნათქვამია დოკუმენტში.
წყარო: eeas.europa.eu
