საკვირაო სკოლის მოსწავლეები მართლმსაჯულების მუზეუმში
თბილისი. 3 მაისს, საიას იურიდიული განათლების ხელშეწყობის ფონდის საკვირაო სკოლის მოსწავლეები მართლმსაჯულების მუზეუმს ესტუმრნენ.
„მოსწავლეებმა მართლმსაჯულების მუზეუმში ის ნივთები და ატრიბუტები დაათვალიერეს, რომელიც საქართველოში სამართლის განვითარებასთან ისტორიულადაა დაკავშირებული. ასევე მოინახულეს საექსპონატო დარბაზში გამოფენილი ძველი ქართული სამართლის ძეგლები, ასევე განთავსებული ინფორმაცია უზენაესი სასამართლოს ისტორიისა და იმ ცნობილი საზოგადო მოღვაწეების შესახებ, რომელთან დიდი წვლილი მიუძღვით ქართული სამართლის განვითარებაში", ნათქვამია ორგანიზაციის ვებ-გვერდზე სოციალურ ქსელში.
წყარო: ორგანიზაციის ვებ0გვერდი სოციალურ ქსელში
